Мектеп бүтүрүүчүлөрү. Архивдик сүрөт

Бүтүрүүчүлөр окуу жайларга онлайн тапшырмай болду

182
(жаңыланган 13:03 08.07.2020)
Бүтүрүүчүлөр үчүн атайын "Абитуриент Online" деп аталган автоматташтырылган маалыматтык система иштелип чыкты.

БИШКЕК, 8-июл. — Sputnik. 2020-2021-окуу жылында жогорку жана кесиптик окуу жайларга кабыл алуу толугу менен онлайн түрүндө жүргүзүлөт. Бул тууралуу билим берүү жана илим министринин орун басары Надира Жусупбекова брифинг учурунда маалымдады.

Анын айтымында, бүтүрүүчүлөр үчүн атайын "Абитуриент Online" аттуу автоматташтырылган маалыматтык система иштелип чыкты.

Россиянын ЖОЖдоруна тапшыруу да, окуу да өз маалында башталат. Жол-жобосу

"Урматтуу ата-энелер жана бүтүрүүчүлөр, окууга тапшырабыз деп эч кимиңиздер ЖОЖ, кесиптик окуу жайларына барбагыла! Бардыгы онлайн түрүндө болот. Эгерде онлайн-окууга тапшырууда маселе жарала турган болсо же интернет жок болсо, билим алган мектептерге кайрылсаңыздар болот. Алар бардык суроолорго жооп берип, интернет менен камсыз кылат. Бирок мектепке топтошуп барууга тыюу салынат", — деди Жусупбекова.

Онлайн-системанын негизги максаты — пандемия учурунда жарандардын коопсуздугун сактоо жана бардык абитуриенттерге бирдей шарт түзүү.

Министрдин орун басары окуу жайларга тапшырууда маселе жаралып, суроолор пайда болсо 1919 кыска номерине чалууну өтүндү.

182
Белгилер:
билим берүү, ата-эне, бүтүрүүчү, окуу жай
Тема:
Коронавируска байланыштуу Кыргызстандагы кырдаал (2223)
Тема боюнча
Россиянын ЖОЖдоруна тапшыруу да, окуу да өз маалында башталат. Жол-жобосу
Жогорку окуу жайлар бүтүрүүчүлөр үчүн 20-июлдан тарта эшигин ачат
Бишкектин Жал микрорайонуна асмандан көрүнүш. Архивдик сүрөт

Дүйшөмбүгө карата аба ырайы

44
Синоптиктер 21-сентябрда жаан-чачын болбой турганын маалымдашты. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 20-сен. — Sputnik. Дүйшөмбү күнү, 21-сентябрда, күндүз республика боюнча күн ачык болот. Бул тууралуу Кыргызгидромет билдирди.

Күн сууктайбы? Бир жумага карата аба ырайы

Абанын температурасы Чүй өрөөнүндө +22...+27, Таласта +20…+25, Ош, Жалал-Абад, Баткен облустарында +24...+29, Ысык-Көлдө +16...+21 жана Нарын жергесинде +17...+22 градус жылыйт.

Күндүн табы борборубузда +24...+26, Ошто +25...+27 градуска көтөрүлөт.

44
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы
Бишкек шаардык санитардык-эпидемиологиялык көзөмөлдөө борборунун эпидемиолог-дарыгери Рысгүл Чыналиева

Чыналиева: эми деле адамдар коронавируска массалык түрдө чалдыгышы мүмкүн

96
(жаңыланган 20:59 20.09.2020)
Бишкек шаардык санитардык-эпидемиологиялык көзөмөлдөө борборунун эпидемиолог-дарыгери Рысгүл Чыналиева коронавируска чалдыккандар азайганы менен санитардык эрежелерди так сактоо зарылдыгы курч экенин айтты.
Чыналиева: эми деле адамдар коронавируска массалык түрдө чалдыгышы мүмкүн

Коронавирус аба аркылуу жуккан оору болгондуктан, күзүндө да адамдардын массалык түрдө ага кабылуу коркунучу турат. Себеби биз санитардык эрежелерге кайдыгер мамиле кылуудабыз. Бул тууралуу Рысгүл Чыналиева Sputnik Кыргызстан радиосунун эфиринде маек куруп жатып билдирди.

Өлгөндөр миллионго жетип... БУУ COVID көзөмөлдөн чыгып бара жатканын айтты

Анын айтымында, адистер коронавирустун экинчи толкуну өлкөдө сасык тумоо менен кошо келиши мүмкүндүгүн божомолдоп жатышат. Бул октябрь айынын соңуна туура келет.

"Дүйнө жүзү боюнча бул вирустун экинчи толкуну күтүлүп жатат. Айрым мамлекеттер учурда башынан өткөрүүдө. Кыргызстанда да күзгү сезондук грипп, сасык тумоо менен кошо вирус кайрадан күчөшү мүмкүн деген божомол бар. Бул жолкусу деле биз үчүн жайындагыдай коркунучтуу болушу толук ыктымал. Анткени азыр коронавируска чалдыккандардын саны бир аз төмөндөгөндө эпидемиологиялык эрежелерди такыр эле сактабай калдык. Мындай кайдыгерлик аба аркылуу жуккан оорунун тез тарап, бир убакта көп адамга жугуп кетүүсүн шартташы ыктымал. Дарыгерлер болгон аракетин жумшап, сыгып алма суу болсо да коргонуучу костюмдарын сааттап чечпей улут саламаттыгы үчүн күрөшүп жүрүшөт. Коомчулук да өз ден соолугунун жоопкерчилигин алып, эл көп чогулган жайларда бет кап тагынып, желим кол кап кийип, антисептиктерди колдонуп жүрүшү керек", — деди Чыналиева.

Дарыгер кызматкерлер чогулуп иштеген мекемелерде да күндө скрининг жүрүп турса туура болорун кошумчалады.

96
Белгилер:
жоопкерчилик, күз, коронавирус
Тема боюнча
Баланын алаканы менен таманы шишийт. Кавасаки синдрому тууралуу эмне билүү керек
(NaN:NaN / NaNMb / )

Кыргызстандык кыз катышкан "Ты супер!" шоусу. Түз алып берүү

69
Sputnik эл аралык агенттиги жана радиосу менен НТВ телеканалынын биргелешкен долбоорунун биринчи чыгарылышына күбө болуңуздар.

"Ты — супер!" шоусу — НТВ телеканалы менен Sputnik эл аралык агенттиги жана радиосунун ири долбоору. Ага КМШнын аймагындагы вокалдык таланты бар балдар катышат. Бүгүн мызкалык конкурстун төртүнчү сезону башталып, анда Кыргызстандын атынан 18 жаштагы Карина Амринова ат салышууда.

"Ты — супер!" сынагына катышкан Карина Амринова: ар бир ырым апама арналат

Долбоордун максаты ата-энесиз калган жаш өнөрпоздорго мүмкүнчүлүк берүү болуп саналат.

69
Белгилер:
"Ты – супер" балдар долбоору, вокал, музыка, долбоорлор, Карина Амринова
Тема боюнча
"Ты супер!" финалына чыккан балдар үйлүү болушту. Ыйлаткан видео
Тывалык бала "Ты супер" сынагында өзгөчө үнү менен калыстарды таң калтырды