Жамгыр учурунда көчөдө бараткан адамдар. Архив

Июль дагы жаанчыл болобу? Бир айга карата аба ырайынын божомолу

4854
(жаңыланган 13:38 17.06.2019)
Жаан-чачындын айлык көлөмү айрым аймактарда нормадан арбын болушу божомолдонууда.

БИШКЕК, 17-июн. — Sputnik. Өзгөчө кырдаалдар министрлиги июль айында Кыргызстандагы аба ырайына божомолун айтты. Ага ылайык, жайдын алгачкы айында өлкөнүн жети облусунда тең аба ырайы өз нормасында сакталат.

Среднемесячная температура воздуха в июле 2019 года
© Кыргызгидромет
Среднемесячная температура воздуха в июле 2019 года
Среднемесячное количество осадков в июле 2019 года
© Кыргызгидромет
Среднемесячное количество осадков в июле 2019 года

Чүй облусунда

Абанын айлык орточо температурасы климаттык нормага жакын болуп, 23…25 градусту түзөт. Кемин өрөөнүндө жана тоо этектериндеги райондордо 16…18 градус жылуу болушу күтүлөт.

Ай ичинде абанын температурасы түнкүсүн 13…18 градустан 20…25 градуска чейин, күндүз 25…30 градустан 32…37 градуска чейин өзгөрүп турушу ыктымал.

Жаан-чачындын айлык көлөмү нормага жакын болушу күтүлөт (Чүй өрөөнүндө 18-23 мм, тоо этектериндеги райондордо 50-62 мм).

Талас облусу

Абанын айлык орточо температурасы — 20…22 градус.

Ай ичинде абанын температурасы түнкүсүн 11…16 градустун тегерегин түзөт. Күндүз 22…27 градустан 29…34 градуска чейин өзгөрүп турат. Жаан-чачындын айлык көлөмү нормага жакын болушу күтүлөт (16-20 мм).

Ош, Жалал-абад жана Баткен облустары

Абанын орточо температурасы климаттык нормага жакын болуп 24…26 градус, тоо этектериндеги райондордо 20…22 градус жылуу болушу күтүлөт.

Абанын температурасы түнкүсүн 13…18 градустан 20…25 градуска чейин жылыйт. Күндүз 25…30 градустан 32…37 градуска чейин ысымакчы.

Жаан-чачындын айлык көлөмү өрөөндөрдө нормага жакын (9-16 мм), тоо этектериндеги райондордо нормадан көп (27-60 мм) болушу мүмкүн.

Ысык-Көл облусу

Абанын температурасы климаттык нормага жакын болуп, 16…18 градус жылуу болушу күтүлөт.

Бул айда Ысык-Көлдө абанын температурасы түнкүсүн 10…15 градус жылып, күндүз 16…21 градустан 24…29 градуска чейин ысыйт.

Жаан-чачындын айлык көлөмү нормадан арбын болушу божомолдонууда (30-45 мм, чыгышында 60-81 мм).

Нарын облусу

Абанын айлык орточо температурасы климаттык нормага жакын болуп 16…18 градус жылуу болот деп айтылууда.

Күндүн табы түнкүсүн 6…11 градус, күндүз 16…21 градустан 24…27ге чейин жылыйт.

Жаан-чачындын айлык көлөмү нормага жакын болмокчу (24-41 мм).

4854
Белгилер:
аба ырайы, Кыргызстан
Тема боюнча
Индияда мээ кайнаткан ысыктан адамдар өлүп жатат
Жогорку категориядагы өпкө дарыгери Бермет Естебесова. Архив

Естебесова: койдун майын сыйпоону физиотерапиялык дарылоо десек болот

106
(жаңыланган 18:43 05.08.2020)
Жогорку категориядагы өпкө дарыгери Бермет Естебесова коронавируска чалдыккан учурда койдун майын же башка майларды сыйпоо же ичүү тууралуу медициналык көз карашын билдирди.
Естебесова: койдун майын сыйпоону физиотерапиялык дарылоо десек болот

Койдун майын же башка майларды сыйпоо физиотерапиялык натыйжа берет десек болот. Бул тууралуу Бермет Естебесова Sputnik Кыргызстан радиосуна маек куруп жатып билдирди.

Анын айтымында, койдун, кашкулактын же башка жаныбарлардын майын дарылануу үчүн колдонсо болот, бирок айрым маанилүү делген эрежелерди сактоо керек.

Россиялык дарыгерлер: кыргыз медиктери COVID-19ду дарылоону жакшы өздөштүргөн

"Илгертен эле апаларыбыз жөтөлүп калса көкүрөгүнө, далысына койдун майын сыйпаган. Бул ошол сыйпалган жерди жылуу кармап физиотерапиялык натыйжа берет десек болот. Эгерде жабыркаган органга суук өтүп ооруп жатса гана мындай ыкма пайдалуу. Кеселдеген  органды сыртынан ысытып, кан айланууну жакшыртып турат. Негизи эле койдун майынан башка да элдик медицинада колдонулуп келген майлар ушундай иш аткарат. Бирок аларды сүткө кошуп же башка бир суюктуктарга кошуп ичүү кооптуу. Биринчиден, ооруп турган адамдын бооруна күч келтирет. Мунун кесепети кийин жаман аякташы да ыктымал", — деди Естебесова.

Дарыгер адамда холецистит, панкреатит, гепатит болсо мындай ыкма менен дарыланбай эле койгону туура болорун кошумчалады.

106
Белгилер:
пневмония, коронавирус, Бермет Естебесова
Тема боюнча
Естебесова: коронавирустан айыккан адам элге качан аралашса болору белгисиз
 Премьер-министр Кубатбек Боронов брифинг учурунда. Архив

Боронов эмдөө жана аймактарда ооруканаларды кеңейтүү боюнча тапшырма берди

44
(жаңыланган 17:50 05.08.2020)
Отурумдун жүрүшүндө Баткен жана Талас облустарын медициналык жабдуулар, дары-дармектер жана жеке коргонуу каражаттары менен камсыз кылуу маселелери да талкууланды.

БИШКЕК, 5-авг. — Sputnik. Тиешелүү органдар калкты убагында эмдөө үчүн бардык шарттарды түзүшү керек. Бул тууралуу премьер-министр Кубатбек Боронов Республикалык ыкчам штабдын жыйынында айтты.

Боронов жарандардын аяр катмарына мезгилдик сасык тумоого каршы өз убагында эмдөө жүргүзүүнүн маанилүүлүгүн белгиледи.

"Адистештирилген түзүмдөр калкты эмдөө үчүн бардык шарттарды түзүшү керек. Бул күз-кыш мезгилинен өтүү үчүн абдан зарыл иш-чара", — деди премьер-министр.

Отурумдун жүрүшүндө Баткен жана Талас облустарын медициналык жабдуулар, дары-дармектер жана жеке коргонуу каражаттары менен камсыз кылуу маселелери да талкууланды.

Өкмөт 145 миллион сомго 40 Тез жардам автоунаасын сатып алууну пландап жатат

Жыйында облустардын жетекчилери докладдары менен маалымат беришти.

Өкмөт башчы региондордо, зарылчылык келип чыкса, кошумча бөлмөлөрдү жана керебеттерди даярдоо ишин улантууну тапшырды.

44
Белгилер:
эмдөө, коронавирус, аймак, өкмөт, Кубатбек Боронов
Тема боюнча
Октябрдан баштап россиялыктар жапырт коронавируска эмделе баштайт
Актриса Лю Ифэй Мулан тасмасынын премьерасы учурунда. Архив

Кыргызстандыктар тартылган "Мулан" тасмасы сентябрда онлайн көрсөтүлөт

0
(жаңыланган 19:45 05.08.2020)
"Мулан" тасмасынын жаңы версиясы адегенде 27-мартта дүйнөлүк прокатка чыгыш керек болчу. Коронавирус пандемиясына байланыштуу ал кинокомпания тарабынан кийинкиге калтырылган.

БИШКЕК, 5-авг. — Sputnik. Walt Disney компаниясы Кыргызстандын каскадерлору катышкан "Мулан" анимациялык тасмасын сентябрь айында коомчулукка чыгарууну чечти. Бул тууралуу The Verge басылмасы жазды.

Тасманын бет ачары түз эфирде Disney+ видео көрсөтүү  тейлөө жайында акчага көрсөтүлөт. 

АКШда жана башка аймактардагы көрүүчүлөр тасманы 29,99 доллар, ага кошумча 6,99 доллар бир айлык абоненттик төлөм берип көрүшөт. Ал эми Disney+ жеткиликтүү эмес өлкөлөрдө тасма салттуу түрдө кинотеатрларда тартууланат.

Султамбаев: америкалыктар менен бирге көк бөрү тууралуу тасма тартылды

"Мулан" тасмасынын жаңы версиясы адегенде 27-мартта дүйнөлүк прокатка чыгыш керек болчу. Коронавирус пандемиясына байланыштуу анын күнү кинокомпания тарабынан кийинкиге калтырылган.

Тасманын башкы ролун кытайлык актриса жана ырчы Лю Ифей ойнойт. Киного кыргызстандык Эрлан Жанышбек уулу, Мурат Бурханов, Дамир Ашимов жана Нургазы Мамаражап уулу тартылган. Алар тасмага Жайдарбек Кунгужинов жетектеген Nomad Stunts кыргыз-казак кесипкөй каскадерлор тобунун курамында катышкан. Кунгужинов өзү гунндардын аскер башчысынын ролун аткарган.

"Мулан" анимациялык тасмасы 1998-жылы чыгып, кинопрокаттан эле 304 миллион доллар киреше тапкан.

Кыргызстандык каскадерлордун "Мулан" киносуна кандайча тартылганын биздин төмөндөгү маектен окуңуз.

0
Белгилер:
каскадер, Кыргызстан, премьера, тасма
Тема боюнча
"Шамбала" тасмасы Шанхайдагы эл аралык кинофестивалда көрсөтүлөт