Ресторан. Архив

Кыргызстанда арзан кызматтардын жана товарлардын электрондук каталогу ишке кирди

157
(жаңыланган 14:30 27.09.2019)
Негизги максат — чакан жана орто бизнес үчүн мамлекеттик сатып алууларга жетүүнү жеңилдетүү, жергиликтүү товар өндүрүүчүлөрдү колдоо, сатып алуулардын ачык-айкындуулугун жогорулатуу жана жөнөкөйлөтүү.

БИШКЕК, 27-сен. — Sputnik. Кыргызстан боюнча арзан кызматтарды жана товарларды сунуш кылган "Тандоо" электрондук каталогу иштей баштады. Бул тууралуу Финансы министрлиги билдирди.

Негизги максат — чакан жана орто бизнес үчүн мамлекеттик сатып алууларга жетүүнү жеңилдетүү, жергиликтүү товар өндүрүүчүлөрдү колдоо, сатып алуулардын ачык-айкындуулугун жогорулатуу жана жөнөкөйлөтүү.

Мисалы, ишкер сайт аркылуу өзүнө керектүү товарды издеп, кызмат көрсөтүүчүлөр арасында сынак жарыялай алат. Мындан тышкары, өзүндөгү товарды каталогго киргизсе болот. Ошондой эле рыноктогу бааларга мониторинг жүргүзөт.

Каталог Мамлекеттик сатып алуулар департаменти тарабынан ишке ашырылган "Кыргыз Республикасы: мамлекеттик сатып алуулардын электрондук системасында өткөрүлүүчү мамлекеттик сынактарга чакан жана орто бизнестин катышуусуна көмөктөшүү" долбоорунун алкагында иштелип чыкты.

Каалоочулар каталог менен бул дарекке кирип тааныша алат.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
157
Белгилер:
товар, кызмат, каталог, финансы, экономика, Кыргызстан
Тема боюнча
Кыргызстандагы товарлардын эмнеге сапатсыз, кымбат экенин эксперт айтып берди
Айыл чарба тармагында иштегендер 4,8 млрд. сомдук жеңилдетилген насыя алды
Караколдо тамтыгы чыккан имаратта рентгенге тартат

Караколдо тамтыгы чыккан имаратта рентгенге тартат. Дарыгердин түшүндүрмөсү

6
(жаңыланган 19:49 12.07.2020)
Эски үйгө окшош имаратта 1967-жылы чыгарылган рентген-томограф иштетилет. Бул облус боюнча жападан-жалгыз аппарат.

БИШКЕК, 12-июл. — Sputnik. Каракол шаардык кургак учук диспансеринин директору Жаңыл Акунова эмне себептен рентген-аппараты авариялык абалдагы имаратта жайгашканын айтып берди. Анын билдирүүсүн өкмөттүн Ысык-Көл облусундагы өкүлчүлүгүнүн маалымат кызматы кызматы жарыялады. 

Аварийное здание, где находится единственный рентген-аппарат в Караколе Иссык-Кульской области.
© Фото / Жаныбек Кожоев
Караколдо тамтыгы чыккан имаратта рентгенге тартат

Буга чейин социалдык тармактарда дубалдары көчкөн эски үйгө окшогон имаратта рентген тартып жатканы туурасында жазышкан.

Ысык-Атанын ооруканасында эртеден бери дарыгерлер жокпу? Министрликтин жообу

Акунова ал аппарат кургак учук менен ооруган бейтаптарга гана колдонула турганын жана жабдыктын иштөө убактысы чектелүү экенин билдирди.

“Бул 1967-жылы чыгарылган эски рентген-томограф, муну эчак эле колдонуудан чыгарыш керек болчу. Бирок облус боюнча бир эле ушул аппарат болгондуктан иштетүүгө туура келет. Учурда томографияга гана тартып жатабыз, рентген иштебей калды. Биз кургак учук менен ооруган бейтаптарды гана тейлейбиз. Бул аппаратты эч качан ордунан жылдырбаш керек, болбосо таптакыр эле  жарактан чыгып калат”, — деди дарыгер.

Ошондой эле ал имарат каражаттын жоктугунан имарат оңдолбой турганын кошумчалады.

6
Белгилер:
оңдоо, дарыгер, имарат, рентген, Каракол
Тема боюнча
Көлдөгү кургак учукту дарылаган борбор COVID жуктургандарга берилеби? Расмий жооп
Ысык-Атанын ооруканасында жарык өчүп, аппараттагы бейтап көз жумду
№1 шаардык оорукананын медигинин кайрылуусу боюнча башкы дарыгер текшерилет
Чоң Чүй каналына түшүп кеткен кичи автобус

Кечээ Чоң Чүй каналына түшүп кеткен кичи автобустун айдоочусу табылды

76
(жаңыланган 19:27 12.07.2020)
Кечээ, 11-июлда, каналда калкып турган Mercedes-Benz Sprinter үлгүсүндөгү автоунаанын видеосу жарыяланган.

БИШКЕК, 12-июл. — Sputnik. Милиционерлер Кара жыгач токоюнда Чоң Чүй каналына түшүп кеткен кичи автобустун айдоочусун тапты. Бул тууралуу Кайгуул милициянын маалымат кызматы билдирди.

Кечээ, 11-июлда, каналда калкып турган Mercedes-Benz Sprinter үлгүсүндөгү автоунаанын видеосу жарыяланып, анын айдоочусу изделип жатканы айтылган

Талкаланыптыр! Бишкекте жеңил унаа тосмону сүзүп, чуңкурга түшүп кетти. Сүрөт, видео

Бүгүн автоунаа жана анын айдоочусу дагы табылды. Ал жол кырсыгынан эмес, кокустан сууга түшүп кеткени белгилүү болду.

"Кичи автобус Чоң Чүй каналынын чекесине токтотулган. Бирок анын кол менен тартылчу тормозу иштебей калып, машина каналга түшүп кеткен. Жабыркагандар жок", — деп билдирди Кайгуул милициясы.

Милиционерлер айдоочуга түшүндүрүү иштерин жүргүзгөн.

76
Белгилер:
айдоочу, Чоң Чүй каналы, Бишкек
Тема боюнча
Тез жардам унаасы Бишкектин чок ортосунда кырсыктан ала салды. Видео