Мүмкүнчүлүгү чектелген бала. Архив

Статком: өлкөдөгү үй-интернаттарында 2,5 миңге чукул адам жашайт

(жаңыланган 16:14 04.06.2019)
Алар негизинен балдар жана карылар.

БИШКЕК, 3-июн. — Sputnik. Кыргызстандагы 16 үй-интернатта ден соолугунан мүмкүнчүлүгү чектелген 2 386 адам жашайт. Бул туурасында Улуттук статистика комитетинин апрель айында чыккан кыскача маалымдамасында айтылат.

16нын ичинен 11 интернат карылар жана ден соолугунан мүмкүнчүлүгү чектелгендер үчүн иштейт. Ал эми 5и майып балдарга арналган.

Аталган жайларда жашап жаткандарды балдар жана чоңдорго бөлө келгенде басымдуу бөлүгү улуулар экендигин көрүүгө болот. Тагыраагы, алардын саны — 1952.

Ал эми ден соолугунан мүмкүнчүлүгү чектелген 434 бала аталган жайларда баш калкалайт. Статистикалык маалыматтарды салыштыра келгенде мындай жайдагы кичинекейлердин көрсөткүчү бир аз болсо да азайган.

Июнь айынын башында Кыргызстанда 784 бөбөк жаңы ата-энелүү болгонун баяндап берген статистика чыккан.

Белгилер:
статистика, майып, карылар, балдар, интернат, Кыргызстан
Тема боюнча
Кыргызстанда 784 бөбөк жаңы ата-энелүү болду. Балдар тууралуу статистика
Логистикалык борбор. Архив

Кыргызстанда төрт соода-логистикалык борбор куруу пландалууда

(жаңыланган 14:57 23.04.2021)
Кыргызстан коңшу мамлекеттер Казакстан жана Өзбекстан менен соода-логистикалык борбор курууну макулдашты.

БИШКЕК, 23-апр. — Sputnik. Кыргызстан менен Казакстан төрт соода-логистикалык борбор курууга макулдашты. Мындан тышкары, Өзбекстан менен дагы келишим бар. Бул тууралуу айыл чарба министри Аскар Жаныбеков билдирди.

Sputnik Кыргызстан агенттигинин мультимедиалык маалымат борборунда өткөн брифингде министр жакында эле өткөн кыргыз-казак өкмөттөр аралык комиссиясынын жыйынында соода-логистикалык борборлор боюнча маселе талкууланганын билдирди.

"Негизи биз макулдаштык. Казак тарап каржылоого даяр. Учурда шарттарын талкуулап жатабыз. Товарларды Казакстанга экспорттоо үчүн жана транзит менен алып өтүү максатында Чүй облусунда үч борбор ачылат. Ал эми төртүнчүсү Ысык-Көлгө курулат", — деди Жаныбеков.

Министр президент Садыр Жапаров Өзбекстанга барганда Кыргызстандын аймагына соода-логистикалык борбор курууну сүйлөшүп келгенин дагы эске салды. Курулуш ишин өзбек тарап каржыламай болгон. Жаныбеков Өзбекстан менен биргеликте канча борбор куруларын тактаган жок.

Белгилер:
соода, логистикалык борбор, Казакстан, Кыргызстан
Тема боюнча
Кыргызстан салмагы 180 килограммга жеткен койдун жаңы тукумун каттады
Белгилүү ортопед Сабырбек Жумабеков Россиянын Илимдер академиясынын чет элдик мүчөсү болуп шайланды

Сабырбек Жумабеков Россиянын Илимдер академиясынын чет элдик мүчөсү болду. Сүрөт

(жаңыланган 14:29 23.04.2021)
Сөөк дарыгери академияга мүчө болуп 2019-жылы ноябрда эле шайланганын, бирок пандемиядан улам дипломун ала албай жүргөнүн билдирди.

БИШКЕК, 23-апр. — Sputnik. Белгилүү ортопед Сабырбек Жумабеков Россиянын Илимдер академиясынын чет элдик мүчөсү болуп шайланды. Бул тууралуу маалыматты дарыгер өзү тастыктады.

  • Руководитель Бишкекского научно-исследовательского центра травматологии и ортопедии Сабырбек Джумабеков стал членом Российской академии наук
    Белгилүү ортопед Сабырбек Жумабеков Россиянын Илимдер академиясынын чет элдик мүчөсү болуп шайланды
    © Фото / предоставлено Сабырбеком Жумабековым
  • Руководитель Бишкекского научно-исследовательского центра травматологии и ортопедии Сабырбек Джумабеков стал членом Российской академии наук
    Анын айтымында, академияга мүчө болуп 2019-жылы ноябрда шайланып, 2020-жылы салтанаттуу иш-чарага катышып дипломун алмак. Бирок пандемияга байланыштуу эми гана учуру келип жатканын билдирди.
    © Фото / предоставлено Сабырбеком Жумабековым
  • Руководитель Бишкекского научно-исследовательского центра травматологии и ортопедии Сабырбек Джумабеков стал членом Российской академии наук
    Ал ошондой эле иш-чарага РФтин Илимдер академиясынын дагы бир чет элдик мүчөсү болгон Аскар Акаев да катышып, куттуктап кеткенин кошумчалады.
    © Фото / предоставлено Сабырбеком Жумабековым
1 / 3
© Фото / предоставлено Сабырбеком Жумабековым
Белгилүү ортопед Сабырбек Жумабеков Россиянын Илимдер академиясынын чет элдик мүчөсү болуп шайланды

Анын айтымында, академияга мүчө болуп 2019-жылы ноябрда шайланып, 2020-жылы салтанаттуу иш-чарага катышып дипломун алмак. Бирок пандемияга байланыштуу эми гана учуру келип жатканын билдирди.

"Азыр Москвада жүрөм. Дипломду атайын салтанаттуу түрдө тапшырууга чакырышкан. Бир жарым жыл мурун жабык добуш берүү аркылуу шайланып, сессияларына катышып келдим", — деди Жумабеков.

Ал ошондой эле иш-чарага РФтин Илимдер академиясынын дагы бир чет элдик мүчөсү болгон Аскар Акаев да катышып, куттуктап кеткенин кошумчалады.

Жумабеков Травматология жана ортопедия илим-изилдөө борборунун жетекчиси. Медицина илимдеринин доктору, академик, бир катар сыйлык менен наамдардын ээси.

Белгилер:
ортопедия, мүчө, Улуттук илимдер академиясы, Сабырбек Жумабеков, Россия, Кыргызстан
Тема боюнча
Сабырбек Жумабеков эл аралык сынакта "Жылдын мыкты окумуштуусу" аталды