Тамактанып жаткан бала. Архив

Кыргызстанда канча бала тое тамак жебейт. Жүрөк ооруткан статистика

214
(жаңыланган 14:15 05.12.2019)
Бардык көйгөйлөргө карабастан Кыргызстан Борбор Азиядагы өлкөлөр арасында "ачка жараны жок" мамлекет боло аларын ФАОдон белгилешти.

БИШКЕК, 5-дек. — Sputnik. БУУнун соода-сатык жана айыл чарба уюму Sputnik агенттигине Кыргызстандагы соода коопсуздугу жана тамактануу боюнча кырдаалды көрсөткөн инфографика жөнөттү.

2016-жылдан 2018-жылга чейинки байкоолорго караганда, Кыргызстанда ар бир 15инчи жашоочу курсагы тое тамак жебейт.

Өлкөдөгү ар бир жетинчи баланын бою өз курагындагылардан кичине.

Ситуация с продовольственной безопасностью и питанием в Кыргызстане.
© Продовольственная и сельскохозяйственная организация ООН
Өлкөдөгү ар бир жетинчи баланын бою өз курагындагылардан кичине

Ар бир 35-өспүрүм өтө арык.

Ар бир алтынчы кыргызстандык ашыкча салмак менен жабыркайт.

Ар бир 14-өспүрүм ашыкча салмак менен жабыркап келет.

Республикадагы ар бир үчүнчү аял анемиядан жапа чегет.

Ашыкча салмак менен жабыркаган жана бою өспөй калган балдардын облустар боюнча көрсөткүчү

Ситуация в разрезе областей по детям, страдающим от избыточного веса и отстающим в росте
© Продовольственная и сельскохозяйственная организация ООН
Ашыкча салмак менен жабыркаган жана бою өспөй калган балдардын облустар боюнча көрсөткүчү

ФАОдон билдиришкендей, айыл чарба продукциясын өндүрүү көлөмүнүн өсүшү, ун менен туздун микроэлементтер менен байытылышы жана окуучуларды ысык тамак менен камсыздоо сыяктуу көрүлгөн иш-аракеттердин арты менен мамлекеттеги соода коопсуздугу жакшырган. Мындан улам өтө арык жана бою курагына жараша өспөй жаткан балдар дагы азайган.

Создание благоприятных условий для лучшего питания
© Продовольственная и сельскохозяйственная организация ООН
Азык-түлүктүн курамын микроэлементтер менен байытуу аракеттери жүрүүдө

Анткен менен мамлекетте чоңдор менен балдардын ашыкча салмак менен жабыркашы жана анемияга кабылган аялдардын саны жогору бойдон калууда.

Бирок буга карабастан Кыргызстан Борбор Азиядагы өлкөлөр арасында "ачка жараны жок" мамлекет боло аларын ФАОдон белгилешти.

214
Белгилер:
балдар, айыл чарба продукциясы, азык-түлүк, БУУ
Тема боюнча
Ракка чалдыккан өспүрүм кызга рецепт жазып бербей... Бишкектеги окуя
Кыргызстандын экономика министри Санжар Мукамбетов. Архив

Мукамбетов: Кытай Кыргызстан Өзбекстан темир жолу ЕАЭБде жаңы рынокторду ачат

10
Министр темир жолду куруу иштерине кызыкдар мамлекеттер гана эмес, ЕАЭБдин структуралары анын ичинде банк жана башка өнүктүрүү институттары да катышуусу керек деп эсептейт.

БИШКЕК, 5-дек. — Sputnik. Кытай — Кыргызстан — Өзбекстан темир жолу ЕАЭБде жаңы рынокторду ачат. Бул тууралуу Кыргызстандын экономика министри Санжар Мукамбетов билдирди.

4-декабрда Евразия өнүктүрүү банкы тарабынан уюштурулган биринчи Евразия конгресси өттү.

Форумдун алкагында министр Sputnik Кыргызстан агенттигине Кыргызстандын ЕАЭБдеги артыкчылыктарын айтып берди.

"Биз ЕАЭБдин түштүк чек арасында жайгашканбыз. Кыргызстан аркылуу Кытай, Индия жана Пакистанга жол ачылат. Тилекке каршы, бул ири рыноктор Кыргызстан тарабынан колдонулбай жатат. Кытай — Кыргызстан — Өзбекстан темир жолу курулса ЕАЭБге көп пайда алып келмек", — деди Мукамбетов.

Анын айтымында, бул ири долбоор көп жылдардан бери ишке ашпай келе жатат.

"Кыймыл бар. Жолдун узундугу, казылуучу тоннелдердин саны, калктуу конуштарды аралап өтүүчү участоктор талкууланып жатат. Бирок бул маселеде саясий чечим талап кылынат. Ошондой эле бул долбоорго кызыкдар мамлекеттер гана эмес, ЕАЭБдин структуралары анын ичинде банк жана башка өнүктүрүү институттары да катышуусу керек", — деди министр.

Кытай менен байланыштыра турган аталган темир жол долбоору 20 жылга чукул убакыттан бери талкууланып келе жатат. Маршруттун бир нече варианттары каралган. Алардын ичинен Кытайдан Кыргызстан, Өзбекстан аркылуу Түркмөнстанга өтүп, андан ары Иранга чыгуу да пландалган.

10
Белгилер:
министр, Өзбекстан, Кытай, Кыргызстан, темир жол, Евразиялык экономикалык биримдик
Тема:
ЕАЭБдеги Кыргызстан
Тема боюнча
Жээнбеков: Кытай — Кыргызстан — Өзбекстан темир жолун курууга Россия да кызыкдар
Кытай — Кыргызстан — Өзбекстан темир жолу: кандай сүйлөшүүлөр болуп жатат
Окуучулар сабак учурунда. Архив

7-декабрдан тарта Аламүдүн районунда 34 мектеп иштеп баштайт. Тизме

113
Аталган райондогу Озерный жана Пригородный жаңы конуштарындагы мектептерде бала көп болгондуктан, азырынча 1-класстын окуучуларына гана салттуу режимде окууга уруксат берилген.

БИШКЕК, 4-дек. — Sputnik. Чүй облусуна караштуу Аламүдүн районундагы 34 мектепте 7-декабрдан тарта салттуу режимде окуу башталат. Бул тууралуу райондук билим берүү башкармалыгынын жетекчиси Динара Шеркулованын айтымына таянып Билим берүү жана илим министрлигинин маалымат кызматы кабарлады.

Буга чейин айрым мектептердин окуучуларына жана ата-энелерине мессенджер аркылуу кулактандыруу келген.

"Урматтуу ата-энелер, дүйшөмбү күндөн тарта мектептен окуп баштайбыз. Расписаниени кийинчерээк айтабыз", — деп жазылган кулактандырууда.

Министрликтин маалымат кызматы бул билдирмени тастыктап, кийинки аптадан тарта кайсы мектептер жана кайсы класстар окуй турганын айтты.

1-класстын окуучулары гана барчу мектептердин тизмеси:

  • Озерный жаңы конушундагы орто мектеп;
  • Пригородный жаңы конушундагы орто мектеп.
  • 1-9-11-класстын окуучулары салттуу режимде билим ала турчу мектептердин тизмеси:
  • Маевка районундагы орто мектеп;
  • Мраморный районундагы орто мектеп.
  • 1-5-9-11-класстын балдары гана салттуу режимде окуй турчу мектептердин тизмеси:
  • Төмөнкү Ала-Арча районундагы мектеп;
  • Васильевская айылындагы №1 орто мектеп;
  • Васильевская айылындагы №2 орто мектеп.

1-2-3-4-5-9-11-класстардын окуучулары салттуу режимде окуй турчу калган мектептердин тизмеси:

  • Аламүдүн районундагы №1 орто мектеби;
  • Аламүдүн районундагы №2 орто мектеби;
  • Стрельник атындагы орто мектеби;
  • Каирминск орто мектеби;
  • Жогорку Ала-Арчадагы орто мектеп;
  • Кашка-Суудагы орто мектеп;
  • Орто-Алыштагы орто мектеп;
  • Баш Кара-Суудагы орто мектеп;
  • Грозденскийдеги орто мектеп;
  • Бирдиктеги орто мектеп;
  • Кара-Жыгач айылындагы орто мектеп;
  • Көк-Жар айылындагы орто мектеп;
  • Ленин атындагы орто мектеби;
  • Чүй орто мектеби;
  • Н. Бердибеков атындагы орто мектеби;
  • Лебединовка айылындагы №1 орто мектеби;
  • Лебединовка айылындагы №2 орто мектеби;
  • Лебединовка айылындагы №3 орто мектеби;
  • ГЭС-5теги орто мектеп;
  • Октябрь айылындагы орто мектеп;
  • Келечек айылындагы орто мектеп;
  • Бер-Булактагы орто мектеп;
  • Бейшеналиев атындагы орто мектеп;
  • Чокморов атындагы орто мектеп;
  • Горная Маевка айылындагы орто мектеп;
  • Беш-Күңгөйдөгү орто мектеп;
  • Таш-Мойноктогу орто мектеп.

Аталган мектептерге Аламүдүн райондук ооруларды алдын алуу жана мамлекеттик санитардык-эпидемиологиялык көзөмөлдөө борбору текшерүүдөн кийин уруксат берген.

113
Белгилер:
Аламүдүн району, окуу, мектеп
Тема боюнча
Министрлик Бишкектин окуучуларынын каникулун узартуу сунушуна жооп берди
Баткенде 213 мектеп салттуу түрдө иштеп жатат