Жайлоого тигилген боз үйлөр. Архивдик сүрөт

Тоолуу жерлерде кар жаайт. Бир жумага карата аба ырайы

2604
(жаңыланган 09:53 16.08.2020)
Узап бараткан апта дагы жаан-чачындуу болду. Алдыдагы жумада жаан токтобой, тоолуу райондордо кар жаашы мүмкүндүгү айтылды.

БИШКЕК, 16-авг. — Sputnik. Кыргызгидромет агенттиги келерки аптага карата аба ырайынын божомолу тууралуу маалымат таратты.

Билдирмеге ылайык, бул жума дагы айрым аймактарда жаан-чачын токтобойт.

Бишкекте 18-август күнү күндүз жана 19-августта түнкүсүн жаан жаап, күн күркүрөшү ыктымал. Калган убактарда күн ачык болот.

Жалал-Абад, Баткен жана Ош облустарында жуманын ортосуна чейин жаан жааса, 19-20-августта Оштун көпчүлүк аймактарында, Жалал-Абад, Баткен облустарынын бийик тоолуу райондорунда кар жаашы күтүлөт.

Ал эми Ысык-Көлдө дүйшөмбү жана шейшемби күндөрү кээ бир аймактарда өткүн өтүп, күн күркүрөй турганы айтылды. Шаршемби жана шейшемби күндөрү бийик тоолуу райондордо кар жаап, айрым жерлерде жаан-чачын катуу жаашы мүмкүн.

Жүрөктүн үшүн алган сел Арсланбап айылын каптады. Видео

Нарында жуманын алгачкы эки күнүндө айрым аймактарда өткүн өтсө, андан кийинки үч күн дагы жаан-чачын менен коштолуп, бийик тоолуу райондордо кар жаашы күтүлүп жатканы айтылды.

Ал эми 21-августта түнкүсүн тоолуу райондордо өткүн өтүп, күн күркүрөшү күтүлөт. 21-августта күндүз жана 22-августта Ысык-Көл, Нарын облустарынын кээ бир аймактарында, Чүй, Ош, Жалал-Абад облустарынын тоолуу райондорунда өткүн өтөт.

2604
Белгилер:
кар, жаан, аба ырайы, Кыргызгидромет
Тема боюнча
Чагылган тийүүдөн кантип сактануу керек. Адистердин кеңеши
Саргарган дарактар. Архив

Бейшембиге карата аба ырайы

19
Бейшембиге караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

БИШКЕК, 21-окт. — Sputnik. Бейшемби күнү, 22-октябрда, күндүз Чүй, Талас, Жалал-Абад облустарынын кээ бир райондорунда жаан, тоо этектеринде жамгыр, тоолуу жерлеринде кар жаайт. Өрөөндөрдө жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй менен Таласта +12...+17, Ош, Жалал-Абад облустарында +18...+23, Баткенде +17...+22, ал эми Ысык-Көл, Нарын жергесинде +11...+16 градус болот.

Бишкекте күндүн экинчи жарымында бир аз жаан жааса, ал эми Ошто күн ачык болот. Абанын температурасы борборубузда +15...+17, Ошто +21...+23 градуска көтөрүлөт.

19
Белгилер:
Кыргызстан, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт
Айыл чарба, тамак-аш, өнөр жайы жана мелиорация министрлигине талапкер Тилек Токтогазиев. Архив

ЖК депутаттары Тилек Токтогазиевди айыл чарба министри кылып бекитти

450
(жаңыланган 19:26 21.10.2020)
Токтогазиевдин талапкерлиги бул кызматка былтыр дагы көрсөтүлүп, коомчулуктан колдоо тапкан. Бирок анда өкмөт сунушту четке кагып койгон.

БИШКЕК, 21-окт. — Sputnik. Парламент айыл чарба, тамак-аш өнөр жайы жана мелиорация министри кызматына Тилек Токтогазиевдин талапкерлигин жактырды.

Анын талапкерлигин кароо учурунда кээ бир эл өкүлдөрү буга чейин мамлекеттик кызматта иштебегенин сынга алышты. Бирок башкалары анын менеджерлик сапатын белгилеп, жаштыгына жана дилгирлигине маани беришти.

Токтогазиев суроолорго жооп берип жатып аны министрлик кызматка премьер-министр Садыр Жапаров өзү чакырганын айтты.

Натыйжада анын талапкерлигин депутаттардын баары бир добуштан колдоп беришти.

Тилек Токтогазиев 30 жашта. Парламенттик шайлоодо "Ата Мекен" партиясынын тизмеси менен жарышка аттанган. Шайлоодон кийинки башалмандык учурунда "Ала-Тоо" аянтында башына таш тийип, ооруканага түшкөн.

Аялы үчүн бай болуп, журналистти коркутуп... Тилек Токтогазиев тууралуу 9 факты

Мурдагы министр Эркинбек Чодуев бүгүн, 21-октябрда, өз арызын жазып кызматтан кеткен. Ал өлкөнүн айыл чарба тармагын 2019-жылдын май айынан бери жетектеп келген.

Андан мурунку министр Нурбек Мурашев кызматтан алынгандан кийин да бул кызматка Тилек Токтогазиев өз талапкерлигин көрсөтүп, реформа жүргүзүү убадасы менен коомчулуктан колдоо тапкан. Жаш талапкерди "Бир Бол" фракциясы да колдоп, өкмөт башчыга сунуштаган болчу. Бирок өкмөт тажрыйбасы жетишсиз деп сунушту четке кагып, Чодуевди алып келген. Эми минтип кайра Токтогазиев дайындалууда.

450
Белгилер:
дайындоо, Айыл чарба жана мелиорация министрлиги, Тилек Токтогазиев
Тема боюнча
Парламент Курманкул Зулушевди башкы прокурор кылып бекитти
Пирназаров "Унаа" ишканасынын башчылыгынан кетип, ордун Түмөнбаев ээледи