Кол чатыр көтөргөн аял. Архив

Жаан карга айланат. ӨКМ шашылыш билдирүү таратты

1468
(жаңыланган 13:16 05.09.2020)
Батыштан соккон шамалдын ылдамдыгы секундасына 4-9 метрден кээ бир райондордо 17-22 метрге жетиши ыктымал.

БИШКЕК, 5-сен.— Sputnik. Өзгөчө кырдаалдар министрлиги жакынкы үч күндүн ичинде аба ырайы кескин өзгөрө турганын айтып, шашылыш билдирүү таратты.

Маалым болгондой, 2020-жылдын 6-сентябрынан 8-сентябрга чейин Чүй, Жалал-Абад, Ысык-Көл, Нарын облустарынын көпчүлүк аймактарында, Талас, Ош, Баткен аймактарынын кээ бир райондорунда мезгил-мезгили менен жаан жаап, бийик тоолуу райондорунда кар жаашы күтүлүүдө.

Батыштан соккон шамалдын ылдамдыгы секундасына 4-9 метрден кээ бир райондордо 17-22 метрге жетиши ыктымал.

Бишкек — Ош жолундагы туннель 30-октябрга чейин маалы менен жабылып турат

7-сентябрь күндүз жана 8-сентябрь түнкүсүн абанын температурасы төмөндөйт:

Чүй өрөөнүндө түнкүсүн 7…12 градус, күндүз 18…23 градус жылуу болот. Ал эми тоо этектеринде түнкүсүн -1…-6 градуска чейин абанын температурасы төмөндөй турганы айтылды.

Талас өрөөнүндө түнкүсүн 4…9 градус болсо, күндүз 15…20 градуска чейин жылыйт.

Ош, Жалал-Абад, Баткен аймактарында түнкүсүн 9…14 градус, күндүз 22…27 жылуу болот. Бирок тоо этектеринде түнкүсүн -4…-9 градус суук боло турганы кошумчаланды.

Ысык-Көлдө түнкүсүн 2…7 градус, күндүз 14…19 градус жылуу болсо, Нарын облусунун дыйканчылык аймактарында түнкүсүн 1…6, күндүз 15…20 градуска чейин жылыйт.

8-сентябрда түнкүсүн Нарын облусунун дыйканчылык аймактарында жана Ысык-Көл облусунун чыгышында 0…-2 градус үшүк жүрүшү мүмкүн.

ӨКМ мындай аба ырайы айыл чарба иштерин, автоунаа, энергетика, коммуналдык кызматтардын ишин жана жайыттарда малды кармоону кыйындата турганын кошумчалады.

1468
Тема боюнча
Ак-Сай жайлоосуна малчылар жакага түшө электе кар жаап салды. Видео
Шайлоо участкасында добуш берип аткан бишкектиктер. Архивдик сүрөт

БШК: көпчүлүк “баарына каршы” добуш берсе да ушул партиялар кайра шайлоого катышат

33
(жаңыланган 11:27 20.09.2020)
Соңку убакта социалдык тармактарда азыркы партиялардын парламентке келишине бөгөт коюу максатында баарына каршы добуш берүүнү активдүү үгүттөгөндөр болууда.

БИШКЕК, 20-сен. — Sputnik. Эгер парламенттик шайлоодо “баарына каршы” графасына добуш бергендер көп болуп чыга турган болсо кайрадан ушул эле партиялар, азыркы тизмедеги талапкерлери менен шайлоого катышат алат. Бул туурасында Sputnik Кыргызстан агенттигине Борбордук шайлоо комиссиясынын мүчөсү Кайрат Осмоналиев билдирди.

Белгилей кетсек, мыйзам боюнча бир дагы партия жети пайыздык босогодон жогорку добуш ала албаса жана “баарына каршы” графасы биринчи сапка чыкса, кайрадан шайлоо өткөрүлөт.

Шайлоочу кимге добуш бергенин партиялар текшере алабы? БШКнын жообу

Соңку убакта социалдык тармактарда баарына каршы добуш берүүнө активдүү үгүттөгөндөр болууда. Алар эгер “баарына каршы” графасы биринчи орунга чыкса кайра шайлоо өтүп, азыркы партиялар ага катыша албай турганын айтып келишкен.

“Азыркы жана башка партиялар кайрадан катышууга укуктуу болот. Ошондой эле талапкерлердин тизмесин да өзгөртө алышат. Кайра шайлоо өткөрүү дайындалганда катышууну каалаган бардык партиялар арыз жазып, кайра башынан БШКдан каттоодон өтөт”, — деди Осмоналиев.

Ошондой эле ал “Президентти жана Жогорку Кеңештин депутаттарын шайлоо жөнүндө” Конституциялык мыйзамдын 38-беренесинде партияларга тиешелүү эреже жазылганын белгиледи.
Ага ылайык, кайра шайлоо өткөрүлгөн учурда, иш аракеттери шайлоону жараксыз деп таануу үчүн негиз болгон талапкерлер кайрадан шайлануучу укугуна ээ боло албайт.

Шайлоодо ат салышчу партиялардын талапкерлери. Толук тизме

Эгерде мамлекеттик бийлик, жергиликтүү өз алдынча башкаруу органдарынын, шайлоо комиссиясынын кызматкерлеринин чечимдери шайлоонун жыйынтыгын жараксыз деп тааныса, биринчи турдагы шайлоого катышкан партиялардын баары жана башкалары катыша алат.

Учурда Жогорку Кеңештин депутаты мандатын алууга 16 партия ат салышууда. Шайлоо 4-октябрга дайындалган.

33
Тема:
Шайлоо-2020
Тема боюнча
Админресурс колдонгондор кандай жазаланат? Мамкызматкерлер үчүн маалымдама
Коронавируска тест тапшыруу. Архивдик сүрөт

Коронавирус жуктургандар менен айыккандар. Кыргызстандагы соңку статистика

109
(жаңыланган 10:56 20.09.2020)
Учурда 566 бейтап ооруканада дарыгерлердин көзөмөлүндө жатат, ал эми 1762 киши үй шартында дарыланууда.

БИШКЕК, 20-сен. — Sputnik. Соңку бир сутканын ичинде коронавирус илдетинен 94 адам айыгып чыкты. Бирок ушул эле убакыттын аралыгында 81 кыргызстандык вирус жуктуруп алганы аныкталды. Бул туурасында Республикалык штабдан билдиришти.

COVID-19дан сакайып чыккандар:

  • Бишкек – 15;
  • Ош шаары – 2;
  • Чүй облусу – 18;
  • Ош облусу – 8;
  • Нарын облусу – 2;
  • Ысык-Көл облусу – 12;
  • Жалал-Абад облусу – 12;
  • Баткен облусу – 25.

Ушуну менен өлкөдө 41 578 бейтап коронавирусту жеңип чыкты.

Окумуштуулар коронавируска кабылуу коркунучун 5 эсе азайткан ыкма табышты

Бир сутка ичинде COVID-19 жуктуруп алгандар:

  • Бишкек – 10;
  • Ош – 2;
  • Чүй облусу – 5;
  • Ош облусу – 8;
  • Талас облусу – 3;
  • Ысык-Көл облусу – 14;
  • Жалал-Абад облусу – 20;
  • Баткен облусу – 19.

Пандемия башталгандар бери коронавирус илештирип алган кыргызстандыктардын саны 45 416га жетти.

Боронов: форс-мажордук абалга даяр болуп, дарыларды камдайлы

Аны менен катары кечээтен бери өлкө боюнча 9 медицина кызматкери коронавирус жуктуруп алганы тастыкталды. Ал эми 4 медик айыгып ооруканадан чыгарылды, үй карантининдеги 18 медкызматкер сакайды.

Кыргызстанда ак халатчандардын арасында 3 199 учур катталып, алардын ичинен 2 801и ооруну жеңе алган.

Өткөн сутка оорулан көз жумгандар болгон жок. Өлкөдө буга чейин COVID-19 илдетинен ажал тапкандардын саны 1 063дү түзөт.

Учурда 566 бейтап ооруканада дарыгерлердин көзөмөлүндө жатса, 1762 киши үй шартында дарыланууда.

109
Белгилер:
оорукана, медик, айыгуу, жуктуруу, статистика, Кыргызстан, коронавирус
Тема:
Коронавируска байланыштуу Кыргызстандагы кырдаал
Тема боюнча
Көнүп баратат... Коронавирус сезондук оорулардын катарын толукташы ыктымал
COVID-19дан дарылаган препараттар жүрөктү талкалашы мүмкүн. Жаңы иликтөө
Супермаркетте саткан азыктар. Архивдик сүрөт

Чөнтөккө да күч келбейт, ден соолукка да пайдалуу. Диетолог 7 азыкты санады

13
(жаңыланган 11:44 20.09.2020)
Тизмедеги пайдалуу азыктардын бири жумурткада адамга керектүү делген мультивитаминдер, минералдар, пайдалуу май жана антиоксиданттар камтылган.

БИШКЕК, 20-сен. — Sputnik. Диетолог Кристина Андерссон анча кымбат эмес жана ден соолукка пайдалуу жети азык-түлүктү санап бергенин РИА Новости Svenska Dagbladet басылмасына шилтеме берип жазды.

Дарыгер күнүмдүк тамакка пиязды колдонууну улантуу керектигин белгилеген. Анын курамында витаминдер, пайдалуу заттар бар, ошондой эле бактерициддик натыйжага ээ. Бөтөнчө кызыл пияз антиоксиданттарга бай.

Адистин айтымында, капустада организмди рактан сактай турган заттар камтылган. Ашказан оорусунан жапа чеккен адамдар бул азыкты чийки эмес, бышырылганын жеши керек.

Ал эми картошканы диета кармагандар дагы жесе болот, себеби анын аз эле өлчөмү организмге керектүү каллорияны берет.

Адис: банан нерв системасын бекемдөөгө жардам берет

Ошондой эле жерден казылып алынган жашылчалардын ичинен сабиз, пастернак жана кызылчанын ар кандай түрү углевод менен өсүмдүк талчасына бай.

Мындан тышкары, сулунун курамындагы бета-глюкан деп аталган пайдалуу талча кандагы кант менен холестериндин деңгээлине оң таасирин тийгизет.

Буурчак, нокот, жасмык сыяктуу өсүмдүктөрдө белок менен минералдык заттар көп. Андерссон кошумчалагандай, консерваланган төө буурчак азыктык баалуулугун жоготпойт, бирок баасы бир аз кымбат турат.

Ошондой эле жумуртка адамга керектүү делген мультивитаминдерди, минералдарды, пайдалуу майды жана антиоксиданттарды камтыйт.

13
Белгилер:
ден соолук, витамин, жумуртка, жашылча, азык, диетолог
Тема боюнча
Тамакты кандай майга жасоо пайдалуу? Диетологдун кеңеши
Диетолог: помидорду ар ким эле жей албайт, зыяны бар
Дүкөндө сатылган шире баланын ден соолугуна зыян тийгизет