Жамгырда жайлоодо бараткан атчан. Архивдик сүрөт

Бейшембиге карата аба ырайы

102
(жаңыланган 21:01 02.09.2020)
Түнкүсүн республиканын көпчүлүк аймактарында жамгыр жаап, күн күркүрөп, бийик тоолуу райондордо кар жаашы күтүлөт.

БИШКЕК, 2-сен. — Sputnik. Бейшемби күнү эртең менен жана күндүз көпчүлүк аймактарда мезгил-мезгили менен жамгыр жаап, күн күркүрөп, бийик тоолуу райондорго кар түшөт. Айрым аймактарда жаан-чачын катуу жаашы мүмкүн. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

Баткенде күчү 4 баллга жеткен жер титирөө катталды

Абанын температурасы Чүйдө +22…+27, Талас өрөөнүндө +21…+26, Ош, Баткен жана Жалал-Абад облустарында +24…+29, ал эми Ысык-Көл менен Нарын аймагында +14…+19 градус болору болжолдонду.

Бишкек, Ош шаарларында эртең менен жана күндүз жамгыр жаап, күн күркүрөйт. Күндүн табы борбор калаада +24...+26, Ошто +26...+28 градуска жетет.

102
Белгилер:
Кыргызстан, аба ырайы
Тема боюнча
Суук түшпөйбү? Күздүн биринчи айы сентябрга карата аба ырайы
Тышкы иштер министри Чыңгыз Айдарбеков

Айдарбеков Улуу жана Кичи Памирдеги кыргыздар боюнча афган кесиптеши менен сүйлөштү

20
Боордошторго байланышкан долбоорлордон тышкары эки аткаминер инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышкан.

БИШКЕК, 1-окт. — Sputnik. Тышкы иштер министри Чыңгыз Айдарбеков афганистандык кесиптеши Мохаммад Ханиф Атмар менен видеобайланыш аркылуу сүйлөшкөнүн ТИМдин маалымат кызматы билдирди.

Сүйлөшүүнүн жүрүшүндө кыргыз-афган мамилелеринин күн тартибинин актуалдуу маселелери, анын ичинде Улуу жана Кичи Памирдеги афган кыргыздарын колдоо боюнча долбоорлор талкууланды. Андан тышкары, тараптар инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышты.

ТИМ: Вандык кыргыздар Түркиядагы Кыргызстандын элчисине ыраазычылык билдирди

Айдарбеков 2020-жылдын сентябрында Доха шаарында башталган элдешүү процессин колдой турганын, ошондой эле Афганистанда тынчтыктын орношу үчүн жана бүтүндөй региондук коопсуздукту бекемдөө максатында ал процесстин ишке ашарына үмүт артарын билдирди.

20
Белгилер:
мамиле, Афганистан, Чыңгыз Айдарбеков, Памир кыргыздары
Тема боюнча
Бутумду кучактап "кыргызга салам айт" деп ыйлаган кандаш. Афганчылардын баяны
Жалбырак. Архив

Жумага карата аба ырайы

45
(жаңыланган 21:03 01.10.2020)
Жумага караган түнү Жалал-Абад облусунун айрым тоо этектеринде жаан, тоолуу райондорунда кар жаашы күтүлөт.

БИШКЕК, 1-окт. — Sputnik. Жума күнү, 2-октябрда, күндүз өлкөнүн аймактарында жамгыр, тоолуу райондордо кар жаайт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден Ысык-Көл, Нарын облустарында 15-20 метрге жетет.

Абанын температурасы Чүйдө +14...+19, Талас, Нарын жана Ысык-Көл аймактарында +12...+17, Ош, Жалал-Абад, Баткен облустарында +16...+21 градус болору айтылды.

Бул күнү Бишкекте күн ачык болот, ал эми Ошто бир аз жамгыр жаайт. Күндүн табы борбор калаа Бишкекте жана Ош шаарында +17...+19 градуска жетет.

45
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы