Кол чатыр кармаган адамдар. Архив

Жамгыр жаайбы? Бир жумага карата аба ырайы

4508
Келерки аптада Кыргызстандын айрым аймактарына жамгыр, тоолуу жерлерине кар жаашы мүмкүн. Ал эми Бишкек калаасында күн ачык болору айтылды.

БИШКЕК, 13-окт. — Sputnik. Кыргызгидрометтин божомолу боюнча, келерки жумада өлкөнүн айрым аймактарында жамгыр жаайт.

13-октябрда түнкүсүн Ысык-Көл облусунун кээ бир райондорунда жаан, тоолуу аймактарында кар жаашы ыктымал. Калган жерлерде күн ачык болору айтылды. Шамалдын багыты өзгөрүлүп, ылдамдыгы секундасына 1-6 метрге жетет.

14-октябрда республиканын аймагында жаан-чачын жаабайт.

15-октябрда түнкүсүн Чүй, Талас, Ош, Жалал-Абад, Баткен облустарынын көпчүлүк аймактарында, Ысык-Көл, Нарындын кээ бир райондорунда жамгыр жаап, тоолуу жерлерине кар түшүшү мүмкүн. Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге чейин жетет.

16-17-октябрда күн ачык болот.  Шамалдын багыты өзгөрүлүп, ылдамдыгы секундасына 1-6 метрге чейин жетиши ыктымал.

4508
Белгилер:
аймак, Кыргызгидромет, аба ырайы, Кыргызстан