Эркиндик бульвары. Архив

Күн жылыйбы? Бир жумага карата аба ырайы

1626
(жаңыланган 19:53 22.05.2020)
Апта ичинде бийик тоолуу аймактарда жана тоо этектеринде күн жаанчыл болуп, карга айланышы мүмкүн.

БИШКЕК, 29-мар. — Sputnik. Кыргызгидромет агенттиги бир аптага карата аба ырайынын божомолун таратты.

Апта ичинде бийик тоолуу аймактарда жана тоо этектеринде күн жаанчыл болуп, карга айланышы мүмкүн.

29-мартта түнкүсүн Ысык-Көл, Нарын облустарынын көпчүлүк аймактарында, Чүй, Ош, Жалал-Абад облустарынын кээ бир райондорунда жаан, тоолуу райондордо кар жаашы күтүлөт. Батыштан соккон шамалдын ылдамдыгы секундасына 4-9 метрге жетет.

30-мартта өлкө боюнча жаан-чачын күтүлбөйт.

31-март күнү Кыргызстандын түштүгүндөгү тоолуу райондордо кар жаашы мүмкүн. Бул аймактарда жолдор тайгак болот. Шамалдын багыты өзгөрүлүп турат.

1-апрелде түнкүсүн көпчүлүк тоолуу райондордо карга айланган жаан жаашы ыктымал. Дыйканчылык аймактарда кургак болот.

2-апрель күнү мезгил-мезгили менен жаан, тоолуу райондордо кар жаап, Чүй, Ош, Жалал-Абад, Баткен облустарында жаан-чачын катуулайт.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетиши күтүлүүдө.

1626
Белгилер:
апта, аба ырайы, Кыргызстан
Тема боюнча
Адаттан тыш ысык болобу? Апрель айына карата аба ырайы
Биометрикалык паспорт. Архивдик сүрөт

Географияны мыкты билген үй-жайсыз Кайрат паспорт алды

89
(жаңыланган 23:44 28.05.2020)
Паспорт алган жаран ал үчүн документ алуу өтө маанилүү экенин айткан. Эми ал жумуш табуу мүмкүнчүлүгүнө ээ болду.

БИШКЕК, 28-май — Sputnik. Социалдык тармактарда "географияны жакшы билген үй-жайсыз адам" катары таанылган кыргызстандык Кайрат Курманалиев паспорт алды.

Анын документ алып, баарына ыраазычылык билдирген видеосу Жогорку Кеңештин депутаты Алтынбек Сулаймановдун Instagram баракчасына жарыяланды.

Кайратты белгилүү кылган видео социалдык тармактарда бир ай мурун тараган. Аны комендатуранын кызматкерлери да жардам берүү максатында издешкен. Убакыттын өтүшү менен ал сырткы келбетине, кийингенине көңүл бура баштап, интернет колдонуучулары Алтынбек Сулайманов экөөнүн түспөлдөш экенин байкашкан. Депутат да окшоштук бар экенин моюндаган.

89
Белгилер:
депутат, селсаяк, Алтынбек Сулайманов, паспорт
Тема боюнча
Өмүр бою Өзгөндө жашаган 100 жаштагы энеге биринчи ирет паспорт берилди
Медицина илимдеринин доктору Мамбет Мамакеев. Архивдик сүрөт

Мамбет Мамакеев Гиннестин рекорддор китебине кирди

380
(жаңыланган 21:49 28.05.2020)
Мамбет Мамакеев дүйнөдөгү иштеп жаткан эң улуу хирург болду. 92 жаштагы дарыгер азыр дагы операция жасайт.

БИШКЕК, 28-май — Sputnik. Медицина илимдеринин доктору Мамбет Мамакеев узакка созулган карьерасынан улам Гиннестин рекорддор китебине кирди. Бул тууралуу Китептин расмий сайтында айтылат.

"Хирургдун эң узакка созулган карьерасы 67 жыл 181 күндү түзөт. Бул көрсөткүч бишкектик Мамакеев Мамбет Мамакеевичке таандык (Кыргызстан). Маалымат 2020-жылдын 29-февралында тастыкталды", — деп айтылат билдирүүдө.

Сайтта Мамакеев медицинадагы жетишкендиги үчүн Кыргызстандын ардактуу атуулу экени да белгиленет.

Мамбет Мамакеев 92 жашта, ушул күнгө чейин операция жасайт. 1927-жылы Ысык-Көл облусунун Кереге-Таш айылында төрөлгөн. 15 миңден ашуун операция жасап, 100 миңдей оор абалдагы бейтаптарга консультация берген. Бир нече илимий иштердин, дарылоо ыкмаларынын автору.

Айтылуу хирург 90 жашка чыкканда Sputnik Кыргызстан агенттиги кызыктуу материал даярдаган.

380
Белгилер:
карьера, операция, хирург, Гиннес китеби, Мамбет Мамакеев
Тема боюнча
Анда жапжаш кездери. Мамбет Мамакеев менен Төлөмүш Океевдин таберик сүрөтү
Мамакеев, Жумабеков эмне менен ооруйт? Атактуу дарыгерлердин эл билбеген дарты