Күн карама. Архив

Кыргызстанда фермерлер айрым товарлардын салыгынан бошотулат. Жол-жобосу

144
(жаңыланган 10:13 03.09.2019)
Тизмеде айыл чарба продукцияларын өндүрүүдө колдонулчу товардын 17 түрү бар.

БИШКЕК, 3-сен. — Sputnik. Кыргызстандагы фермерлерди айыл чарбасына, тамак-аш жана кайра иштетүү өнөр жайында колдонулчу товарларды импорттоодо кошумча нарк салыгынан бошотуу пландалып жатат.

Салык кодексине өзгөртүү киргизүүнү Айыл чарба, мелиорация жана тамак-аш өнөр жайы министрлиги сунуштап жатат. Мыйзам долбоору өкмөттүн сайтына жайгаштырылып, коомдук талкууга чыгарылды. http://www.gov.kg/?p=137273&lang=kg

Өкмөт дыйкан чарбаларды айыл чарба кооперативдерине биригүүгө шыктандырып жатат. Бул өз кезегинде майда товарларды өндүрүүнү жолго коймокчу.

Мыйзам долбооруна ылайык, кошумча нарк салыгы асыл тукум мал менен бир катар товарларга алынбайт. Алардын айрымдары төмөнкүлөр:

  • Балык азыктары;
  • Минералдык жер семирткичтер жана өсүмдүктү коргоочу химиялык заттар;
  • Органикалык эмес химия продуктулары;
  • Жер семирткичте, өсүмдүктөрдүн карантининде, аларды коргоодо колдонула турчу органикалык химиялык бирикмелер;
  • Үрөндөр, көчөттөр;
  • Өсүмдүк азыктары;
  • Багбанчылыкта колдонула турчу желим буюмдар;
  • Күнөскана курууда колдонулчу товарлар (агрошпалер, тамчылатып сугаруу системасы);
  • Мал-жандык жана балык үчүн тоют.

Кошумча нарк салыгы алынбай турган товарлардын толук тизмесин мыйзамдын долбоорунан окусаңыздар болот.

144
Белгилер:
долбоорлор, өкмөт, салык, Айыл чарба жана мелиорация министрлиги, айыл чарба
Тема боюнча
40 кишиге сөгүш берди! Айыл чарба министри биринчи жыйында эле каарын төктү
Айыл чарба министрлиги: элеттегилер 4,6 млрд. сом жеңилдетилген насыя алды
Чодуев: Айыл чарба министрлигинин 4000ден ашуун кызматкери кыскарды