Аңчылыкка чыккан киши. Архивдик сүрөт

Тоо эчки, элик, бөдөнө... Өлкөдө аңчылык сезону ачылды

135
(жаңыланган 08:31 11.08.2020)
Токой чарба агенттиги аң уулоонун мөөнөтү чектелүү экенин айткан. Тагыраагы, тоо эчки, элик жана каманды кастарлоо зарыл.

БИШКЕК, 11-авг. — Sputnik. Кыргызстанда бир катар жапайы жан-жаныбарга аңчылык кылууга уруксат берилгенин Айлана-чөйрөнү коргоо жана токой чарба мамлекеттик агенттигинин маалымат кызматы кабарлады.

Ага ылайык, туяктуу жапайы жаныбарларга — тоо эчки, элик, каман, ошондой эле бөдөнө, көгүчкөн жана бактекке августтун экинчи дем алышынан тарта декабрдын биринчи дем алышына чейин аңчылык кылса болот. Бирок мунун арасынан эликтин сезону октябрдын этегинде бүтөрү эскертилди.

Адистер Кыргызстандагы суурлардын санын тактап чыкты

Ошондой эле токой чарба агенттиги аңчылыкка уруксат берилген айрым жаныбарлардын саны чектелүү экенин айткан. Тагыраагы, бир сезондо тоо эчки 700 баш, элик 120 баш жана каман 60 башка чейин атылышы керек.

"Бул иш туяктуу жапайы жаныбарлардын ресурстарын сарамжалдуу пайдалануу жана коргоо, аларга Кыргызстандын аймагында мергенчилик кылууну иреттештирүү жана көбөйтүү үчүн жүргүзүлүп жатат", — деп айтылат маалыматта.

Учурда Кыргызстанда байырлаган тоо эчкилердин саны 46 миң 161, элик 4 760 жана каман үч миң баштан ашары айтылат. Мындан тышкары, Кыргызстандын Кызыл китебине киргизилген аркардын Марко Поло, Тянь-Шань жана Северцев деген үч түрү бар. Алардын жалпы саны 16 миңден көбүрөөк.

135
Белгилер:
Кыргызстан, аң уулоо, сезон, жаныбарлар, эчки, элик, бөдөнө, каман
Тема боюнча
Жумгалдын токойлоруна өсүмдүктүн түрүн өстүрүү тапшырмасы берилди. Сүрөт
Россия-казак чек арасындагы өткөрмө бекетте чек арачы. Архив

Россияга товарларды Казакстан аркылуу ташуу. Жаңы эреже макулдашылды

333
(жаңыланган 23:13 25.10.2021)
Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

БИШКЕК, 25-окт. — Sputnik. Кыргызстан менен Казакстан Россияга коңшу мамлекет (Казакстан) аркылуу товар жөнөтүү боюнча жаңы эрежени сүйлөштү.

Экономика жана коммерция министрлигинин маалыматына караганда, 22-октябрда Кыргызстандан Казакстан менен Россияга барган жана ал жактан келген товар менен автоунааларга мониторинг жүргүзүү боюнча пилоттук долбоорду өткөрүү тартибине кол коюлган.

Министрдин орун басары Эльдар Алишеров бизнес-ассоциациялардын өкүлдөрү жана жүк ташуучулар менен жолугуп, бул эрежеде эл аралык жүк ташууда электрондук идентификаторлорду (навигациялык пломба) колдонуу каралгандыгын белгилеген.

Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

"Ошол эле учурда ата-мекендик экспортчулар сөзсүз түрдө экспорттук операция боюнча эсеп-фактураларын (ЭСФ) алып жүрүшү керек. Эгерде чек арадан өтөрдө ЭСФ жок болсо, Казакстандын Финансы министрлиги жүк ташуучу автоунааларды кайра Кыргызстанга жиберүүгө укуктуу", — деп жазылган маалыматта.

Казак тарап өлкө аймагына автоунааларды киргизүүдө жүк ташуучу унааларды текшербей эле аларга навигациялык пломбаларды орнотуп коёру кошумчаланды. Алишеровдун айтымында, Кыргызстандан Казакстанга барчу жүк ташуучу автоунаалар эреже бузса, барчу жерине жеткенде кошумча көзөмөлдөн өтөт.

333
Белгилер:
Кыргызстан, Казакстан, жүк ташуучу унаа, Россия, эреже
Тема боюнча
Кошумча нарк салыгы былтыркыдан 10 млрд. сомго арбын чогулду. Себеби
Тартыштык 9,1 миллиард сом. Кыргызстандын 2022-жылга карата бюджетинин божомолу
Түнкү Бишкек. Архив

Бишкекте бир нече район жарыксыз калды

103
(жаңыланган 21:23 25.10.2021)
Буга чейин "Бишкек сегодня" Telegram тайпасындагылар электр жарыгы жок отурганын айтып нааразы болушкан.

БИШКЕК, 25-окт. — Sputnik. Бишкекте авариялык өчүрүү болуп, 6-11-кичи райондору жана Жумушчулар шаарчасы жарыксыз калды. Бул тууралуу Sputnik Кыргызстан агенттигине "Түндүк электр" ишканасынын маалымат кызматы билдирди.

Буга чейин "Бишкек сегодня" Telegram тайпасындагылар электр жарыгы жок отурганын айтышкан.

"Авариялык өчүрүү Абдыкалыков подстанциясында болжол менен саат 19:30да болгон", — деп айтылат маалыматта.

"Түндүк электр" ишканасы азыркы тапта абоненттердин линиялары башка чубалгыларга кошулуп жатканын белгиледи.

Ал эми Жумушчулар шаарчасында бригада күндүз эле кабелдик чубалгы бузулганын билишкен. Бирок азыр дагы бирөөсүн издеп жатышат. Энергетиктер маселени тезирээк чечүү үчүн болгон аракетин көрүп жатканы кошумчаланды.

103
Белгилер:
Бишкек, электр жарыгы, оңдоо
Тема боюнча
Садыр Жапаров Кыргызстан качан энергетикалык кризистен чыгарын айтты
26-октябрда Бишкектин кайсы бөлүктөрүндө жарык өчөт? Тизме