Schneider электрдик технологияны колдонгон унаа. Архив

ЕАЭБ электромобилдерди бажы төлөмү жок киргизүүгө ниеттенүүдө

111
(жаңыланган 11:33 19.02.2020)
Коллегиянын төрөгасы Михаил Мясникович белгилегендей, бул аракеттер ЕАЭБде электромобилдер рыногунун түзүлүшүнө, өндүрүштүн өсүп-өнүгүшүнө жардам берет.

БИШКЕК, 19-фев. — Sputnik. Евразиялык экономикалык комиссиянын коллегиясы 2020-жылдын аягына чейин электромобилдерге нөлдүк бажы коюмун киргизүү демилгесин колдоду. Бул туурасында ЕЭКтин маалымат кызматынан билдиришти.

Аталган долбоор Евразиялык экономикалык биримдиктеги өлкөлөрдүн вице-премьерлеринен турган ЕЭК кеңешине тийиштүү болуп саналат.

"Бул чаралар бажы чек арасы аркылуу товар ташып келген жарандарга карата да көрүлөт. Соңку чечимди ЕЭК кеңеши кабыл алышы керек", — деп айтылат маалыматта.

Коллегиянын төрөгасы Михаил Мясникович белгилегендей, бул чара ЕАЭБде электромобилдер рыногунун түзүлүшүнө, анын өндүрүшүнүн жана кубаттоочу инфраструктурасынын өсүп-өнүгүшүнө жардам берет.

"Биримдикте электромобиль базарынын иштеп, алдыга жылышы үчүн биринчи кезекте инфраструктура менен кубаттоочу станциялар түзүлүшү шарт. Экинчи маселе — өздүк электромобилдерди өнүктүрүү. Азыр үч өлкө муну менен тынымсыз алектенүүдө", — деген Мясникович.

Белгилей кетсек, 2016-жылдын сентябрынан 2017-жылдын августуна чейин электромобилдерге карата нөлдүк коюмдар киргизилген. Маселен, бул убакытта аталган транспорттун түрүнүн импорту Белоруссияда төрт эсеге өскөн.

Ошол эле убакта ЕАЭБге кирген башка өлкөлөрдө 12 ай ичинде нөлдүк коюм менен ташып келинген жана сатылган электромобилдердин саны ойдогудай болбой калган. Бул транспорттун аталган түрүнүн рыногун түзүү планына да ылайык келген эмес. Мындай чара жарандарга карата колдонулбаганы белгиленди.

Эске сала кетсек, 2018-жылы июлда Кыргызстанда автомобилди бажылык жол-жоболоштуруу төлөмү төмөндөтүлүп, 2014-жылдагы көлөмгө чейин түшүрүлгөн. А эми электромобилдерди каттоо жана кайра каттоо бекер болгон. Бирок жеңилдителген убакыт былтыр 31-декабрда аяктаган.

111
Белгилер:
жол, бажы, Евразиялык экономикалык биримдик
Тема боюнча
Кыргыз-казак чегинде кезекте турган фуралар. Казакстан дооматка жооп кайтарды
Тамак-аш коопсуздугу: Кыргызстан Кытайдан канчалык көз каранды
Үйлөнүү-үлпөтү. Архив

Ош: кыз узатуу тою өткөн ресторан жабылып, 13 миң сом айып салынды

13
(жаңыланган 19:47 04.07.2020)
Кыргызстанда учурда бир нече аймактарда, анын ичинен Ош облусунда да тойканалардын иштешине тыюу салынган. Ага коронавирустун жайылып кетиши себеп болууда.

БИШКЕК, 4-июл. — Sputnik. Бүгүн Ош облусунун Кара-Суу районундагы "Баястан" ресторанында кыз узатуу тою болуп, ээсине 13 миң сом айып салынды деп билдирди Ош облусунун ИИБинин маалымат катчысы Жеңиш Аширбаев.

Эске салсак, учурдагы коронавирус пандемиясынан улам тойканалардын иштешине да тыюу салынган.

"Ресторанда өткөрүлүп жаткан кыз узатуу аземинде 60 адам бар экени аныкталган. Кара-Суу райондук ички иштер бөлүмүнүн жана райондук санэпидемстанциянын өкүлү тарабынан "Баястан" ресторанынын администрациясына 13 000 сом айып пул салынып, ресторандын иши 15 күнгө карантинге жабылды", — деп билдирди Аширбаев.

Жээнбеков: бул кыянатчылык, тойлорго расмий тыюу салууга убакыт келди

Өлкө боюнча COVID илештирип алгандардын жалпы саны 7094. Анын 2714ү айыгып, тилекке каршы, 78 киши көз жумду.

Коронавирустун кесепетинен келип чыккан пневмония оорусуна март айынан бери 3009 адам чалдыкты. Бүгүнкү күндө анын 736сы айыгып чыкты. Ал эми 496 адамдын абалы оор, 153 бейтап жандандыруу бөлүмүндө жатат.

Өлкө аймагындагы соңку кабарлар менен биздин Telegram-каналдан таанышып туруңуз.

13
Белгилер:
милиция, пандемия, айып пул, той, Кара-Суу району, Ош облусу
Тема:
Коронавируска байланыштуу Кыргызстандагы кырдаал
Тема боюнча
Батыралиев: учурда элди пандемияга каршы мобилизациялоо зарыл
Гүл кармап турган адамдар. Архив

Белгилүү ырчы-обончу Тургуналы Нурматовдун жерге качан берилери айтылды

164
КРдин эмгек сиңирген артисти калың элге "Кыргызымдын жигиттери", "Жымыңдайт жылдыз", "Той ыры" аттуу обондору менен таанылган. Буга чейин аткаруучунун ооруп жүргөндүгү айтылып келген.

БИШКЕК, 4-июл. — Sputnik. Белгилүү обончу Тургуналы Нурматов бүгүн каза болду. Обончуну акыркы сапарга узатуу зыйнаты 5-июль күнү Талас облусунун Бакай-Ата районундагы Боо-Терек айылында өтөт. Бул маалыматты анын жакындары тастыктады.

65 жаштагы аткаруучу 4-июлда борбор калаада ооруканада көз жумду.

КРдин эмгек сиңирген артисти калың элге "Кыргызымдын жигиттери", "Жымыңдайт жылдыз", "Той ыры", "Жаз гүлү" аттуу ондогон обондору менен таанылып, белгилүү болгон.

Залкар акын Элмирбек Иманалиев атындагы коомдук фонд ачылды

"Аны акыркы сапарга узатуу зыйнаты 5-июль күнү Талас облусунун Бакай-Ата районундагы Боо-Терек айылында өтөт", —  деди жакындарынын бири.

Буга чейин аткаруучунун сыркоолоп жүргөндүгү да айтылып келген.

164
Белгилер:
обончу, Кыргызстан
Тема боюнча
Кош, Бопуш... Марат Жантелиевдин сүрөттө калган ирмемдери

Хабибдин атасы Абдулманап Нурмагомедовдун сөөгү Дагестанда жерге берилди

0
Маалыматта машыктыруучуну акыркы сапарга узатуу зыйнатына Чеченстандын башчысы Рамзан Кадыровдун дагы катышканы айтылат.

БИШКЕК, 4-июл. — Sputnik. UFC чемпиону Хабиб Нурмагомедовдун атасы, машыктыруучусу Абдулманап Нурмагомедовдун сөөгү кичи мекенинде жерге берилди. Бул туурасында РИА Новости билдирди.

Маалыматка ылайык, коштошуу зыйнатына Чеченстандын башчысы Рамзан Кадыров дагы катышкан.

Россиянын эмгек сиңирген машыктыруучусу Нурмагомедовдун сөөгү Дагестандын Кизилюртов районунун Кироваул айылына коюлган.

UFC чемпионунун атасы коронавирустун оор түрү менен жабыркап Москвадагы клиникалардын бирине жаткырылган. Ага эки тараптуу пневмония деген диагноз коюлуп, андан кийин инсульт алган. Бул дарттан айыга албай 3-июль күнү 58 жаш курагында каза тапты.

"Аны акыркы сапарга узатууга көп адам катышкан жок. Туугандары жана Москвадан спортчулар келди", — деп айткан Кироваул айылынын башчысы Ильяс.

Мушкер Хабиб Нурмагомедовго UFC уюмунун президенти Дана Уайт көңүл айтып, спортчунун атасынын жашоодогу орду тууралуу айтып берген видеосун жарыялады.

​Ошондой эле Хабибдин октагондогу атаандаштары Конор Макгрегор жана Тони Фергюсон сыяктуу бир катар спортчулар көңүл айткан.

0
Белгилер:
жерге берүү, сөөк, машыктыруучу, Дагестан, Абдулманап Нурмагомедов