Жамгырда бараткан киши кол чатыр менен. Архивдик сүрөт

Дем алышта күн кандай болот? Кыргызгидрометтин билдирүүсү

274
Бишкекте 6-июнда күндүз жана 7-июнда түнкүсүн жаан жаап, күндүз күн ачылат. Абанын температурасы 28 градуска чейин ысый турганы божомолдонду.

БИШКЕК, 4-июн. — Sputnik. Дем алыш күндөрү өлкөнүн айрым аймактарында күн ачык болсо, кээ бир жеринде жамгыр жаашы ыктымал. Бул тууралуу Кыргызгидрометтен кабарлашты.

Ишемби күнү, 6-июнда, Талас, Баткен облустарынан башка аймактарда күн күркүрөп, жаан жаашы мүмкүн. Чүй, Талас облустарында абанын температурасы түнкүсүн 13...18 градус болсо, күндүз 28 градуска чейин жылуу болушу божомолдонууда. Ош, Жалал-Абад, Баткен облустарында түнкүсүн 17...22 градус, ал эми күндүз 30...35 градуска чейин ысыйт. Ысык-Көл менен Нарында түнкүсүн 10...13 градус, күндүз 25 градуска чейин жылуу болору айтылды.

Жекшемби күнү, 7-июнда, түнкүсүн жаан жаап, күндүз күн ачылары күтүлүүдө. Чүй, Таласта түнкүсүн абанын температурасы 13...15 градус, күндүзү 22...27 градус жылуу болот. Ош, Жалал-Абад, Баткен облустарында 13...18, күндүзү 33 градуска чейин ысык болушу ыктымал. Нарын жана Ысык-Көл аймактарында түнкүсүн 8...13, күндүз 17...22 градус жылый турганы маалым болду.

Ал эми Бишкекте 6-июнда күндүз жана 7-июнда түнкүсүн жаан жаап, жекшемби күндүз күн ачылат. Абанын температурасы 28 градуска чейин ысый турганы божомолдонду.

274
Белгилер:
жаан, ишембилик, аба ырайы, Кыргызгидромет, Кыргызстан
Тема боюнча
Кар жаткан ашууда электриктер үч күн иштеп, бузулган линияны оңдоду. Сүрөт
Мээ кайнаткан ысык башталдыбы? Бир жумага карата аба ырайы
Саргарган дарактар. Архив

Бейшембиге карата аба ырайы

24
Бейшембиге караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

БИШКЕК, 21-окт. — Sputnik. Бейшемби күнү, 22-октябрда, күндүз Чүй, Талас, Жалал-Абад облустарынын кээ бир райондорунда жаан, тоо этектеринде жамгыр, тоолуу жерлеринде кар жаайт. Өрөөндөрдө жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй менен Таласта +12...+17, Ош, Жалал-Абад облустарында +18...+23, Баткенде +17...+22, ал эми Ысык-Көл, Нарын жергесинде +11...+16 градус болот.

Бишкекте күндүн экинчи жарымында бир аз жаан жааса, ал эми Ошто күн ачык болот. Абанын температурасы борборубузда +15...+17, Ошто +21...+23 градуска көтөрүлөт.

24
Белгилер:
Кыргызстан, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт
Айыл чарба, тамак-аш, өнөр жайы жана мелиорация министрлигине талапкер Тилек Токтогазиев. Архив

ЖК депутаттары Тилек Токтогазиевди айыл чарба министри кылып бекитти

489
(жаңыланган 19:26 21.10.2020)
Токтогазиевдин талапкерлиги бул кызматка былтыр дагы көрсөтүлүп, коомчулуктан колдоо тапкан. Бирок анда өкмөт сунушту четке кагып койгон.

БИШКЕК, 21-окт. — Sputnik. Парламент айыл чарба, тамак-аш өнөр жайы жана мелиорация министри кызматына Тилек Токтогазиевдин талапкерлигин жактырды.

Анын талапкерлигин кароо учурунда кээ бир эл өкүлдөрү буга чейин мамлекеттик кызматта иштебегенин сынга алышты. Бирок башкалары анын менеджерлик сапатын белгилеп, жаштыгына жана дилгирлигине маани беришти.

Токтогазиев суроолорго жооп берип жатып аны министрлик кызматка премьер-министр Садыр Жапаров өзү чакырганын айтты.

Натыйжада анын талапкерлигин депутаттардын баары бир добуштан колдоп беришти.

Тилек Токтогазиев 30 жашта. Парламенттик шайлоодо "Ата Мекен" партиясынын тизмеси менен жарышка аттанган. Шайлоодон кийинки башалмандык учурунда "Ала-Тоо" аянтында башына таш тийип, ооруканага түшкөн.

Аялы үчүн бай болуп, журналистти коркутуп... Тилек Токтогазиев тууралуу 9 факты

Мурдагы министр Эркинбек Чодуев бүгүн, 21-октябрда, өз арызын жазып кызматтан кеткен. Ал өлкөнүн айыл чарба тармагын 2019-жылдын май айынан бери жетектеп келген.

Андан мурунку министр Нурбек Мурашев кызматтан алынгандан кийин да бул кызматка Тилек Токтогазиев өз талапкерлигин көрсөтүп, реформа жүргүзүү убадасы менен коомчулуктан колдоо тапкан. Жаш талапкерди "Бир Бол" фракциясы да колдоп, өкмөт башчыга сунуштаган болчу. Бирок өкмөт тажрыйбасы жетишсиз деп сунушту четке кагып, Чодуевди алып келген. Эми минтип кайра Токтогазиев дайындалууда.

489
Белгилер:
дайындоо, Айыл чарба жана мелиорация министрлиги, Тилек Токтогазиев
Тема боюнча
Парламент Курманкул Зулушевди башкы прокурор кылып бекитти
Пирназаров "Унаа" ишканасынын башчылыгынан кетип, ордун Түмөнбаев ээледи