Акча каражаттары. Архив

Кыргызстандагы коррупциялашкан ведомстволордун тизмеси чыкты. Жарандык рейтинг

804
(жаңыланган 17:49 05.03.2019)
Бир жыл ичинде жарандардын мамлекеттик органдарга болгон ишеними төмөндөп кеткен.

БИШКЕК, 5-мар. — Sputnik. Улуттук статистикалык комитет өткөн жылдын экинчи жарым жылдыгындагы маалыматтар боюнча калктын ишеним индексинин жыйынтыгын жарыялады.

Sputnik Кыргызстан агенттиги аталган комитеттин маалыматына таянып жогорку жана төмөнкү деңгээлде коррупциялашкан (жарандардын пикири боюнча) мамлекеттик органдардын графигин түздү.

Белгилей кетчү жагдай, индекс +100дөн -100гө чейинки баллдык шкала менен өлчөнөт.

Президент Кыргызстана Сооронбай Жээнбеков на встрече с жителями Сокулукского района Чуйской области
© Пресс-служба президента КР / Султан Досалиев
Кызыгы бир дагы мамлекеттик орган 40 баллдан жогору ала алган эмес. Инфографикага жергиликтүү органдар кирген жок.

Кыргызстандыктардын пикиринде көбүнчө бажы, укук коргоо, медицина жана жаза аткаруу тармактары коррупциялашкан. Бешинчи орунга Транспорт жана жолдор министрлиги кирди.

Белгилей кетчү жагдай, 2017-жылдын экинчи жарымынын жыйынтыгы боюнча рейтинг менен салыштыра келгенде баягы эле мамлекеттик органдар өз ордуларында калган. Болгону Транспорт жана жолдор министрлигинин ордуна Салык кызматы кирген.

Жарандар Маалыматтык технологиялар мамлекеттик комитетинде, Жаштар иши боюнча агенттикте, ӨКМде, Маданият министрлигинде, Дене тарбия жана спорт агенттигинде, Жергиликтүү башкармалык боюнча мамлекеттик агенттигинде коррупциялык иштер аз деп эсептешет.

804
Белгилер:
рейтинг, коррупция, Кыргызстан
Тема боюнча
Коррупцияга белчесинен баткан өлкөлөр аталды. Кыргызстан канчанчы орунда
Адвокат: ТЭЦти оңдоодогу 111 млн. долларлык зыян боюнча документ жок
Камактагы адам. Архив

12 млн. доллар зыян келген! Сот өкүлчүлүктөрү борборунун директору кармалды

77
(жаңыланган 13:33 28.10.2020)
Мекеме башчысы кызмат абалынан кыянаттык менен пайдаланган деп айыпталып жатат. Учурда кылмышка тиешеси бар башка жогорку кызматтагы адамдарды аныктоо боюнча иштер жүргүзүлүүдө.

БИШКЕК, 28-окт. — Sputnik. Экономикалык кылмыштарга каршы күрөшүү кызматы өкмөттүн сот өкүлчүлүктөрү борборунун Ш.Т. аттуу директорун кармады. Бул тууралуу Финполдун маалымат кызматы кабарлады.

Мекеме башчысы кызмат абалынан кыянаттык менен пайдаланган деп айыпталып жатат.

"Тергөөнүн жүрүшүндө кыргыз өкмөтүнүн сот өкүлчүлүктөрү борбору менен Финансы министрлигинин жооптуу кызматкерлеринин мыйзамсыз иш-аракеттеринин натыйжасында мамлекеттик бюджетке өзгөчө ири өлчөмдө — 12 миллион доллардан (1 миллиард сомго жакын) ашык зыян келтирилгендиги аныкталды", — деп айтылат маалыматта.

Кымырылган 9 млрд. сом: Салык кызматы Финполдун кинеси негизсиз экенин айтты

Учурда иш тергелип жатат. Кылмышка тиешеси бар делген дагы башка жогорку кызматтагы адамдарды аныктоо боюнча ыкчам тергөө иштери жүргүзүлүүдө.

77
Белгилер:
директор, кармоо, өкмөт, Экономикалык кылмыштылуукка каршы мамлекеттик кызматы
Тема боюнча
Сыймык Жапыкеев: Финпол ишкерлер менен ачык диалогго даяр
 “Бишкек” эркин экономикалык зонасынын директору Дүйшөн Ирсалиев. Архив

"Бишкек" эркин экономикалык аймагынын директору кызматынан алынды

56
(жаңыланган 13:46 28.10.2020)
Ирсалиев директор болуп беш жыл бою иштеди. Ага чейин бир катар мамлекеттик кызматтарда эмгектенген.

БИШКЕК, 28-окт. – Sputnik. “Бишкек” эркин экономикалык аймагынын директору Дүйшөн Ирсалиев кызматынан бошотулду. Бул тууралуу өкмөттүн маалымат кызматынан кабарлашты.

Тийиштүү буйрукка президенттин милдетин аткаруучу, премьер-министр Садыр Жапаров кол койду.

Ирсалиев бул кызматта 2015-жылдан бери иштеп келген. Буга чейин депутаттыкка талапкер, Жогорку Кеңеш менен Мамлекеттик мүлк фондунун аппарат жетекчисинин орун басары болгон.

Сурабалдиева вице-премьерликти ким сунуштап, кантип макул болгонун айтты

Эркин экономикалык аймагында жеңил өнөр жай тармагынын товарлары, азык-түлүк, курулуш материалдары чыгарылып, кызматтар көрсөтүлөт (юридикалык, унаа, учак менен товар ташуу, камсыздандыруу).

56
Белгилер:
Дүйшөн Ирсалиев, директор, кызмат, Бишкек
Тема боюнча
Садыр Жапаров кеңешчиси Акылбек Жапаровду кызматтан алып, себебин түшүндүрдү
Аида Исмаилова менен Улукбек Кочкоров кызматтан бошотулду
Экс-депутат Эльвира Сурабалдиева. Архив

Эльвира Сурабалдиева вице-премьерлик кызматка киришти

18
(жаңыланган 14:29 28.10.2020)
Буга чейин өкмөт башчынын орун басарлыгын аркалаган Аида Исмаилованын талапкерлиги эмгек жана социалдык өнүктүрүү министри кызматына сунушталып, колдоо тапкан эмес.

БИШКЕК, 28-окт. — Sputnik. Эльвира Сурабалдиева Кыргызстандын вице-премьер-министри болуп дайындалды. Тиешелүү жарлыкка президенттин милдетин аткаруучу Садыр Жапаров кол койгонун өлкө башчынын маалымат кызматы билдирди.

Сурабалдиева вице-премьерликти ким сунуштап, кантип макул болгонун айтты

Эскерте кетсек, Сурабалдиеванын талапкерлигин алгач Жогорку Кеңештин тармактык комитети колдоп, андан соң депутаттар жалпы жыйында карашкан. Натыйжада эл өкүлдөрү өкмөттүн жаңы мүчөсү үчүн бир добуштан макул болушкан. Сурабалдиева Аида Исмаилованын ордуна келди, эми социалдык тармакты тескемекчи.

18
Белгилер:
Жогорку Кеңеш, министр, вице-премьер-министр, Садыр Жапаров, Аида Исмаилова, Эльвира Сурабалдиева
Тема боюнча
Депутаттар Исмаилованы социалдык өнүктүрүү министри кызматына колдогон жок. Видео