Ала-Тоо аянтында жамгыр. Архивдик сүрөт

Ноябрда аба ырайынын кандай болору айтылды

29558
(жаңыланган 12:59 15.10.2019)
Синоптиктер Кыргызстанда күздүн акыркы айы болгон ноябрда сууктун эң төмөнкү көрсөткүчү 20 жана 22 градуска жетерин билдиришти.

БИШКЕК, 14-окт. — Sputnik. Кыргызстанда ноябрь айында аба ырайынын эң жогорку көрсөткүчү кээ бир аймактарда +23 градуска чейин чыгары күтүлүүдө. Бул тууралуу Кыргызгидрометтен кабарлашты.

Чүй облусу

Абанын айлык орточо температурасы Чүй өрөөнүндө +3...+5 градус, тоо этектеринде жана Кемин өрөөнүндө 0…+2 градус жылуу болушу күтүлөт.

Абанын эң жогорку температурасы биринчи декадада түн ичинде +3…+8 градус, ал эми күндүз +15…+20га чыгышы күтүлөт. Айдын экинчи жана үчүнчү он күндүктөрүндө түн ичинде -3…-8 градус болуп, абанын күндүзгү температурасы 0…+5 градустан +7…+12 градуска көтөрүлөт.

Кемин өрөөнүндө жана тоо этектериндеги райондордо айдын биринчи декадасында түнкүсүн 0…+5, ал эми күндүз +10…+15 градус жылуу болушу күтүлөт. Жыйырмалары менен отуздарында түнкүсүн 0…-5 менен -7...-12 градуска чейин, күндүз -2 ... +3төн тарта +5…+10 градуска чейин өзгөрүп турушу күтүлөт.

Талас облусу

Абанын эң жогорку температурасы айдын биринчи декадасында күтүлөт. Түнкүсүн термометр +2…+7ни көрсөтөт. Күндүз +10…+15тен тарта +16…+21 градуска чейин өзгөрүп турарын айтышты.

Айдын экинчи жана үчүнчү он күндүктөрүндө түн ичинде 0…-5 градустан -8...-13кө чейин болору, абанын күндүзгү температурасы 0 …-5тен тарта +7…+12 градуска чейин өзгөрүлүп турушу күтүлөт дешти.

Ош, Жалал-Абад жана Баткен

Абанын айлык орточо температурасы климаттык нормага жакын болуп, +5…+7, ал эми тоо этектериндеги райондордо +3…+5 градус жылуу болору айтылды.

Ноябрдын ондоруна чейин жылуулук түнкүсүн +5…+10, ал эми күндүз +18…+23 градуска жетмекчи.

Айдын жыйырмалары менен отуздарында түнкүсүн термометрдин -2 ... +3тү көрсөтөрү маалымдалды. Ал эми күндүз +3…+8ден тарта +9…+14 градуска чейин өзгөрүлүп турушу күтүлүүдө.

Тоо этектериндеги райондордо айдын биринчи он күндүгүндө түнкүсүн суук болушу күтүлөт. Айдын экинчи жана үчүнчү он күндүктөрүндө түн ичинде термометрдин көрсөткүчү 0…-5ке чейин түшмөкчү. Күндүз +1…+6дан тарта +8…+13 градуска чейин болот.

Ысык-Көл облусу

Абанын айлык орточо температурасы климаттык нормага жакын болуп, +1...+3, Ысык-Көл ойдуңунун чыгышында 0...+2 градус жылуу болушу күтүлөт.

Ноябрдын ондоруна чейин түнкүсүн +1…+6, ал эми күндүз +10…+15 градус жылуу болуп турары кабарланды.

Айдын экинчи жана үчүнчү декадасында абанын температурасы төмөндөп, түнкүсүн термометрдин -2…-7 градусту көрсөтөрү айтылды. Күндүз +4...+9, Ысык-Көл ойдуңунун чыгышында абанын температурасы түнкүсүн -5…-10, ал эми күндүз +1...+6 градус жылуу болот дешти.

Нарын облусу

Абанын айлык орточо температурасы климаттык нормага жакын болуп, 0…-2, Ат-Башы районунда -2...-4 градус суук болору кабарланды.

Теңир-Тоодо ноябрдын биринчи декадасында абанын эң жогорку температурасы түнкүсүн 0…-5, күндүз +10…+15 градус болот дешти.

Айдын экинчи жана үчүнчү декадасында абанын температурасы бир топ төмөндөп, термометр түнкүсүн -8…-13, күндүз 0...-5 градусту көрсөтөрү кабарланды. Ат-Башы районунда абанын температурасы түнкүсүн -10…-15, күндүз 0...-5 градус суук болушу күтүлөт.

Алай өрөөнү

Абанын айлык орточо температурасы климаттык нормага жакын болуп, -8…-10 градуска түшөт. Айдын экинчи жана үчүнчү декадасында абанын температурасы кадимкидей сууктап, түнкүсүн -17…-22, күндүз -3...-8 градус болору айтылды.

Суусамыр өрөөнү

Абанын айлык орточо температурасы климаттык нормага жакын болуп, -5…-7 градус болушу күтүлөт.

Ноябрдын онуна чейин аба ырайы түнкүсүн -1…-6 градустан тарта -7…-12 градуска чейин болот. Күндүз температура 0…+5тен тарта +6…+11 градуска чейин өзгөрүп турушу күтүлөт. Айдын экинчи жана үчүнчү декадасында абанын температурасы төмөндөп, түнкүсүн -15…-20, ал эми күндүз -2…+3 градус болушу күтүлөт.

29558
Белгилер:
жылуулук, суук, Алай району, Суусамыр, аба ырайы, Кыргызстан
Тема боюнча
Сездиңиз беле? NASA эң ысык төрт жыл жана аптаптын кесепети тууралуу
Балчылар бал чогултууда. Архивдик сүрөт

Кара-Кулжа токой чарбасына 7 млн сомдук балчылыкка керектүү жабдуу берилди

7
(жаңыланган 10:25 15.08.2020)
Райондо балчылыкты өнүктүрүү үчүн атайын он сотых жер тилкеси тосулду. Аймактын бул тармакты колго алууга толук шарты бар.

БИШКЕК, 15-авг. — Sputnik. Кара-Кулжа районунун токой чарбасына 7 миллион 337 миң 760 сомго балчылык жабдуу жана инвентарларын бергендигин Айлана-чөйрөнү коргоо жана токой чарба мамлекеттик агенттиги билдирди.

Ага ылайык, көрсөтүлгөн жардам Дүйнөлүк банктын жана Глобалдык экологиялык фонддун каржылоосу менен "КРдин токой экосистемасын интегралдык башкаруу" долбоорунун алкагында ишке ашкан.

Кыргыз экономикасынын артка кеткен тармактары. Тизме

"Берилген жабдык жана инвентарларды өлкөнүн алыскы тоолуу аймактарында балчылыкты өстүрүү үчүн айыл чарба өсүмдүктөрүн чаңдаштырууда жана токой чарбасына кошумча каражат булагын табууда натыйжалуу пайдаланууга болот. Алты кассеталык бал тартуучу автомат аппараттан үч даана, бал тартуучу механикалык аппараттан жети даана, беш миң бал алкагы, беш миң даана бал мому, бал аарычынын кийиминин он топтому жана башка жабдыктар алып келинди. Мындан тышкары, аталган долбоордун шарты менен бал челектерди жайгаштыруу үчүн он сотых жер тилкеси тосулду", — деп жазылат билдирүүдө.

Анда айтылгандай, Кара-Кулжа районунун токой чарбасынын аймагы 74 миң 285 гектар, анын ичинен токой аянты 8 миң 215 гектарды ээлейт. Токой чарбасынын аймагында дары чөптөрдүн түрү өсөт. Райондун балчылыкты өнүктүрүүгө толук шарты бар.

7
Белгилер:
жабдык, Кара-Кулжа, токой, бал
Тема боюнча
Кадыр: өлкөдө бал аарыларынын тоют базасы кыскарып жатат
Япония жана Кыргызстандын желектери. Архивдик сүрөт

Япония Кыргызстанга 2,9 млн доллар грант бөлөт. Акча эмнеге жумшалат?

46
(жаңыланган 09:09 15.08.2020)
Буга чейин аталган долбоордун алкагында жергиликтүү 210 мамлекеттик жана муниципалдык кызматкер Японияга жөнөтүлгөн.

БИШКЕК, 15-авг. — Sputnik. Кыргызстан менен Япониянын ортосунда 2,9 миллион долларлык грант келишимине кол коюлду. Бул тууралуу Финансы министрлигинен кабарлашты.

Маалыматка ылайык, ал акча каражатты Япония тарап берип, "Адам ресурстарын өнүктүрүү үчүн стипендиялык программасы" долбооруна жумшалат.

Германия Кыргызстанга 42 миллион евро грант бөлөт. Каражаттар кайда сарпталат

"КРдеги мамлекеттик жана жергиликтүү өз алдынча башкаруу мекемелеринин кадрлары даярдалып, кыргызстандыктар Япониянын эл аралык университеттеринде магистратура жана докторантурада билим алууга мүмкүнчүлүк алат. Окуу коомдук башкаруу, эл аралык мамилелер, маалыматтык-коммуникациялык технологиялар, экономика, айыл чарба жана экологиялык саясат сыяктуу чөйрөлөргө каралган", — деп жазылган билдирүүдө.

Чет өлкөдө окуй тургандар сынак аркылуу тандалып, талапкерлердин академиялык жөндөмдүүлүгү эске алынат.

Министрлик: дем берүүчү гранттардын эсебинен 196 долбоор каржыланат

Буга чейин аталган долбоордун алкагында жергиликтүү 210 мамлекеттик жана муниципалдык кызматкер жөнөтүлгөн. Учурда КРдин 18 жараны магистратурада, экөө изилдөөчү докторантурада билим алууда.

46
Белгилер:
министрлик, грант, акча, Япония, Кыргызстан
Тема боюнча
Кыргызстанга 60 млн доллар бөлүнөт, анын жарымы грант. Акча эмнеге жумшалат?
Министрлик: дем берүүчү гранттардын эсебинен 196 долбоор каржыланат
Германия Кыргызстанга 42 миллион евро грант бөлөт. Каражаттар кайда сарпталат
Мессенджер Telegram на экране телефона. Роскомнадзор может заблокировать мессенджер Telegram. По словам главы ведомства Александра Жарова, это произойдет, если компания не предоставит данные, необходимые для включения в реестр организаторов распространения информации.

Көрүп сүйлөшсө болот. Telegram мессенджерине видеочалуу кошулду

0
Мессенджер жети жыл ичинде өзүнө 400 миллион активдүү колдонуучуну топтой алганын айтып, алардын суранычы менен видеочалууну киргизгенин билдирди.

БИШКЕК, 15-авг. — Sputnik. Telegram мессенджери жети жылдык мааракесин утурлай видеочалуу кызматын кошконун РИА Новости жазды.

Азырынча функция Android OС базасындагы смартфондордун колдонуучулары үчүн гана жеткиликтүү экендиги белгиленди.

WhatsApp жаңы функцияны ишке киргизип жатат

"2013-жылы маалыматтарды коопсуз алмаша алган анча чоң эмес тиркемени иштеп чыктык эле. Азыр эми өсүп-өрчүп, өзүнө 400 миллион активдүү колдонуучуну топтой алды. Ушул тапта эл көптөн бери суранган кызматты кошуп жатабыз. Эми катталуучулар бири-бирин көрүп дагы сүйлөшө баштайт. Жакшы жери — видео аркылуу сүйлөшүп жатып эле аны экрандан нары жылдырып коюп, чатта жазыша берсе болот. Мындан сырткары, анимациялык быйтыкчалар дагы көбөйтүлгөн", — деп жазылган мессенджердин расмий блогунда.

Ошондой эле учурда Android түзүмүнөн тышкары iOS колдонуучуларына да видеочалууну киргизүү боюнча иштер жүрүп жатканы кошумчаланды.

Мындан сырткары, жакынкы күндөрү видео аркылуу бир нече адам бир убакта кошулуп сүйлөшө алгыдай мүмкүнчүлүктөр каралып жатат.

0
Белгилер:
чалуу, колдонуучу, кызмат, Telegram
Тема боюнча
Instagram: 25 билдирүүнү дароо өчүрүүгө мүмкүнчүлүк жаралды