БИШКЕК, 21-авг.— Sputnik. Бейшембиде күндүз Чүй, Талас, Ош, Жалал-Абад, Ысык-Көл, Нарын облустарынын кээ бир райондорунда жаан жаап, күн күркүрөшү, бийик тоолуу райондордо кар жаашы мүмкүн. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетет.
Абанын температурасы Чүй облусунда +29…+34, Таласта +28…+33, Ош, Жалал-Абад жана Баткен аймактарында +30…+35 градус ысык болот.
Ысык-Көлдө +21…+26, Нарын аймагында +22…+27 градус болору айтылды.
Бишкек жана Ош шаарында күн ачык болуп, абанын температурасы +32…+34 градуска жетет.
Чолпон-Ата шаарында мезгил-мезгили менен жаан жаап, +21...+23 градус жылуу болору айтылды.
