Аялдамада турган адамдар. Архив

ӨКМ шашылыш билдирүү таратты. Аба ырайы кескин сууктайт

17593
(жаңыланган 16:03 22.11.2019)
Туруксуз аба ырайы энергетика жана коммуналдык кызматтардын ишин жана жайлоолордо малды кармоону кыйындатат. Электр зымдарга суу кар жабышып, үзүлүп кетүү коркунучу бар.

БИШКЕК, 22-ноя. — Sputnik. Кыргызгидромет 22-ноябрдан 24-ноябрга чейин өлкө боюнча туруксуз аба ырайы күтүлөрүн эскертет.

23-ноябрда түнкүсүн көпчүлүк аймактарда, күндүз кээ бир райондордо жамгыр, кар, тоо этектеринде жана тоолуу райондорго кар жаайт. Чүй, Талас, Ош, Жалал-Абад, Баткен облустарынын кээ бир райондорунда туман түшөт. Жолдор тоңуп, тайгак болот.

24-ноябрда Чүй, Талас, Ош, Жалал-Абад, Баткен облустарынын көпчүлүк аймактарында, Ысык-Көл, Нарын облустарынын кээ бир райондорунда мезгил-мезгили менен кар жаайт.

25-27-ноябрда абанын температурасы кескин төмөндөп Чүй, Талас өрөөндөрүндө түнкүсүн -6…-11 градус, күндүз -2…-7 градус суук болот. Ош, Жалал-Абад, Баткен өрөөндөрүндө түнкүсүн -5…-10 градус, күндүз 0…-5 градус суук. Тоо этектериндеги райондордо түнкүсүн -8…-13, күндүз -4…-9 градус суук болсо, Ысык-Көл ойдуңунда түнкүсүн -7…-12, күндүз 0…-5 градус нөлдөн төмөн болот. Нарын облусунун дыйканчылык аймактарында түнкүсүн -10…-15, күндүз -1…-6 градус суук болуп, тоолуу аймактардагы суук -12…-17 градуска жетет.

Мындай туруксуз аба ырайы энергетика жана коммуналдык кызматтардын ишин жана жайлоолордо малды кармоону кыйындатат. Электр зымдарга суу кар жабышып, үзүлүп кетүү коркунучу бар.

17593
Белгилер:
божомол, Кыргызгидромет, аба ырайы
Тема боюнча
Кыламык кар, сейилдеген бөбөк. Бишкектин көчөлөрүнөн тартылган 11 сүрөт