Кол чатыр көтөргөн адам. Архив

Шашылыш билдирүү! Кыргызстандын аймактарында нөшөрлөп жаан жаайт

922
(жаңыланган 15:01 15.04.2019)
Батыштан соккон шамалдын ылдамдыгы секундасына 15-20 метрге жетиши мүмкүн.

БИШКЕК, 15-мар. — Sputnik. 19-20-апрель күндөрү Кыргызстандын көпчүлүк аймактарында жаан жаап, бийик тоолуу райондордо кар жаашы күтүлөт. Бул тууралуу ӨКМден билдиришти.

Маалыматка караганда, Чүй, Талас, Ош, Жалал-Абад, Баткен облустарынын кээ бир райондорунда жана Ысык-Көл облусунун чыгышында жаан-чачын катуу жаайт.

Бийик тоолуу аймактарда жолдор тайгак жана тоңголок болот. Батыштан соккон шамалдын ылдамдыгы секундасына 15-20 метрге жетиши мүмкүн. Абанын температурасы бир аз төмөндөйт.

Мындай туруксуз аба ырайы айыл чарба иштерин, автоунаа, энергетика жана коммуналдык кызматтардын ишин жана жайыттарда мал кармоону кыйындатат.

922
Белгилер:
аба ырайы, жамгыр, Кыргызстан