Бишкек шаары. Архивдик сүрөт

Кээ бир аймактарда 21 градус болот. Мартка карата аба ырайынын божомолу

3567
(жаңыланган 17:35 14.02.2019)
Март айында өлкөнүн Ош, Жалал-Абад, Баткен облустарында күндүн көбүрөөк жылый турганы айтылды.

БИШКЕК, 14-фев. — Sputnik. Кыргызгидромет агенттиги март айына карата аба ырайынын божомолун таратты.

Маалыматта абанын орточо температурасы жалпы республика боюнча климаттык нормага жакын болору айтылган.

Чүй менен Кемин өрөөнү

Абанын айлык орточо температурасы климаттык нормадан 1-1,5 градус жогору болуп, термометр + 4...+7ни, ал эми Кемин өрөөнүндө жана тоо этектериндеги райондордо +1…+3тү көрсөтөт.

Абанын эң суук мезгилдери марттын биринчи декадасына туура келери, кээ бир күндөрү абанын түнкү температурасы -3…-8, күндүз 0…5 градус болору болжолдонду. Ай ичинде көпчүлүк күндөрү түнкүсүн -0…-5, +2...+7 градус, күндүз +8…+13 градустан +15...+20 градуска чейин жылышы күтүлөт.

Жаан-чачындын айлык көлөмү нормага (Чүй өрөөнүндө 43-56 мм, тоо этектериндеги райондордо 30-52 мм) жакын болору кабарланды.

Талас

Абанын айлык орточо температурасы климаттык нормадан 1-1,5 градус жогору болуп, +3…+5ке жетет.

Марттын башында аба түнкүсүн -4…-9, күндүз 0…5 градустун тегерегинде болуп салкындары айтылды. Ай ичинде абанын температурасы түнкүсүн 0…-5 градус сууктан 1…6 градус жылуулукка чейин, күндүз +7…+12ден +14…+19 градуска чейин өзгөрүшү күтүлөт.

Жаан-чачындын айлык көлөмү нормага жакын болору айтылды (35-37 мм).

Ош, Жалал-Абад, Баткен облустары

Эки дубанда аба ырайынын орточо көрсөткүчү климаттык нормадан 1-1,5 градус жогору болору айтылды. Жалпы аймакта +7…+9 градус, тоо этектериндеги райондордо +3…+5 градус болот.

Анткен менен айдын башында кээ бир күндөрү абанын температурасы түнкүсүн 0…-5 градус сууктап, күндүз +1…+6 градуска көтөрүлөт. Ай ичинде аба түнкүсүн 0…5 градустан 6...11 градуска чейин, күндүз 10…15 градустан 16…21 градус жылый турганы айтылды.

Тоо этектериндеги түнкүсүн -2 ... +3 градустан +4...+9га чыгаары, ал эми күндүздү +7…+12 градус жылуулуктан +13…+18 болору күтүлөт.

Жаан-чачындын айлык көлөмү нормадан (26-91 мм, тоо этектериндеги райондордо 34-122 мм) арбын болору айтылды.

Ысык-Көл облусу

Абанын айлык орточо температурасы климаттык нормадан 1…1,5 градус жогорулап, натыйжада 2…4 градус жылуу болушу күтүлөт.

Ай ичинде абанын температурасы түнкүсүн -2…-7 градус сууктан +1…+6 градуска жетсе, күндүз 0…+5 градустан +6…+11ге көтөрүлөрү айтылды.

Жаан-чачындын айлык көлөмү нормага (5-16 мм, чыгышында 29-35 мм) жакын болору кабарланды.

Нарын облусу

Абанын айлык орточо температурасы климаттык нормадан 1…1,5 градус жогору болуп, натыйжада 0…+2 градус, ал эми Кочкор районунда +1…+3 градус болушу күтүлөт.

Абанын эң төмөнкү температурасы түнкүсүн -6…-11 градус, күндүз 0…5 градус жылуу болушу айдын биринчи жарымында күтүлөт. Марттын экинчи жарымында күн жылып, түнкүсүн 0…-5, күндүз +3…+8, Кочкор районунда +10...+15° болору айтылды.

Алай өрөөнү

Абанын айлык орточо температурасы климаттык нормага жакындап -7…-9 градус суук болору айтылды.

Март ичинде абанын температурасы түнкүсүн -7…-12ден тарта -15…-20га чейин жетет, күндүз -3…-8 ден жогорулап 0…+5 градуска чейин өзгөрүлүп турушу күтүлөт.

Жаан-чачындын айлык көлөмү нормадан (32-34 мм) арбын болушу күтүлөт.

Суусамыр өрөөнү

Абанын айлык орточо температурасы климаттык нормадан 1...1,5 градус өйдө көтөрүлүп, -7…-9 градус болушу күтүлөт.

Айдын биринчи он күндүгүндө аба сууктап, түнкүсүн -18…-23, күндүз -1…-6 градус болушу күтүлөт. Айдын экинчи жарымында абанын температурасы түнкүсүн -3…-8 градуска, күндүз +3…+8 градуска чыгышы күтүлөт.

Жаан-чачындын айлык көлөмү нормадан (23-25 мм) көп түшөрү айтылды.

3567
Белгилер:
аба ырайы, март, Кыргызстан
Тема боюнча
Сездиңиз беле? NASA эң ысык төрт жыл жана аптаптын кесепети тууралуу
Венгрия өкмөтү КРдин Куралдуу күчтөрүнө мобилдүү суу тазалоочу жабдыктарды берди

Венгрия өлкөнүн Куралдуу күчтөрүнө суу тазалоочу жабдыктарды берди. Сүрөт

10
Жабдуулар темир жол аркылуу алып келинген. Алар аскердик-талаа госпиталынын дараметин кыйла жогорулатары кошумчаланды.

БИШКЕК, 27-ноя. — Sputnik. Венгрия өкмөтү КРдин Куралдуу күчтөрүнө мобилдүү суу тазалоочу жабдыктарды берди. Бул тууралуу Генералдык штабдын маалымат кызматы кабарлады.

  • Правительством Венгрии предоставлена мобильная водоочистительная система для Военно-полевого госпиталя 2-го уровня Вооруженных Сил КР
    Венгрия өкмөтү КРдин Куралдуу күчтөрүнө мобилдүү суу тазалоочу жабдыктарды берди
    © Фото / пресс-служба Генерального штаба ВС КР
  • Правительством Венгрии предоставлена мобильная водоочистительная система для Военно-полевого госпиталя 2-го уровня Вооруженных Сил КР
    Жабдуулар темир жол аркылуу алып келинип, аны өлкөнүн коргоо ведомствосу кабыл алган.
    © Фото / пресс-служба Генерального штаба ВС КР
1 / 2
© Фото / пресс-служба Генерального штаба ВС КР
Венгрия өкмөтү КРдин Куралдуу күчтөрүнө мобилдүү суу тазалоочу жабдыктарды берди

Ага ылайык, жабдуулар темир жол аркылуу алып келинип, аны өлкөнүн коргоо ведомствосу кабыл алган.

"Венгрия эки өлкөнүн саясий, соода-экономикалык жана маданий-гуманитардык кызматташтыгын кеңейтүү максатында КРдин Куралдуу күчтөрүнүн II даражадагы аскердик-талаа госпиталы үчүн мобилдүү суу тазалоочу жабдыктарды тартуулады. Бул жабдыктар кайтарымсыз түрдө берилди", — деп айтылат билдирмеде.

Жабдуулар аскердик-талаа госпиталынын дараметин кыйла жогорулатары кошумчаланды. Ошондой эле келечекте БУУнун тынчтык операцияларына катышуу алкагында өз алдынча иштөөгө мүмкүнчүлүк берет.

10
Белгилер:
жабдуу, Генералдык штаб, Кыргызстан, Венгрия
Тема боюнча
Кыргызстан менен Катар аскер-техникалык кызматташтыкты бекемдөөгө белсенди
Нарын облусундагы айыл. Архив

Жумага карата аба ырайы

114
27-ноябрга караган түнү жаан-чачын жаабайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-Ноя. — Sputnik. 27-ноябрь, жума күнү, Чүй, Ош облустарынын тоолуу райондорунда кар жаашы мүмкүн. Республиканын башка аймактарында күн ачык болот. Бул тууралуу Кыргызгидромет билдирди.

Абанын темпетарутасы Чүйдө +6...+11, Талас өрөөнүндө +5...+10 градуска жетсе, Ош, Жалал-Абад жана Баткен облустарында +7...+12, Ысык-Көл ойдуңунда +3...+8, Нарын жергесинде -2...+3 градусту көрсөтүп турат.

Ош жана Бишкек шаарларында жаан-чачын болбойт, күндүн табы +8...+10 градуска жетет.

114
Белгилер:
Кыргызстан, аба ырайы
Тема боюнча
Фотофакт: ышка тумчуккан Бишкектин асмандан көрүнүшү
Көчөдө бараткан адамдар. Архив

COVID-19га кабылган эркекте кийин төшөк маселесинде көйгөй жаралышы мүмкүн

0
Адистин айтымында, коронавирус аялдарга караганда эркектерге көбүрөөк кыйынчылыктарды жаратат.

БИШКЕК, 27-ноя. — Sputnik. Эркектин тукум улоо органдарындагы ACE2 деп аталган рецепторлор организмге коронавирустун кирип кетишине көбүрөөк себепкер болот. Мындан улам COVID-19дан сакайгандан кийин эркектердин жыныстык жашоосунда көйгөйлөр жаралышы мүмкүн экенин Sputnik радиосунун эфиринде эндокринолог Зухра Павлова билдирди.

"Коронавирус аялдарга караганда эркектерге көбүрөөк кыйынчылыктарды жаратары байкалууда. Бир нече иликтөөлөрдүн жыйынтыгын карап көрсөк, коронавирустан айыккан соң эркектерде тестостерон гормонунун бөлүнүшүндө көйгөйлөр жаралат экен. Мындан улам алардын тукум улоо функцияларында түйшүк жаралышы ыктымал", — деди дарыгер.

Тестостерон гормонунун эркектин жашоосунда мааниси чоң. Бул гормон жетиштүү кезде эркектин энергиясы ашып-ташып, кандай иш баштабасын майын чыгара жасайт. Тестостерондун жардамы менен эркекке сакал-мурут өсөт, булчуң эт толот, кандын курамы жакшырат. Эң негизгиси — эркектин бел суусунун иштелип чыгышына, тагыраагы, тукум улоосуна шарт түзүлөт.

Ошондой эле тестостерон акыркы изилдөөлөр боюнча вирустук инфекцияларга туруштук берүүдө маанилүү роль ойнойт. Анын деңгээлинин төмөн болушу респиратордук инфекция, сасык тумоо, сезгенүү, жүрөк-кан тамыр ооруларынан жана кан басымдын көтөрүлүшүнөн улам өлүм коркунучу жогорулашы мүмкүн экени айтылып келет.

0
Белгилер:
кесепет, коронавирус, эркек, тестостерон
Тема:
Дүйнөгө жайылган коронавирус
Тема боюнча
Коронавирус эркектин сексуалдык каалоосун жок кылат. Жаңы изилдөө
Адис: коронавирус сасык тумоо менен грипптин катарына кошулуп келе жатат