Бала көтөрүп турган аял. Архив

Аялдар качан ажырашам деп баштайт? Кыргызстандагы статистика

1608
(жаңыланган 15:43 25.02.2020)
Статистикага караганда, үй-бүлөдөгү балдар никени сактап кала албайт.

БИШКЕК, 14-ноя. — Sputnik. Улуттук статистика комитетинин адистери аялдар качан ажырашам деп арыз берерин иликтеп көрүштү.

Ведомствонун маалыматына караганда, 2017-жылы көбүнчө 25-29 жаштагы аялдар ажырашууга арыз жазышкан. Ал эми эркектер көпчүлүк учурда 30-34 жашында үй-бүлөсүнөн баш тартат. 

Ажырашкан кыргызстандыктардын жаш курагы
Ажырашкан кыргызстандыктардын жаш курагы

Ажырашкан аялдардын көбү мектепти гана бүтүргөн: жалгыз жашайм деген келиндердин ар бир экинчиси орто билимге гана ээ. Эркектер арасында дагы ушундай эле көрүнүш. 

Ажырашкан кыргызстандыктардын балдарынын саны
Ажырашкан кыргызстандыктардын балдарынын саны

2017-жылы 11 миң баланын ата-энеси эки бөлөк жолго түшкөн. Статистика көрсөткөндөй, ортодо баланын болушу түгөйлөрдүн никесин сактап кала албайт. 

Ажырашып жаткан кыргызстандыктардын билими

2017-жылы ажырашуулардын саны Ош облусуна караштуу Кара-Суу шаарында көп болгон. Ал жакта 1000 адамга 18 ажырашкан түгөй туура келет. Бул көрсөткүч Бишкекке салыштырмалуу 9 эсеге көп.

1608
Белгилер:
аялдар, статистика, ажырашуу, Кыргызстан
Тема боюнча
Кыргызстанда кайсы айда өлүм-житим көп болот? Статистика
Канча жылдан кийин ажырашуу кооптуулугу жаралат? Статистика
Россиядагы Калининград шаарында мигранттар. Архив

Жогоруладыбы же түштүбү? COVID-19дун Россиядан которулган акчага таасири

36
(жаңыланган 02:05 30.05.2020)
Акча которуу системасы эл аралык агымдын көлөмү бул жазда азайып кеткендигин көрсөттү. Россиядан жакынкы чет өлкөлөргө жасалган которуулар апрелде кээ бир компанияларда 50 пайызга ылдыйлаган.

Мында көрсөткүчтөр көптөгөн эмгек мигранттары пандемиядан улам мекенине кайтып же Россияда ишсиз калганы менен байланыштуу болду. Sputnik учурда акча которуу рыногунда эмне болуп жатканына көз салып, кийинкиге божомол кылып көрдү.

Апрелдеги которуулар жарымына чейин азайды

Апрель айында рынокто Россиядан жакынкы мамлекеттерге жасалган эл аралык которуулар кадимкидей түштү. Эгерде мартта төмөндөө 5-10 пайыз (2019-жылдын март айына караганда) болсо, апрелде 50 пайызга жетти. Бул маалыматты "Золотая корона – Денежные переводы" кызматынын директору Иван Ситнов айтып берген. Азыр майдагы көрсөткүч 25-30 пайызда турат.

Денежные переводы в страны СНГ в 2019 году
© Sputnik
КМШ өлкөлөрүнө акча которуулар

Мындай абал "Юнистримде" да байкалган. Sputnik агенттигине Эл аралык которуулар кызматынын президенти Ксения Чернышева апрелде мартка караганда 34 пайызга түшкөндүгүн айтып берген. Майда апрелге карата 10 пайызга төмөндөө боолголонуп жатат.

Аналитик группы компаний Финам Алексей Коренев
"Финам" компаниясынын серепчиси Алексей Коренев
"Россиядан жакынкы мамлекеттерге которулган акчалардын көп бөлүгү мигранттардын мекенине, үй-бүлөсүнө жиберген каражаты. Мартта абал мынчалык курч болгон эмес, бир катар ишканалар иштеп жаткан. Апрелде алар токтоп калды. Көбү мекенине кайтканга мажбур болду же кырдаалдын жакшырышын күтүп отуруп калды. Тагыраагы, үйүнө жибергенге эч нерсеси калган жок", — деген "Финам" компаниялар тобунун серепчиси Алексей Коренев жаздагы которуулар көлөмүнө байкоо салып.

Western Union кызматынан апрелде мартка караганда которуулардын көлөмү азайганын айтышкан.

КМШ өлкөлөрүнүн экономикасына урулган сокку

Директор системы Золотая Корона – Денежные переводы Иван Ситнов на VI ежегодной церемонии вручения премии Банк года по версии портала banki.ru в Lotte Hotel Moscow.
© Sputnik / Валерий Левитин
"Золотая корона – Денежные переводы" кызматынын директору Иван Ситнов
"КМШ өлкөлөрүнүн көп бөлүгүнө Россиядан түшкөн акча – бюджетти кадимкидей эле толтурган каражат. Бул валюта андан аркы тышкы соода операцияларын жасоого көмөкчү болот. Андыктан ачка которуу Кыргызстан жана Тажикстан үчүн зор роль ойнойт. Алар үчүн күткөн акчанын түшпөй калышы чоң эле сокку", — деген Ситнов.

Тармактарды жандандырууга эмне жардам берет?

Иван Ситновдун пикирине караганда, акча которуу рыногунун кайра калыбына келишине эки фактор таасир этет. Алар — жеке адамдарды тейлеген жайлардын ачылышы жана эл аралык аба каттамдарынын иштеши.

"Биз май айында Москвада бир катар чектөөлөр алына тургандыгын көрүп турабыз. Бир катар пункттар иштеп, аз болсо да өсүү байкалды. Ал эми чек араларга келсек, эл Россияга акча тапканга учуп келе турган маалда жабылып калды. Чек ара кандай ачылары менен абал жакшырат. Бул Россияга иштөө үчүн эл учуп келгенде болот. Бирок мунун качан болорун билбейбиз. Балким, бир ай, балким, эки ай кетет. Алдын алып айтуу кыйын. Бардыгы коронавирустан улам абалга байланыштуу болот", — деп эсептейт "Золотая корона" кызматынын өкүлү.

Алексей Коренев болсо төмөнкүчө айтты.

"Азыр курулуш, жолдорду оңдоо иштерин башташат. Иштей турган кишилер керек, муктаждык болгон соң мигранттар Россияга кайрадан келет. Маселе башкада – эмгек рыногу өзгөрүшү мүмкүн", — деген аналитик.

Ал дагы бир пикири менен бөлүшкөн.

Эгерде пандемияга чейин Россиянын жарандарынын арасынан кара жумушка байланышкан, ачык абада, эшикте иштеген иштерге кызыгуу анчалык жаралбай мигранттарга тийсе, эми башкача болот. Келгендер атаандаштыкка кабылып, россиялыктар да ал иштерге, тагыраагы, мигранттардын жумушуна ыктай баштайт.

КМШнын экономикалык ишкер өнүгүү борборунун башкы директору Владимир Савченко да акча которуу өнөр жай активдүүлүгүнө байланыштуу деп эсептейт. Анын пикиринде, эгерде баары ойдогудай болсо, эки-үч айдан кийин калыбына келе баштайт.

36
Белгилер:
орун, иш, атаандаштык, Акча которуулар, коронавирус, Мигрант, Россия
Тема боюнча
Бир айдан кийин өлкөдөгү бардык май куюучу жайлар тыкыр көзөмөлдөнө баштайт
Асрандиев: КМШ аймагында жүктү тоскоолдуксуз ташууга шарт түзүшүбүз керек
Медицинская сестра в инфекционном отделении Мурманской областной больницы им. П.А. Баяндина в Мурманской области.

Бишкектеги инфекциялык оорукана толуп калып, бейтаптарды кабыл алууну токтотту

83
(жаңыланган 23:51 29.05.2020)
Оорукана этап-этабы менен обсервацияга жабылмакчы. Ал эми бардык кызматкерлерден анализ алынып, медициналык жай дезинфекцияланат.

БИШКЕК, 29-май — Sputnik. Республикалык клиникалык жугуштуу илдеттер ооруканасы коронавирус менен келгендерди гана кабыл алат. Бул тууралуу аталган жайдын башкы дарыгери Гүлжигит Аалиев билдирди.

Ал клиника толуп калгандыктан, кабыл алуу убактылуу токтотулгандыгын билдирди.

"Бүгүн ооруканада 180 бейтап коронавирус менен жатат. Дагы бир себеп - биздин 19 кызматкерден COVID-19дун чыкканы болду. Азырынча абалы абдан оор болуп келгендерден башкаларын кабыл албай турабыз. Андай бейтаптар кайра жандандыруу бөлүмүнө жаткырылат", — деди Аалиев.

Анын айтымына караганда, 14 күндүн аралыгында оорулуулардын көбү чыгарылат.

"Андан кийин оорукана обсервацияга жабылат. Ал эми бардык кызматкерлерден анализ алынып, медициналык жайды дезинфекциялашат. Ал процедуралар бүткөн соң кабыл алууну улантабыз", – деди ал.

Башкы дарыгер медициналык кызматкерлер оорукананын аймагынан чыкпай эки ай иштегендигин кошумчалады. Дезинфекция иштери жүрүп жатканда алар эс ала турушат.

Эске салсак, Республикалык клиникалык жугуштуу илдеттер ооруканасы коронавирус менен ооругандарды гана кабыл алууда.

83
Белгилер:
Жугуштуу оорулар боюнча республикалык клиника, Гүлжигит Аалиев, Бишкек, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Бет кап тагынгыла! Бишкектин тургуну вирусту базардан жуктурганы айтылды