Коомчулуктун пикиринен кийин түкүрүк боюнча айып пул азаймай болду
(жаңыланган 14:19 15.01.2019)
2019-жылдын 1-январынан баштап күчүнө кирген Эреже бузуулар кодексинде түкүрүк боюнча айып пул 71-беренеде каралган.БИШКЕК, 15-янв. — Sputnik. Өкмөт коомдук жайда түкүрүү үчүн айып пул каралган беренени башкага өзгөртүүнү пландап жатат. Бул тууралуу журналисттерге вице-премьер Жеңиш Разаков кабарлады.
2019-жылдын 1-январынан баштап күчүнө кирген Эреже бузуулар кодексинде түкүрүк боюнча айып пул 71-беренеде каралган. Ошол эле беренеде туура эмес жерде таштанды өрттөө боюнча дагы айтылган. Айып пул 5,5 миң сом.
"Таштанды өрттөгөндөргө 5, 5 миң сом айып салуу туура. Бирок түкүрүк үчүн бул абдан көп. Мындан улам премьер-министр түкүрүктүн айып пулун туура эмес жерде чегилген чылымдыкына теңөө боюнча жыйын өткөрдү. Башкача айтканда, айып пул 1000 сомдун тегерегинде болот", — деди Разаков.
Анын айтымында, өкмөт бул маселени коомчулуктун нааразычылыгынан кийин карап чыгууну чечкен.
Географияны мыкты билген үй-жайсыз Кайрат паспорт алды
(жаңыланган 23:44 28.05.2020)
Паспорт алган жаран ал үчүн документ алуу өтө маанилүү экенин айткан. Эми ал жумуш табуу мүмкүнчүлүгүнө ээ болду.БИШКЕК, 28-май — Sputnik. Социалдык тармактарда "географияны жакшы билген үй-жайсыз адам" катары таанылган кыргызстандык Кайрат Курманалиев паспорт алды.
Анын документ алып, баарына ыраазычылык билдирген видеосу Жогорку Кеңештин депутаты Алтынбек Сулаймановдун Instagram баракчасына жарыяланды.
Кайратты белгилүү кылган видео социалдык тармактарда бир ай мурун тараган. Аны комендатуранын кызматкерлери да жардам берүү максатында издешкен. Убакыттын өтүшү менен ал сырткы келбетине, кийингенине көңүл бура баштап, интернет колдонуучулары Алтынбек Сулайманов экөөнүн түспөлдөш экенин байкашкан. Депутат да окшоштук бар экенин моюндаган.
Белгилер:
Мамбет Мамакеев Гиннестин рекорддор китебине кирди
(жаңыланган 21:49 28.05.2020)
Мамбет Мамакеев дүйнөдөгү иштеп жаткан эң улуу хирург болду. 92 жаштагы дарыгер азыр дагы операция жасайт.БИШКЕК, 28-май — Sputnik. Медицина илимдеринин доктору Мамбет Мамакеев узакка созулган карьерасынан улам Гиннестин рекорддор китебине кирди. Бул тууралуу Китептин расмий сайтында айтылат.
"Хирургдун эң узакка созулган карьерасы 67 жыл 181 күндү түзөт. Бул көрсөткүч бишкектик Мамакеев Мамбет Мамакеевичке таандык (Кыргызстан). Маалымат 2020-жылдын 29-февралында тастыкталды", — деп айтылат билдирүүдө.
©
Sputnik / Табылды Кадырбеков
Мамбет Мамакеев 92 жашта, ушул күнгө чейин операция жасайт. 1927-жылы Ысык-Көл облусунун Кереге-Таш айылында төрөлгөн. 15 миңден ашуун операция жасап, 100 миңдей оор абалдагы бейтаптарга консультация берген. Бир нече илимий иштердин, дарылоо ыкмаларынын автору.
Айтылуу хирург 90 жашка чыкканда Sputnik Кыргызстан агенттиги кызыктуу материал даярдаган.