Кимдин капчыгын кампайтып жатабыз? Кыргызстанда ири дарыканалардын кожоюндары
(жаңыланган 18:30 08.10.2019)
Кыргызстанда жалпысынан 2700дөн ашуун дарыкана пункту бар. Алардын көпчүлүгү ири компанияларга тиешелүү.Кыргызстанда фармацевттер тикелей милдетин унутуп, сатуучу гана болуп калышты. Мындай пикирин Sputnik Кыргызстан радиосунун эфиринде Саламаттык сактоо министрлигинин далилдүү медицина бөлүмүнүн консультанты Бермет Барыктабасова билдирди.
"Дарыкана — бул медициналык жай. Фармацевттин жумушу — дарылар тууралуу бардык маалыматты билүү жана аны оорулууга сатып жатканда туура пайдалануу, сатып алуу же албоо боюнча кеп-кеңеш айтуу. Тилекке каршы, азыр көпчүлүк фармацевттер өз позициясынан тайып, сатуучу гана болуп калды. Анткени дарыканалар жеке менчик товарды өткөрүшү керек", — деди Барыктабасова.
Мындан улам Sputnik редакциясы эл оозуна алынган жана дарыкана пункттары башкалардыкынан көбүрөөк компанияларды тизмектеп, аларга ким ээлик кыларына кызыгып көрдү.
Булардын арасында аткаминерлердин "үлүшү" барлары дагы кездешет. Мисалы, ошол эле саламаттык сактоо министри Космосбек Чолпонбаевди көрүүгө болот.
Маалыматтар расмий булактардан, тагыраагы, Саламаттык сактоо жана Юстиция министрликтеринин сайттарынан алынды.
Баса, буга чейинки макалада дарыканалардын канча салык төлөгөнүн жазганбыз. Ал маалыматтар "Ачык бюджет" порталынан алынган болчу. Бул жолу порталдан төмөндөгү компаниялардын басымдуу бөлүгүнүн быйыл төлөгөн салыгы боюнча маалыматтар чыккан жок.
"Неман-Фарм" дарыканасы
Жетекчиси — Алиева Күннур Сатаровна.
Негиздөөчүсү — Артыкбаев Эмиль Осмонбекович (Осмонбек Артыкбаевдин уулу — ред.).
"Эляй" дарыканасы
Жетекчиси — Садырбаева Жылдыз Эсенбековна.
Негиздөөчүсү — Акжолтоев Нурбек Жапыкеевич.
"Фарватер" дарыканасы
Жетекчиси жана негиздөөчүсү — Турдубаев Жанторо Таирович.
"БИМЕД Фарм" дарыканасы
Жетекчиси жана негиздөөчүсү — Чумаева Светлана Александровна.
"ФАРМАМИР" дарыканасы
Жетекчиси — Абылгазиев Ринат Шаршенбекович.
Негиздөөчүсү — Садырбаева Жылдыз Эсенбековна.
"Лекарь" дарыканасы
Жетекчиси — Храмов Анатолий Иванович.
Негиздөөчүсү — Эсенбеков Жолдошбек Эсенбекович.
"Айболит" бренди ("Медсервис.KG" компаниясы)
Жетекчиси — Насырбаева Гүлнура Жеңишбековна.
Негиздөөчүлөрү — Шакиров Майрамбек Надырбекович, Шокан Бегалиев.
"Заман" дарыканасы
Жетекчиси — Нуржанова Чолпон Кеңешбековна.
Негиздөөчүсү — Кенжеева Азиза Артуровна.
"Фармстор" дарыканасы
Жетекчиси — Жетигенов Бакыт Темирбекович.
Негиздөөчүлөрү — Жетигенов Бакыт Темирбекович, Жумалиева Үмүт Жеңишбековна.
GALENPHARM дарыканасы
Юстиция министрлигинде мындай ат менен катталган ЖЧКнын жетекчиси — Искаков Кубанычбек Жумабекович, негиздөөчүлөрү — Чолпонбаев Алмаз Мусабекович жана Кулетова Нина Жаманкуловна. Ал эми ушул эле министрликтин маалыматтарын камтыган osoo.kg порталында GALENPHARM компаниясына буга чейин азыркы саламаттык сактоо министри Чолпонбаев Космосбек Сариевич директор болгону көрсөтүлгөн.
"СОНУН-ФАРМАЦИЯ" дарыканасы
Жетекчиси жана негиздөөчүсү — Куралова Нургүл Акимбековна.
Сыймык Жапыкеев Ысык-Көлдү башкаруу ниетиндеби? Өзү эмне дейт
Экономикалык кылмыштарга каршы күрөшүү кызматын бир аз убакыт башкарган Жапыкеев марттын аягында Ысык-Көл облусунун прокурору болуп дайындалган.
БИШКЕК, 14-апр.— Sputnik. Ысык-Көл облусунун прокурору Сыймык Жапыкеев аталган аймактын башчысы болгум келет деген маалыматты төгүндөдү.
Эскерте кетсек, мындай кабар жергиликтүү ЖМКлардын бирине жарыяланган. Өз оюн Жапыкеев Facebook баракчасына билдирди.
"Биринчиден, мени эл, облус жетекчилиги, прокуратура жамааты жакшы тосуп алды. Буюрса, аймактын маселелери менен таанышып жатабыз. Облустун губернатору болом деп чуркаган же ойлонгон эмесмин. Өзүмдүн эле жумушум жакшы. Мыйзамдуулук, адилеттүүлүк үчүн иштесек, элдин керегине жарасак да жаман иш эмес. Калптын да чеги болот. Ушинтип эле мени жамандап бүтпөй коюшту. Буюрса, көлдү тегеренип, эл менен жолугабыз. Алардын көйгөйлөрүн облус жетекчилиги менен кошо угабыз", — деп жазган ал.
Эске салсак, 5-мартта Экономикалык кылмыштарга каршы күрөшүү кызматын жоюу боюнча премьер-министр Улукбек Мариповдун токтому чыккан. Мындан улам мекеменин жетекчиси Жапыкеев кызматы жок калган.
Кийин ал Ысык-Көл облусунун прокурору болуп дайындалган. Жапыкеев буга чейин аталган тармакта эмгектенген, Ысык-Көл облусунда туулуп-өскөн.
Жапаров: Бишкек баатыр ырыс жылоологон касиеттүү адамдардан болгон
(жаңыланган 11:26 14.04.2021)
Борбор калаа ысымын алып жүргүн Бишкек баатырдын эстелиги ачылды. Ага өлкө башчы катышып, тарыхый каарман тууралуу айтып берди.БИШКЕК, 14-апр. — Sputnik. Бүгүн борбор калаада Бишкек баатырдын эстелиги ачылып, иш-чарага президент Садыр Жапаров катышты. Бул тууралуу өлкө башчынын маалымат кызматынан билдиришти.
Жапаров эстеликтин тургузулушу шаар тарыхында маанилүү окуя экенине токтолуп, Бишкек баатыр тууралуу айта кетти.
"Кыргыздын солто уруусунан чыккан Бишкек баатыр ырыс жылоологон касиеттүү адамдардан болгон. Оозеки жана документалдык булактарга караганда, Бишкек баатырдын сөөгү жашырылган жер "Пишпек-Ата коргону" аталып, ал жер калайык-калк сыйынган ыйык жайга айланган. Тегерегине акырындап эл уюп, отурукташкан журт байырлап, процесс токтобой уланып отуруп, акыры чоң шаар калыптанды", — деди президент.
Өлкө башчы кыргыз эли душмандар менен катуу салгылашып турган XVII–XVIII кылымдарда Бишкек баатыр эрдиги менен таанылганын кошумчалады.
©
Sputnik / Акылбек Батырбеков
Сөзүнүн аягында ал борбор калаанын көркүн арттыруу үчүн бүгүн көптөгөн иш-аракеттер жүрүп жатканын, шаар жасалгасы дагы бир эстелик менен толукталганын белгиледи.
Белгилер: