Курулуш иштери. Архивдик сүрөт

2020-жылы Кыргызстанда эмнелер курулат? Өкмөттүн убадалары

528
Өкмөт кийинки жылы 100дөн ашуун айылга таза суу киргизип, 150 мектеп куруп, оңдой турганын айтууда.

БИШКЕК, 29-ноя. — Sputnik. Премьер-министр Мухаммедкалый Абылгазиев парламентте 2019-2020-жылдардын бюджетин бекитүү мыйзамы каралып жатканда кийинки жылы жасала турган иштер боюнча маалымат берди.

Өкмөт башчынын айтымында, 200гө чукул билим берүү мекемеси курулуп жана оңдоодон өтөт. Анын ичинен 17 авариялык мектептин ордуна жаңысы курулуп, Сауд Аравиясынан келген каражатка дагы 29 мектеп салынат.

Өкмөттүн убадалары төмөндөгүдөй:

  • 150 мектепти куруу жана оңдоодон өткөрүү;
  • 15 бала бакча салуу;
  • 117 айылды таза суу менен камсыздоо;
  • Каналдары талкаланып, арыктары тосулган 18 миң гектар жерди ишке киргизүү;
  • 1,5 миң гектар жаңы сугат жерди пайдаланууга берүү;
  • Жер-Үй алтын кенин толугу менен ишке киргизүү;
  • 280 миллион долларлык логистикалык борбор куруу;
  • Терек-Сай айылына 100 миллион долларлык алтынды кайра иштетүүчү фабрика салуу;
  • Ош шаарындагы жеңил өнөр жай фабрикасын толугу менен ишке киргизүү;
  • Нарынга кыргызстандык ишкер 120 миң долларга 100 мегаваттык ГЭС курат.

Абылгазиев мунун баары республикалык бюджеттен жана донорлордон келген каражаттын эсебинен жасаларын билдирди. Жергиликтүү бийликтин бюджетинен жасалчу жумуштар жогорку тизмеге кирген эмес.

528
Белгилер:
убада, өкмөт, мектеп, бала бакча, ГЭС, бюджет
Тема боюнча
Өкмөт бажыдагы коррупция менен кандайча күрөшүп жатканын жар салды
Бишкек мэриясы 6 айда канча каражат таап, аны эмнеге жумшаганы айтылды
Депутат: бюджеттин маданият үчүн каралган 3%ы да толук берилбейт
Россияда эмгектенип жүргөн 45 кыргызстандык медик мекендештерине жардам берүү үчүн Бишкекке келе жатат

Россиядан дагы 45 кыргызстандык медик жардамга келе жатат

22
(жаңыланган 11:06 12.07.2020)
Жардамга келчү медиктердин көпчүлүгүнүн COVID-19 жуктурган бейтаптарды дарылоо боюнча тажрыйбасы бар экени айтылат.

БИШКЕК, 12-июл. — Sputnik. Россияда эмгектенип жүргөн 45 кыргызстандык медик мекендештерине жардам берүү үчүн Бишкекке келе жатат. Бул туурасында Кыргызстандын Россиядагы элчилиги билдирди.

Маалыматка ылайык, 25 дарыгер, 20 медайымдан турган топ өз ыктыяры менен көмөк көрсөтүүгө макул болгон. Кыргыз медиктери менен 10-июлда элчи Аликбек Жекшенкулов жолуккан.

"Алар Россияда реаниматолог, кардиолог, эпидемиолог, терапевт, медайым болуп иштеп жүрүшкөн. Көпчүлүгүнүн COVID-19 жуктурган бейтаптарды дарылоо боюнча тажрыйбасы бар. Бишкекке баргандан кийин адистерге өтө муктаж болуп турган медициналык мекемелерде бөлүнүп иштешет", — деп айтылат маалыматта.

Силерсиз ооруну жеңе албайбыз! Боронов медициналык билими барларды ишке чакырды

Ыктыярчы-медиктер өзү менен кошо Кыргызстанда аябай тартыш болуп жаткан медициналык препараттарды дагы алып келе жатканы айтылат.

Алар бүгүн, 12-июлда, чартердик каттам менен келишет. Авиабилеттерин демөөрчүлөр алып беришкен.

Белгилей кетсек, 5-июлда дагы Москвадан 23 адистен турган кыргыз медиктеринин алгачкы тобу Бишкекке келип Улуттук госпиталда иштеп жатышат. Андан кийин Россиянын Екатеринбург, Новосибирск шаарларынан дагы дарыгерлер келишкен.

22
Белгилер:
препарат, каттам, элчилик, ыктыярчылар, жардам, медик, Россия
Тема:
Коронавируска байланыштуу Кыргызстандагы кырдаал
Тема боюнча
Новосибирскиден мекенге жардам берүү үчүн дагы медиктер учуп келди
Жаңы 127 учур катталды. COVID жугузган миңден ашуун медик ооруканада жатат
Екатеринбургдан кайткан мекендештер менен чогуу медиктер да келди. Сүрөт
Стационардын алдында турган медиктер. Архивдик сүрөт

Жаңы 127 учур катталды. COVID жугузган миңден ашуун медик ооруканада жатат

44
(жаңыланган 11:06 12.07.2020)
Өлкө боюнча 1 656 медицина кызматкеринин COVID-19 оорусуна кабылганы катталган. Анын 552си сакайып чыкты.

БИШКЕК, 12-июл. — Sputnik. Соңку бир сутканын ичинде 127 медицина кызматкери коронавирус жугузуп алганы аныкталды. Бул туурасында Республикалык штаб билдирди.

Жаңы учурлар төмөнкү аймактарда катталган.

  • Бишкек шаарында - 51;
  • Чүй облусунда - 44;
  • Ош шаарында - 12;
  • Ош облусунда - 4;
  • Баткен облусунда - 7;
  • Ысык-Көл облусунда - 5;
  • Талас облусунда - 3;
  • Жалал-Абад облусунда - 1.

10 000ден ашты! Дагы 719 адам коронавирус жуктуруп алды

Ал эми бир күндө 6 медкызматкер айыгып ооруканадан чыгарылган.

Жалпысынан өлкө боюнча 1 656 медицина кызматкери COVID-19 оорусуна кабылганы катталган. Анын 552си сакайып чыкты.

44
Белгилер:
Кыргызстан, жуктуруу, айыгуу, медик, коронавирус
Тема:
Коронавируска байланыштуу Кыргызстандагы кырдаал
Тема боюнча
COVID менен пневмония бир күндө 48 кыргызстандыктын өмүрүн алды
10 000ден ашты! Дагы 719 адам коронавирус жуктуруп алды
Кечээтен бери 151 киши коронавирустан айыгып чыкты
Лабораториядагы реагенттер. Архивдик сүрөт

Россиянын коронавируска каршы вакцинасы сыноодон ийгиликтүү өттү

0
(жаңыланган 11:22 12.07.2020)
Окумуштуулардын айтымында, вакцина сайылган ыктыярчылардын биринчи тобу шаршемби күнү, экинчи тобу 20-июлда ооруканадан чыгат.

БИШКЕК, 12-июл. — Sputnik. Россияда иштелип чыккан коронавируска каршы вакцина сыноодон ийгиликтүү өттү. Бул тууралуу РИА Новости агенттиги Сеченов университетинин Трансляциондук медицина жана биотехнология институтуна шилтеме кылып жазып чыкты.

Аталган илимий мекеменин директору Вадим Тарасовдун айтымында, вакцина сайылган ыктыярчылардын биринчи тобу шаршемби күнү, экинчи тобу 20-июлда ооруканадан чыгат.

Россия коронавируска каршы дагы бир дары чыгарды. Мүнөздөмөсү

"Сеченов университети дүйнө жүзүндөгү биринчи вакцинанын сыноосун ийгиликтүү аяктады", — деди Тарасов.

Ал ошондой эле вакцина сайдырган адамдар узак убакыт обочодо болгондуктан аларда көйгөйлөр жаралып, жардамга психологдор келгендигин кошумчалады.

Ал эми Медициналык паразитология институтунун директору Александр Лукашев ал изилдөөдө дарыны колдонуу адамдын ден соолугуна коопсуз экендигин билүү зарыл болгондугун айтты.

ДССУ Россиянын СOVID-19га каршы вакцинасына кызыгууда. Видео

Эске сала кетсек, июндун ортосунда РФтин Саламаттык сактоо министрлиги коронавируска каршы вакцинанын эки түрүн клиникалык сыноодон өткөрүүгө уруксат бергенин жар салган. Препараттар Гамалея атындагы эпидемиология жана микробиология боюнча илим-изилдөө борбору тарабынан иштелип чыккан.

Сыноо Коргоо министрлигинин Бурденко атындагы госпиталында жана Сеченов медицина университетинде ыктыярчыларга жүргүзүлүүдө.

0
Белгилер:
сыноо, вакцина, изилдөө, Россия
Тема:
Дүйнөгө жайылган коронавирус
Тема боюнча
COVID таасири: метеорологдор беш жылда климат кандай өзгөрөрүн айтышты
Россия коронавируска каршы дагы бир дары чыгарды. Мүнөздөмөсү
COVID: "Авифавирди" амбулатордук түрдө колдонууга уруксат суралууда