Интернет кабелдери. Архив

Кыргызстан интернеттин ылдамдыгы боюнча рейтингде 8 тепкичке көтөрүлдү

168
(жаңыланган 13:04 04.07.2019)
Аналитиктер жалпысынан 207 мамлекеттеги интернетке байкоо салышкан. Алар жалпы орточо ылдамдыкты акыркы 12 ай ичинде аныкташкан.

БИШКЕК, 4-июл. — Sputnik. Кыргызстан интернеттин ылдамдыгы боюнча дүйнө өлкөлөрү арасындагы рейтингде 155-орунду ээледи. Мындай жыйынтыкты британиялык Cable.co.uk аттуу компания жарыялады.

Былтыркы рейтингге салыштырмалуу Кыргызстан 163-орундан 155-орунга жылып, сегиз тепкичке көтөрүлдү.

Аналитикалык фирманын эсептөөлөрү боюнча, Кыргызстанда маалыматтарды жүктөө ылдамдыгы орто эсеп менен алганда секундасына 2.50 мегабитти түзөт. Мисалы, интернеттен беш гигабайттык тасманы жүктөп алуу үчүн 4 саат 33 мүнөт керектелет.

Ал эми интернеттин ылдамдыгы эң жогору өлкө катары Тайвань таанылды (секундасына 85,02 мегабит). Анда беш гигабайттык тасманы жүктөө үчүн сегиз гана мүнөт керектелет. Бул өлкө былтыр эле 14-орунда болчу.

Экинчиде өткөн жылдын лидери Сингапур турат. Мында интернеттин ылдамдыгы секундасына 70 мегабитке жетет.

Үчүнчү орунга Жерси аралы татыды. Бул мамлекет бир жыл ичинде 10чу орундан үчүнчүгө секирген.

Ал эми алдыңкы 10 мамлекетке Швеция, Дания, Япония, Люксембург, Нидерланд жана Швейцария кирди. Бул өлкөлөрдө маалыматтарды жүктөө ылдамдыгы орточо эсеп менен алганда секундасына 55.18 мегабиттен 38.85 мегабитке чейин жетет.

Борбор Азия мамлекеттери арасында эң мыкты көрсөткүч Казакстанга таандык. Андагы ылдамдык секундасына 4.66 мегабитти түзөт. Жалпы жонунан алганда өлкө 133-орунду ээледи. Андан кийинки орунда Кыргызстан. Коңшу Өзбекстан болсо 181-сапка илинди (1.37 мегабит). Тажикстан 192, ал эми Түркмөнстан тизменин аяк жагына, 203-орунга жайгашты.

Аналитиктер жалпысынан 207 мамлекеттеги интернетке байкоо салышкан. Алар жалпы орточо ылдамдыкты акыркы 12 ай ичинде аныкташкан.

168
Белгилер:
аналитика, интернет, Өзбекстан, Казакстан, Кыргызстан
Тема боюнча
Кыргызстан бейпил өлкө рейтингинде 13 сапка көтөрүлдү
Манас эл аралык аэрпорту. Архив

Француз компаниясы өлкөдөгү ири аэропортторду оңдоп-түзөөгө кызыкдар

19
(жаңыланган 23:26 24.09.2020)
Өлкөнүн Тышкы иштер министрлиги француз компаниялары Кыргызстанда ишке ашырып жаткан жана пландаган долбоорлору жөнүндө айтып берди.

БИШКЕК, 24-сен. — Sputnik. Франциянын Aеroports de Paris жана TAV Airports аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Бул тууралуу ТИМдин маалымат кызматы кабарлады.

Ага ылайык, тышкы иштер министри Чыңгыз Айдарбеков Франциянын КРдеги элчиси Микаэль Ру менен анын дипломатиялык миссиясынын аякташына байланыштуу видеоконференция өткөргөн.

Тараптар акыркы жылдардагы кыргыз-француз кызматташтыгынын жана соода-экономикалык байланышынын өнүккөнүн талкуулашкан.

"Атап айтканда, Aеroports de Paris жана TAV Airports Париж аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Ал эми GE Hydro France компаниясы Ат-Башы жана Токтогул ГЭСтерин реконструкциялоо жана калыбына келтирүү боюнча долбоорлорду ишке ашырып жатат. Flowbird компаниясы паркинг системаларды эсептегичтерди орнотуу боюнча долбоорду ишке ашырууну пландаштырууда, ошондой эле EGIS компаниясы Ош — Баткен — Исфана автоунаа жолун реконструкциялоо долбоорун ишке ашырды. Бир катар башка инфратүзүмдүк долбоорлорду ишке ашыруу күтүлүүдө. Ошондой эле быйыл Бишкекте Novotel франциялык мейманкана тармагын ачуу пландалууда", — деп айтылат маалыматта.

Кытай өрт өчүргөн 100 автоунаа бермекчи. Айдарбеков кесиптеши Ван И менен жолукту

Министр Айдарбеков жемиштүү эмгеги үчүн Руга ыраазычылык билдирип, ТИМдин Ардак грамотасы менен сыйлады.

19
Белгилер:
аэропорт, экономика, элчи, ТИМ, Франция, Кыргызстан
Тема боюнча
Жээнбеков Кыргызстандын БУУнун Коопсуздук кеңешине өкүл болууга умтулганын эскертти
Талаада жайылган койлор. Архив

Жумага карата аба ырайы

20
(жаңыланган 21:03 24.09.2020)
Жумага караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 24-сен. — Sputnik. Жума күнү, 25-сентябрда, күндүз өлкө аймагында күн ачык болот. Бул тууралуу Кыргызгидромет билдирди.

Абанын температурасы Чүй, Ысык-Көл жана Нарын жергесинде +18...+23, Таласта +17...+22, Ош, Жалал-Абад, Баткен облустарында +22...+27 градуска жылыйт.

Күндүн табы борбор калаа Бишкекте +20...+22, Ош шаарында +22...+24 градусту көрсөтөт.

20
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы
Табият албууттанганда. Кыргызстандагы жүрөк үшүн алган жаратылыш кырсыктары