БИШКЕК, 2-апр. — Sputnik. 3-апрелде күндүз Ысык-Көл облусунун кээ бир аймактарында жаан, тоолуу райондорунда кар жаайт. Бул тууралуу Кыргызгидромет маалымдады.
Тоолуу райондордо жолдор тайгак болот. Батыштан соккон шамалдын ылдамдыгы секундасына 4-9 метрге жетет.
Абанын температурасы Чүй өрөөнүндө +17…+22, Талас жергесинде +16...+21, Ош, Жалал-Абад, Баткен облустарында +17...+22, Ысык-Көлдө +9...+14 жана Нарын аймагында +8…+13 градус жылуу болору айтылды.
Бишкек жана Ош шаарларында жаан-чачын күтүлбөйт. Күндүн табы +18...+20 градуска чейин жогорулайт.
