БИШКЕК, 21-май. — Sputnik. 22-май, жума күнү, өлкө аймагы боюнча жаан-чачын күтүлбөйт. Бул тууралуу Кыргызгидромет маалымдады.
Ысык-Көл облусунда батыштан соккон шамалдын ылдамдыгы секундасына 4-9 метрге жетет. Ал эми калган аймактарда түштүк-чыгыштан соккон шамалдын ылдамдыгы секундасына 5-10 метрге чейин жетиши күтүлөт.
Абанын температурасы Чүйдө +24…+29, Таласта +23…+28, Ош, Баткен, Жалал-Абад облустарында +26…+31, Ысык-Көлдө +17…+22 жана Нарын жергесинде +19…+24 градус жылуу болору айтылды.
Ал эми Бишкек шаарында күндүн табы +26…+28 градуска дейре жетсе, Ошто термометрдин көрсөткүчү +28…+30 градуска чейин көтөрүлөт.
