Кыргызстан менен Казакстан чек арасынан өтүп бараткандар. Архивдик сүрөт

ЖКда "Кыргызстандын мурдагы жараны" деген статус берүү сунушталууда. Артыкчылыктары

222
(жаңыланган 14:04 26.06.2019)
Баяндамачы депутат Махабат Мавлянова экономиканын туруктуу өсүшү үчүн ушул мыйзам долбоорун иштеп чыгышканын билдирди.

БИШКЕК, 26-июн. — Sputnik. Жогорку Кеңештин депутаттары "Кыргызстандын мурдагы жараны" деген статус берүүнү сунуштап жатышат. Бул тууралуу парламенттин жалпы жыйынында атайын мыйзам долбоору сунушталды.

Депутаттар "Кыргыз Республикасынын айрым мыйзам актыларына ("Чет өлкөлүк граждандардын Кыргыз Республикасындагы укуктук абалы жөнүндө", "Тышкы эмгек миграциясы жөнүндө", "Тышкы миграция жөнүндө" мыйзамдарга, Жер кодексине, "Айыл чарба багытындагы жерлерди башкаруу жөнүндө", "Билим берүү жөнүндө", "Кыргыз Республикасында жарандардын саламаттыгын сактоо жөнүндө", "Кыргыз Республикасынын Мамлекеттик чек арасы жөнүндө") өзгөртүүлөрдү киргизүү тууралуу" мыйзамдын долбоорун биринчи окууга киргизип жатышат.

Мыйзамдын демилгечилери: Махабат Мавлянова, Азизбек Турсунбаев, Таабалды Тиллаев, Төрөбай Зулпукаров, Айбек Алтынбеков, Улугбек Ормонов.

Баяндама жасаган депутат Махабат Мавлянова мыйзам долбоорунун негизги максаты жарандарды колдоо экенин айтты.

"Миграциядан улам биздин айрым жарандар башка мамлекеттин атуулдугун алышкан. Аларды бизде чет элдик жаран катары кабыл алабыз. Мыйзамдын негизинде ушундай каралган. 1991-жылдан кийин башка мамлекеттин жарандыгын алган мекендештерге "Кыргызстандын мурдагы жараны" деген статус берүү каралып жатат. Аны алгандар бир нече жеңилдиктерге, артыкчылыктарга, укуктарга ээ болот", — деди Мавлянова.

Депутат бул статусту бере турчу мамлекеттик орган куруу да каралганын билдирди.

Статус алган жарандарга кандай жеңилдиктер берилиши мүмкүн:

— Кыргызстанга визасыз кирип чыгат, жумушка орношууда уруксат талап кылынбайт, Кыргызстанда жашоого жана иштөөгө укук алышат;

— Кыргызстанга келген чет өлкөлүк жарандар 5 күндө каттоого турушу керек, статусу барлар мындайдан бошотулат;

— Кыргызстандагы бардык билим берүү жана саламаттык сактоо тармагында КР жарандарындай тейлөө ала алат.

Депутат Мирлан Жээнчороев Кыргызстанда көптөгөн чет элдиктер билим ала турганын, бул мыйзамдын арты менен жасалма никеге туруу да көбөйүшү ыктымалдыгын айтып, ушул өңдүү кооптуулук жарата турчу жагдайларды кийинки окууларда толуктап, көңүл буруу керектигине токтолду.

222
Белгилер:
Махабат Мавлянова, Жогорку Кеңеш
Тема боюнча
Оштун Кара-Суусунда мигранттар үчүн ресурстук борбор иштей баштады
Жээнбеков Монголиядагы этникалык кыргыздардын маселесин көтөрдү
Медициналык кызматкер коронавируска тест өткөрүп турган учурда. Архив

Башкы пульмонолог: коронавирусту кайра жуктуруп алам деп коркпогула

13
(жаңыланган 12:40 08.08.2020)
Адис коронавирустан кийин адамдын организми узагыраак убакытта калыбына келерин айтты. Ал учурда кээ бирөөлөр оорудан айыкпай калдым же кайра жукту деп ойлошу мүмкүн экен.

БИШКЕК, 8-авг. — Sputnik. Коронавирустан ооруп айыккандан кийин аны кайра жуктуруп алам деп коркпош керектигин Саламаттык сактоо министрлигинин штаттан тышкаркы башкы пульмонологу, профессор Талант Сооронбаев айтып берди.

Ал брифинг учурунда бейтаптар арасында маанилүү болуп жаткан суроолорго токтолду.

"COVID-19 менен ооруган адамда иммунитет пайда болгондуктан экинчи ирет жуктуруп алат деген далил азырынча жок. Иммундук система көпкө чейин сакталышы мүмкүн деген божомол бар. Коронавирус инфекциясынан дарыланып бүткөндөн кийин, тагыраагы, эки жумадан соң ал башкаларга жугушу мүмкүн эмес", — деди Сооронбаев.

Бейтапты дарылайм деп... Дагы 10 ак халатчан вирус жуктуруп алды

Бирок өпкө дарыгери айрым бейтаптарда симптомдор бир нече айга чейин сакталышы мүмкүндүгүн айтты. Аны кээ бирөөлөр оорудан айыкпай калдым же оору кайра жукту деп ойлошот.

"Коронавирустан кийин ден соолуктун толук калыбына келиши бир топ убакытты алат. Бат чарчоо, алсыздык, дем алуунун оорлогону сезилет. Ички органдарда өзгөрүүлөр байкалат, бөтөнчө өпкөнүн кан-тамырлары, ткандары көптө өзүнө келет. Мындай убакта адам өзүн жакшы караш керек, же болбосо абалы кыйындаса Үй-бүлөлүк дарыгерлер тобуна же тармактык адистерге кайрылышы шарт", — деди адис.

Ошондой эле профессор элди ар кайсы кеңешти угуп, өз алдынча дарыланбоого чакырды.

13
Белгилер:
оору, пульмонолог, өпкө, коронавирус, Талант Сооронбаев
Тема:
Кыргызстандагы коронавирус жуктуруп алгандар
Тема боюнча
Пульмонолог: КРде COVID-19ду дарылоого плазма колдонулбайт
Медициналык кызматкер ооруканада. Архив

Бейтапты дарылайм деп... Дагы 10 ак халатчан вирус жуктуруп алды

18
(жаңыланган 11:56 08.08.2020)
Жалпысынан COVID-19 диагнозу менен медицина кызматкерлери арасында 2938 учур катталып, алардын дээрлик көбү ооруну жеңген.

БИШКЕК, 8-авг. — Sputnik. Өлкө боюнча бир суткада 10 медицина кызматкеринде коронавирус аныкталды. Бул тууралуу Коомдук саламаттык сактоо башкармалыгынын башчысы Айнура Акматова брифинг учурунда билдирди.

Анын айтымында, ооруну бир нече облустагы медиктер жуктурган.

  • Бишкек шаары — 1;
  • Ош шаары — 2;
  • Баткен облусу — 3;
  • Жалал-Абад облусу — 1;
  • Ысык-Көл облусу — 1;
  • Чүй облусу — 1;
  • Нарын облусу — 1.

Ал эми бир суткада 12 медицина кызматкери ооруканадан айыгып чыкты. Мындан сырткары, үй карантининен 60 медик сакайган.

Коронавирустан көз жумган медиктерге эстелик орнотулат. Ал кандай болот?

Жалпысынан республика боюнча COVID-19 диагнозу менен медицина кызматкерлери арасында 2938 учур катталып, алардын 2097си ооруну жеңген.

18
Белгилер:
жуктуруу, айыгуу, медицина, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Кыргызстанда кечээ коронавирустан 517 адам айыкты