Даракта жаткан кар. Архивдик сүрөт

Кар жаайбы? Бир жумага карата аба ырайы

12823
Келерки аптада айрым аймактарда жамгыр жаап, тоолорго кар түшөт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге чейин жетиши ыктымал.

БИШКЕК, 20-окт. — Sputnik. Кыргызгидрометтин божомолу боюнча кийинки аптада өлкөдө аба ырайы туруксуз болот.

20-октябрда жаан-чачын күтүлбөйт. Батыштан соккон шамалдын ылдамдыгы секундасына 3-8 метрге жетет.

21-октябрда түнкүсүн кээ бир райондордо жаан, тоолуу райондордо кар жаашы мүмкүн. Күндүз дагы көпчүлүк аймактарда жамгыр нөшөрлөп жаайт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетиши ыктымал.

22-октябрда түнкүсүн Ысык-Көл, Нарын облустарынын көпчүлүк аймактарында, Чүй, Талас, Ош, Жалал-Абад, Баткен облустарынын кээ бир райондорунда жаан, тоолуу райондорунда кар жаашы божомолдонууда. Күндүз Ысык-Көл облусунун айрым аймактарына жаан жааса, Ош облусунун тоолуу аймактарына жамгыр жаайт.

Батыштан соккон шамалдын ылдамдыгы секундасына 4-9 метрден Ысык-Көл акваториясында 15-20 метрге чейин жетиши ыктымал.

23-24-25-26-октябрларда өлкөдө күн ачык болушу күтүлөт.

12823
Белгилер:
шамал, жамгыр, аба ырайы, Кыргызстан
Тема боюнча
"Жеңиш" паркындагы күздүн керемети. Асмандан тартылган видео
Жамгырдуу аба ырайы. Архивдик сүрөт

Шейшембиге карата аба ырайы

15
(жаңыланган 21:01 10.08.2020)
Синоптиктер 11-августта түнкүсүн республиканын кээ бир райондорунда өткүн өтүп, күн күркүрөшү мүмкүндүгүн маалымдашты.

БИШКЕК, 10-авг. — Sputnik. Шейшемби күнү, 11-августта, күндүз кээ бир райондордо өткүн өтүп, күн күркүрөйт, ал эми Талас, Баткен облустарында күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

Күндүн көзү ачылбайт... Бир жумага карата аба ырайы

Абанын температурасы Чүй, Ош, Жалал-Абад, Баткен облустарында +30...+35, Талас аймагында +28...+33, Ысык-Көлдө +21...+26 жана Нарын жергесинде +22...+27 градус болору айтылды.

Күндүн табы борборубуз Бишкекте жана Ошто +33...+35 градуска чейин көтөрүлсө, Чолпон-Атада термометрдин көрсөткүчү +21...+23 градуска жетет.

15
Белгилер:
Кыргызстан, аба ырайы
Тема боюнча
Күндүн көзү ачылбайт... Бир жумага карата аба ырайы
Стационардагы койка. Архивдик сүрөт

Киши келбей калган. Бишкекте дагы үч стационар жабылды

63
(жаңыланган 21:02 10.08.2020)
Ордо калаада күндүзгү жана түнкү стационарлар ачылгандан бери 90 миңден ашуун киши медиктердин жардамын алган. Соңку кезде оорулуулардын саны кескин азайды.

БИШКЕК, 10-авг. — Sputnik. Бишкекте коронавируска жана курч респиратордук вирустук инфекцияга чалдыккан бейтаптарды тейлеген дагы үч стационар жабылды. Бул тууралуу мэрия билдирди.

Маалыматка ылайык, оорудан айыккандардын саны улам азайып, айрым стационарларда бейтап аз болсо, кээ бирөөнө такыр киши келбей калган.

Маселен, кечээ күндүзгү стационарлар ушул убакка чейин эң аз деп эсептелген 733 бейтапты кабыл алган, ал эми 9-августтан 10-августка караган түнү 42 киши баш баккан. Соңку убакта каза болгондор жок.

Баатырбеков: күз-кышта ооруканалардын жылуу болушуна өзгөчө көңүл бурулууда

Мындан улам чыгым менен адам ресурстарын үнөмдөө үчүн кишилер аз келген стационарлар убактылуу жабылган. Тагыраагы, Аламүдүн-1 кичи районундагы №38 мектептеги күндүзгү стационар жана "Консул" рестораны менен "ДСК" спорт залындагы түнкү стационарлар ишин жыйынтыктады.

"Бардык медициналык жабдыктар, койка жана оокаттар кылдаттык менен сакталып, имараттардын ичи-тышы дезинфекцияланды", — деп айтылат маалыматта.

Ал эми 12-кичи райондогу муниципалитеттин карамагында турган наабайкана күнү-түнү иштегенге өткөн. Ошондой эле калган стационарлар штаттык режимде иштеп жатканы, кайрылгандарга карап байкоо жүргүзүлүп жатканы айтылды.

Ордо калаада күндүзгү жана түнкү стационарлар ачылгандан бери 90 миңден ашуун киши медиктердин жардамын алган. Тилекке каршы, 14 киши көз жумду.

Жээнбеков: ооруканалардын курулушуна 100 млн доллар салчу адамдар бар

Эске сала кетсек, буга чейин мэрия жети стационардын ишин токтоткон.

63
Белгилер:
бейтап, стационар, Бишкек мэриясы, Бишкек
Тема:
Коронавируска байланыштуу Кыргызстандагы кырдаал
Тема боюнча
Өкмөт "Семетей" стационарын жугуштуу илдеттер ооруканасына айлантууну пландап жатат
Бейтаптар азайып... Оштогу беш стационардын бири ишин жыйынтыктады
Ливандын желеги. Архивдик сүрөт

Элдин жаалы менен... Ливан өкмөтү отставкага кетүүдө

0
(жаңыланган 21:19 10.08.2020)
Ливандын борборундагы жардыруунун кесепети элдин бийликке болгон нааразычылыгын күчөтүп, башаламандык жаралган.

БИШКЕК, 10-авг. — Sputnik. Ливан өкмөтү толук курамы менен отставкага кеткенин РИА Новости жазды.

Мындай билдирүүнү саламаттык сактоо министри өкмөттүн жыйынынан кийин жар салган. Айрым министрлер кызматын тапшырууну эмитеден баштаганы айтылат.

Эске салсак, 4-августта Ливандын борбору Бейрут шаарында катуу жарылуу болуп, 150дөн ашык адам көз жумса, алты миңден көбурөөгү жабыркаган

Бейруттагы жарылуу: чаңырып эшикке чуркашты. Үйлөнүп жаткандардын качкан видеосу

Мындай трагедия элдин бийликке болгон нааразычылыгын ого бетер күчөтүп, башаламандыкты шарттаган. Акцияга миңдеген киши чыгып, ал бир нече күндөн бери токтобой келет. Кырсыкка чейинки жана азыркы талаптарынын бири өкмөттү отставкага кетирүү болчу.

0
Белгилер:
жарылуу, отставка, өкмөт, Бейрут, Ливан
Тема:
Бейруттагы жарылуу
Тема боюнча
Бейрутта жарылуудан тирүү калган адамдарды издөө иштери аяктады