Медицина факультетинин студенттери. Архивдик сүрөт

Министрлик ординатурага тапшыруу талабын катаалдатууну сунуштады

89
(жаңыланган 11:03 15.05.2019)
Тиешелүү норманы өкмөттүн "КРдин медициналык дипломдон кийинки билим берүү жөнүндө" токтомуна киргизүү сунушталган.

БИШКЕК, 15-май — Sputnik. Саламаттык сактоо министрлиги ординатурага тапшыруу эрежелерин татаалдаштырууну сунуштап жатат.

Тиешелүү норманы өкмөттүн "КРдин медициналык дипломдон кийинки билим берүү жөнүндө" токтомуна киргизүү сунушталган.

Министрлик бүтүрүүчүлөргө ЖОЖдон окуган адистиги боюнча гана ординатурага тапшырууга уруксат берүү керектигин белгилейт. Азыркы тапта кайсы факультетти бүткөнүнө карабастан дарылоо адистигине тапшырууга кызыккандар көп. Бул ага чейин окуп даярданган программа менен дал келбейт.

Ординатура — экиден беш жылга чейинки мөөнөт менен адистештирилген жана дипломдон кийинки тереңдетип билим алуу.

89
Белгилер:
мыйзам, окуу жай, ординатура, медицина
Тема боюнча
КР студенттери медициналык даярдык боюнча РФтеги олимпиадада алдыңкы болушту
Жайлоодо мал кайтарып жүргөн киши. Архивдик сүрөт

Ишембиге карата аба ырайы

67
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

67
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды
Противогаз кийген ӨКМ кызматкерлери. Архивдик сүрөт

Оштогу күйдүргү: ооруканада канча киши калды

117
(жаңыланган 21:36 14.08.2020)
Кара-Суу районундагы Тогуз-Булак айылында 24-августка чейин 288 киши көзөмөлдө болот. Эпидемияга каршы иш-чаралар уланууда.

БИШКЕК, 14-авг. — Sputnik. Ошто күйдүргүгө шектелип ооруканага түшкөндөрдүн арасынан бирөөндө гана вирус аныкталды. Калган жети киши үйүнө чыгарылды. Бул тууралуу Саламаттык сактоо министрлигинен билдиришти.

"Күйдүргү бир адамдан чыкты, калганы таза экен. 24-августка чейин айылда 288 киши көзөмөлдө болот. Эпидемияга каршы иш-чаралар уланууда”, — деп айтылат билдирүүдө.

Эске сала кетсек, 11-августта Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Кийинчерээк бир кишиден күйдүргү оорусу лабораториялык жактан тастыкталып, Тогуз-Булак айылы карантинге алынган. 

117
Белгилер:
анализ, вирус, күйдүргү, Ош
Тема боюнча
Ош: күйдүргү чыккан уй эмделбегени үчүн ветеринарлар жазаланды