Премьер-министр Кубатбек Боронов. Архивдик сүрөт

Бет капсыз сүрөткө түшкөн өкмөт. Боронов кечирим сурап, айып пул төлөчүлөрдү атады

462
(жаңыланган 16:59 19.06.2020)
Өкмөт башчы бет капсыз сүрөткө түшүү өкмөттүн алты айдагы жумушуна көлөкө түшүргөнүн айтып, коомчулук туура сындаганын кошумчалаган. Ошондой эле ал кыргызстандыктардан кечирим сураган.

БИШКЕК, 19-июн. — Sputnik. Премьер-министр Кубатбек Боронов жакында эле өкмөт үйүнүн алдында тартылган сүрөт боюнча түшүндүрмө берди. Бул тууралуу өкмөттүн маалымат кызматы билдирди.

Эске салсак, 17-июнда Абылгазиев кызматын өткөрүп берген. Аны чогуу иштешкен кесиптештери узатып, соңунда мурдагы, азыркы премьер-министр баштаган өкмөт мүчөлөрү жалпы сүрөткө түшкөн. Сүрөткө болжол менен 100дөн ашык киши, эч кандай бет кабы жок эле тартылган. Ал социалдык тармакта кайчы пикир, нааразычылыктарды жараткан.

"Ошол күнү Жогорку Кеңеш мени премьер-министрликке жана өкмөттүн курамын бекиткен. Парламент жыйынына катышкандан кийин өкмөт үйүнө жумушка барып, фракция лидерлери жана президенттик аппараттын жетекчиси менен премьер-министрдин иш бөлмөсүнө кирдик. Алар кеткенден кийин Мухаммедкалый Дүйшекеевич экөөбүз документтерди карап, жумуш тууралуу бир аз сүйлөштүк. Андан кийин мурдагы экс-премьер-министрди узатуу үчүн сыртка чыгуубузду өтүнүштү. Коридордо өкмөт аппаратынын бир топ кызматкери туруптур. Алардын баары бет капчан болчу. Андан кийин чогуу сүрөткө түшүүнү жана бет капты ала турууну суранышты. Ошол учурда ага маани бербептирмин, азыр өкүнүп жатам", — деди Боронов.

Ал бет капсыз сүрөткө түшүү өкмөттүн алты айдагы жумушуна көлөкө түшүргөнүн айтып, коомчулук туура сындаганын кошумчалаган. Ошондой эле өкмөт башчы кыргызстандыктардан кечирим сураган.

"Коопсуздук кеңеши сунуш берип, биз мындай чечимге келдик. Мыйзамга ылайык, өзүм баш болуп, вице-премьерлер, аппарат жетекчиси жана мурдагы премьер-министр айып пул төлөшөт. Аппарат кызматкерлерине айып пул салынбайт. Анткени аларды иш учурунда бөлүм башчылары экс-премьерди узатууга чакырышкан. Ошондуктан алар жазаланышпайт. Өкмөттүн аппаратынын кызматкерлери жумушта бет кап тагынып жүрүшөт деп ишендирип кетем. Дагы бир жолу кечирим сурайм", — деген өкмөт башчы.

Боронов тартылган түзүмдөр коронавирус менен күрөшүүнү улантарын эскертип, жарандардан бет кап тагынып, аралык сактоону өтүндү.

462
Белгилер:
Сүрөт, айып пул, суроо, кечирим, Кубатбек Боронов, Кыргызстан
Тема боюнча
Боронов кызматка отурду, Абылгазиевди өкмөт аппараты кол чаап узатты. Видео
Коронавирус кырдаалы: Жээнбеков жергиликтүү бийликтин жоопкерчилигин күчөттү
Блок-посттогу ИИМ кызматкерлери. Архив

Баткенде бүгүн киргизилген катуу чектөөлөр кайрадан алынды

24
(жаңыланган 21:45 28.09.2020)
Акыркы күндөрү Кыргызстанда COVID-19 жуктуруп алгандардын саны кайра арбып кетти. Алардын көбү Баткен облусунан чыгууда.

БИШКЕК, 28-сен. — Sputnik. Баткен облусунда курчуган эпидемиологиялык кырдаалдан улам бүгүн киргизилген бир нече чектөөлөр бир сутка өтпөй жоюлуп, республикалык штаб бир нече тармактын иштөөсүнө кайра уруксат берди. Бул тууралуу аталган штаб кабарлады.

28-сентябрда эпидемиологиялык кырдаалга байланыштуу кабыл алынган чечимдер, республикалык штабдын тапшырмасы менен кайрадан каралып чыккан.

Эске салсак, бүгүн Баткенде облустар жана райондор аралык, ошондой эле райондук, шаардык ички коомдук транспорттун каттамы убактылуу токтотулган. Мал базарлардын иштебей, мечиттерде жамаат менен жума намаздарын окулбай турганы айтылган эле.

Соңку суткада коронавирустан Ош облусунда бир адам көз жумду

"Анда жер-жерлерде, райондук администрация жана шаардык мэрияларга кайрылган коомдук транспорттун айдоочуларынын жана жергиликтүү тургундардын кабыл алынган чектөөлөр, алардын турмуш шартына түздөн-түз таасир этери айтылган. Коомдук транспорттун, мал базарларын жана мечиттердин кадимки нукта иштөөсүнө уруксат сурап, бардык санитардык талаптарды сактай тургандыктарын айтып кайрылган сунуштары эске алынды", — деп жазылган маалыматта.

Мындан улам облустук штаб маселени кайра карап чыгып, санитардык талаптарды сактоо менен иштөөгө уруксат берген.

"Бирок облуста катуу көзөмөлдөгү бет кап режими жана той-аштарга болгон чектөөлөр күчүндө калды. Ал эми базарларда, соода борборлорунда, дүкөндөрдө, тамактануучу жайларда, коомдук жайларда санитардык талаптардын аткарылышы боюнча күн сайын рейд жана дезинфекциялоо иштери жүрөт, баш ийбегендерге мыйзам чегинде чара көрүлөт", — деп билдиришти штабдан.

Вирус күчөп бараткан Баткендин экинчи толкунга даярдыгы кандай

Акыркы күндөрү Кыргызстанда COVID-19 жуктуруп алгандардын саны кайра арбып кетти. Бүгүн, 28-сентябрга карата, 104 кишиден вирус табылды.

24
Белгилер:
чектөө, коронавирус, Баткен облусу, Кыргызстан
Тема:
Коронавируска байланыштуу Кыргызстандагы кырдаал
Тема боюнча
КРде бир нече аптадан бери алгачкы өлүм катталды. COVID боюнча статистика
Баткенде санитардык талаптарды аткарбагандарга айып салынды. Арасында 9 мамкызматкер бар
Чу дарыясы. Архивдик сүрөт

Шейшембиге карата аба ырайы

9
(жаңыланган 21:01 28.09.2020)
Шейшембиге караган түнү Ысык-Көл, Ош, Баткен облустарынын тоо этектеринде жамгыр, тоолуу райондорунда кар жаашы күтүлөт.

БИШКЕК, 28-сен. — Sputnik. Шейшемби күнү, 29-сентябрда, күндүз Баткен облусунун кээ бир райондорунда, Ош, Жалал-Абад облустарынын тоо этектеринде жаан жаап, тоолуу райондорунда кар түшөт. Ал эми өрөөндөрүндө жаан-чачын күтүлбөйт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Кар жаап, суук түшөбү? Бир жумага карата аба ырайы

Абанын температурасы Чүйдө +15...+20, Талас, Нарын жана Ысык-Көл аймактарында +14...+19, Ош, Жалал-Абад, Баткен облустарында +16...+21 градус болору айтылды.

Күндүн табы борбор калаабыз Бишкекте +18...+20, Ош шаарында +19...+21 градус жылыйт.

9
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы