Ичимдик. Архивдик сүрөт

"Манастагы" каармандардын атын арак-шарапка ыйгарууга тыюу салуу сунушталды

204
(жаңыланган 09:33 17.01.2019)
Эл өкүлү демилгенин себебин да түшүндүрүп берди.

БИШКЕК, 14-янв. — Sputnik. Жогорку Кеңештин депутаты Тазабек Икрамов алкоголдук продукцияга "Манас" эпосунун каармандарынын атын ыйгарууга тыюу салууну сунуштады.

Мыйзам долбоору коомдук талкууга коюлду.

Икрамов "Манас" үчилтиги дүйнө шедеврлеринин катарында турарын, кыргыз элинин уникалдуу мурасы экенин баса белгиледи.

"Манаста, Бакай, Семетей, Каныкей, Сейтекте — чыныгы баатырлардын мүнөзү бар. "Манас" эпосу андагы окуялардын элдин тарыхын чагылдырганы менен да баалуу", — деди депутат.

Эл өкүлүнүн айтымында, мамлекет спирт ичимдиктерине болгон көз карандылык менен күрөшүп келет, бирок алкоголдук продукция өндүргөн компаниялар көп учурда улуттук баатырлардын аты-жөнүн пайдаланып жүрөт. Депутат мындай көрүнүш жаштар идеологиясына терс таасирин тийгизип жатканын кошумчалады.

204
Белгилер:
мыйзам, арак, Манас эпосу, Тазабек Икрамов
Тема боюнча
Элетте эмне көйгөй? Депутаттар шайлоочулардын арыз-муңун укту
Ичимдиктин мурда эл билбеген зыяны аныкталды
Бишкекте ичимдик ичип бөтөлкөсүн балдар аянтына ыргыткандар жазаланды