Бишкектин көчөсү. Архивдик сүрөт

Жарым жылдан кийин... Бишкекте түкүргөндөр эми айып пулга жыгылат

381
(жаңыланган 17:14 23.05.2019)
Жаңы кодекстин кабыл алынгандыгына жарым жылга жакын убакыт өткөнү менен шаардык бийлик мыйзам бузгандарды айыпка жыгууга эми гана мүмкүнчүлүк алды.

БИШКЕК, 23-май — Sputnik. Борбор калаада эреже бузгандарды карай турган райондук төрт комиссия түзүлдү. Бул туурасында Бишкек шаардык мэриясынын маалымат кызматынан кабарлашты.

Анын курамына райондук администрация жетекчилери, турак жай коммуналдык чарбалардын бөлүм башчылары, шаардык кеңештин депутаттары кирди. Алардан сырткары санитардык-экологиялык инспекция өкүлдөрү, муниципалдык аймактык башкармалыктын башчылары жана райондук ички иштер бөлүмдөрүнүн кызматкерлери бар.

Ошентип, шаар бийлиги Эреже бузуулар кодексинин беренелери менен тартип бузууларга айып салууга мүмкүнчүлүк алды. Ал эми мыйзам ушул жылдын башында күчүнө кирген, бирок айып салууда маселе жаралган. Комиссиянын иши регламенттешпей, ал тургай протокол түзө турган кагаздар-бланктар жок болгон.

Эреже бузуулар боюнча ишти караган комиссиянын жыйыны Октябрь районунда өтүп, анда Эреже бузуулар кодексинин 3-беренеси боюнча протокол каралды. Жыйынтыгында 49 миң сомдук айып пул салынган.

2019-жылдын 1-январынан тарта Кыргызстанда Административдик жоопкерчилик боюнча кодексти алмаштырган Эреже бузуулар туурасындагы кодекс ишке кирген. Өзүн-өзү башкаруу боюнча жергиликтүү башкаруу органынын көзөмөлүнө 27 берене киргизилген.

Бишкек шаардык кеңешинин депутаттары "Эреже бузууларды караган комиссиянын жобосун бекитүү" боюнча документти февралда кабыл алган.

Анда комиссия арызды КРдин Эреже бузуулар боюнча кодексинин 29-беренесинин негизинде караары айтылган. Алар таштандыларды ыргытуу, тазалыкты сактоо жана башка учурлар, анын ичине түкүрүк үчүн да жазалоо кирген.

381
Белгилер:
комиссия, этика кодекси, тартип бузуулар, эреже, Бишкек, Кыргызстан
Тема:
Түкүргөндөргө салынган айып пул (22)
Тема боюнча
"Коопсуз шаардын" айып пулу төмөндөтүлүшү мүмкүн. Өкмөттүн тапшырмасы
Токтогул суу сактагычы. Архив

Токтогул суу сактагычындагы суунун деңгээли көтөрүлүүдө

7
(жаңыланган 13:26 14.05.2021)
Быйыл суу сактагычтагы суу кескин азайып кеткендиктен жээкке адамдардын сөөктөрү чыгып, суу алдында калган курулуштардын калдыктары көрүнүп калган.

БИШКЕК, 14-май — Sputnik. Токтогул суу сактагычындагы суунун көлөмү 14-майга карата 9 миллиард 605 миллион куб метрди түздү. Бул тууралуу "Электр станциялары" ишканасы кабарлады.

Ишкананын расмий сайтындагы маалыматка ылайык, учурда суу сактагычка секундасына 1 085 куб метр суу агып кирүүдө. Ал эми агып чыккан суунун көлөмү 251 куб метрди түзөт.

Быйыл Токтогул суу сактагычындагы суунун деңгээли кескин төмөндөп кеткендиктен жээкке адамдардын сөөктөрү чыгып, суу алдында калган курулуштардын калдыктары көрүнүп калган.

Жакында эле Sputnik Кыргызстандын кабарчысы Токтогул суу сактагычына барып, объектинин азыркы абалын жеринен видеого тартып келген.

Суу сактагычка 19,5 миллиард куб метр суу батат. Минималдуу деңгээл 5,5 миллиарддга чейин болушу керек.

7
Белгилер:
суу сактагычы, Токтогул ГЭСи, деңгээл, суу, электр энергиясы
Тема боюнча
Кыргызстан Орто Азияны климаттык апааттан сактап кала алат. Суу тууралуу маек
Астапаев: электр энергия өндүргөн сүзүп жүрүүчү станциялар курулат
Centerra Gold Inc. компаниясынын алтын тазалоочу заводу. Архив

Канада менен Улуу Британиянын элчиликтери Кумтөр боюнча билдирүү жасады

21
(жаңыланган 13:17 14.05.2021)
Эки элчилик акыйкаттуу ишкерлик чөйрөсү COVID-19 пандемиясынан кийинки калыбына келтирүү иштеринде өзгөчө чечүүчү мааниге ээ экенин белгилешкен.

БИШКЕК, 14-май — Sputnik. Кыргызстандын маанилүү инвестициялык өнөктөшү катары тоо-кен тармагына байланышкан акыркы окуяларга тынчсызданып турабыз. Бул тууралуу Канада менен Улуу Британиянын Кыргызстандагы элчиликтеринин Кумтөр кени боюнча жасаган бирдиктүү билдирүүсүндө айтылат.

Алар аталган кенге байланышкан окуялардын өнүгүшүнө көз салып турганын билдиришти.

"Биз "Ачык акционердик коомдор жөнүндө" кабыл алынган мыйзамы менен парламенттин 17-майдагы кезексиз отурумуна байланыштуу окуялардын өнүгүшүнө тыкыр көз салуудабыз. Түшүнгөнүбүз боюнча, Жогорку Кеңеш "Кумтөр Голд" компаниясын улутташтыруу мүмкүнчүлүгүн талкуулайт. Бул эки учур тең Кыргызстанга келе турчу түз инвестицияларга кесепетин тийгизип калышы мүмкүн. Таза, акыйкаттуу ишкерлик чөйрөсү COVID-19 пандемиясынан кийинки калыбына келтирүү иштеринде өзгөчө чечүүчү мааниге ээ. Ал эми соодага жана чет өлкөлүк түз инвестицияга терс таасир берген чаралар кыргыз элинин ансыз да морт болуп турган экономикасына залалын тийгизет", — деп айтылат маалыматта.

Эки элчилик келишпестиктер Кыргызстандын министрлер кабинети жана чет өлкөлүк инвесторлордун сүйлөшүүсү аркылуу тез арада тынчтык жолу менен чечилерине ишеним артарын белгилешкен.

"Кумтөрдүн" ишмердүүлүгүн текшерүүдөн чыккан чуу

7-май күнү Бишкек шаарынын Октябрь райондук соту "Кумтөр Голд Компани" компаниясын экологияга тийгизген залакасы үчүн деп мамлекетке 261 миллиард 719 миллион 674 сом (3 миллиард доллардан көбүрөөк) төлөөгө милдеттендирген.

Президент Садыр Жапаров кол коюу убагында. Архивдик сүрөт
© Пресс-служба президента КР / Султан Досалиев
Ага чейин Жогорку Кеңеш министрлер кабинетине ишкананы сырттан башкарууга мүмкүндүк бере турган мыйзам долбоорун жактырган. Мындан улам канадалык Centerra Gold Inc. компаниясы Кумтөр кенине байланышкан окуяга комментарий берген. Анда алар 2009-жылкы келишимдин бузулуп жатканын айтып чыгышкан.

11-май күнү компаниянын президенти Деон Баденхорст, финансы боюнча директору Саймон Тан жана Жеткирүү системасы боюнча башкармалыктын директору Арипин Буман кенде болгон эки кырсык боюнча күбө катары суракка чакырылганы белгилүү болгон. Анткен менен УКМКнын ала маалыматы боюнча, "Кумтөр голд компани" ишканасынын жетекчилери Кыргызстандан чыгып кеткен.

Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

21
Белгилер:
Улуу Британия, Канада, Кумтөр, Кыргызстан
Тема:
"Кумтөргө" 3 миллиард доллар айып салынышы
Тема боюнча
"Кумтөрдүн" тагдырын чечкен комиссияга кимдер кирген. Тизме
Комиссия "Кумтөрдү" 4,2 млрд. долларлык доого жыгып, 106 тонна алтын алууну чечти