Күзгү кар. Архив

Кар жаап, күн сууктайт. Алдыдагы аптага карата аба ырайы

558
(жаңыланган 23:48 04.10.2020)
Синоптиктер алдыдагы аптада мезгил-мезгили менен жаан жаап, жума соңунда абанын температурасы төмөндөй турганын эскертти.

БИШКЕК, 4-окт. — Sputnik. Кыргызгидромет агенттиги алдыдагы аптага карата аба ырайынын божомолу туурасында маалымат берди.

Ага ылайык, Бишкек шаарында 5-6-октябрь күндөрү түнкүсүн жаан-чачын күтүлбөйт. Ал эми 6-октябрда күндүз жана 7-октябрда түнкүсүн мезгил-мезгили менен жаан жаашы мүмкүн. Бирок күндүз жана 8-октябрда кайрадан күн ачылат.

Чүй, Талас облустары

Дүйшөмбүдө асманды ала булут каптап турат, ал эми шейшемби күнү көпчүлүк аймактарда мезгил-мезгили менен жамгыр, тоолуу райондорго кар жаайт. Шаршембиде Чүй облусунун кээ бир райондорунда жамгыр, Таластын тоолуу аймактарында кар жаайт. Күндүз Чүйдүн тоолуу жерлеринде кар, дыйканчылык аймактарында жана Таласта жаан-чачын болбойт,
бейшембиде күн ачык болору айтылды.

Ош, Жалал-Абад, Баткен облустары

5-октябрда түнкүсүн Жалал-Абад облусунун тоолуу райондорунда кар жаайт, калган аймактарда күндүн көзү бузулбайт. Күндүз жана 6-октябрда түнкүсүн асманды ала булут каптап турат.
Ал эми 6-октябрда күндүз жана 7-октябрда түнкүсүн көпчүлүк аймактарда мезгил-мезгили менен жамгыр жаап, тоолорго кар түшөт.

7-октябрда күндүз Ош, Баткен облустарынын көпчүлүк аймактарында жана Жалал-Абад облусунун кээ бир жерлеринде жамгыр, тоолоруна кар жаайт.
8-октябрда түнкүсүн Ош облусунун кээ бир райондорунда жамгыр, тоолуу аймактарда кар жаашы ыктымал. Калган жактарда күн ачык болот.

Кыштын илеби жакындап... Октябрь айына карата аба ырайы

Ысык-Көл облусу

5-октябрда кээ бир жерлерде жамгыр, бийик тоолуу райондордо кар жаайт. 6-октябрда түнкүсүн ала булут каптап турат, күндүз көпчүлүк аймактарда мезгил-мезгили менен жамгыр жаап, тоолорго кар түшөт.

7-октябрда түнкүсүн көпчүлүк аймактарда жаан, тоолуу райондордо кар жаашы мүмкүн. Күндүз кээ бир райондордо жаан жаайт. 8-октябрда түнкүсүн кээ бир райондордо жамгыр жааса, күндүз күндүн көзү ачылат.

Нарын облусу

Теңир-Тоодо 5-октябрь күнү жаан-чачын болбойт.

Бирок 6-октябрда күндүз көпчүлүк аймактарда мезгил-мезгили менен жамгыр жаап, тоолорго кар түшөт.

7-октябрда кээ бир райондордо жаан жааса, 8-октябрда күн ачылат.

Синоптиктер 9-10-октябрда кээ бир райондордо жаан, тоолуу аймактарда кар жаай турганын айтышууда. Абанын температурасы бир аз төмөндөйт.

558
Белгилер:
температура, кар, жамгыр, аба ырайы, Кыргызстан
Тема боюнча
Төө-Ашуу менен Суусамырга калың кар түштү. Видео
Бишкекке жылуулук качан берилет? Мэриянын түшүндүрмөсү
Милиция кызматкерлери. Архив

Оштогу окуя: шектүүнүн өлүмүнөн соң подполковник менен үч капитан иштен кетти

445
(жаңыланган 00:03 20.10.2020)
Иштен кеткендер органга жаңы келген эмес, бир топ иштеп калган кызматкерлер экени айтылган. Алардын бири — полковник, бири — милициянын майору, калган үчөө милициянын капитаны экендиги маалым болду.

БИШКЕК, 19-окт. — Sputnik. Ош ОИИБдин Криминалдык милиция кызматынын подполковник баштаган төрт кызматкери, Кара-Суу РИИБдин бир капитаны ишине салкын мамиле жасап, шектүүнү Тергөө кызматына алып келгенде каза болуп калганы үчүн иштен бошотулду. Бул тууралуу Ош облустук милициясынын маалымат кызматынан кабарлашты.

Маалыматта ал беш кызматкердин бири — полковник, бири — милициянын майору, калган үчөө милициянын капитаны экендиги айтылган.

Эске салсак, Ош облустук ички иштер башкармалыгына алып келинген шектүү эс-учун жоготуп, милиция кызматкерлери Ош шаардык Тез жардам кызматына жеткирген. Бирок киши өзүнө келе албай, ооруканада каза болгон. Бул окуя коомчулукта нааразычылык жаратып, социалдык тармактарда маалыматтар тараган.

Бишкекте эки милиционерге бычак кезеген кишини ок чыгарып кармашты. Видео

Шектүүнү кармоо Кара-Суу районунун Кызыл-Кыштак айылында бейтааныш адамдар тапанча менен коркутуп, 4 миллион 230 миң сомун карактап кетти деген 21 жаштагы жарандын арызынан улам башталган.

Бирок тергөөгө алып келүү үчүн барышканда 26 жаштагы К. уулу М. күч кызматкерлерине куралдуу каршылык көрсөтүүгө аракет жасап, жанынан "Форт-12РМ" үлгүсүндөгү курал жана төрт ок табылган.

"Аталган жагдай боюнча ИИМдин Ички иликтөө кызматы тарабынан жүргүзүлгѳн иликтѳѳнүн жыйынтыгында органдын жогоруда айтылган өкүлдөрү кызматтык милдеттерин аткарууга кѳӊүл кош, салкын мамиле жасашканы анык болду. Тергѳѳчүнүн атайын тапшырмасынын негизинде ачылган сотко чейинки өндүрүштөгү жазык иши боюнча шектүү катарында кармалган К. уулу М. аттуу жаранды Ош облустук милициясынын 2-имаратына алып келерге чейин аны медициналык мекемелерден кароодон ѳткѳрүшкөн эмес. Аны алып келишкендигин атуулдарды каттоо журналына жаздыртпастан, ошол эле учурда Ош ОИИБдин жетекчилигине билдиришпестен иш алып барышкан. К. уулу М. эсин жоготкон учурда ага жеткиликтүү медициналык жардам кѳрсѳтѳ алышпай, мунун кесепетинен шектүүнүн Ош шаардык Тез жардам борборунда каза болушуна жол беришкен", — деп айтылган таратылган билдирүүдө.

Акыйкатчы: милиционерлер шектүүлөрдү кыйнаганын улантууда

Маалыматта мындай аракеттери менен алар коомчулукта жалпы ички иштер органдарынын кызматкерлеринин дарегине негиздүү сын-пикирлердин жаралышына шарт түздү деп айтылат.

"Ал беш кызматкер ээлеген кызматынан тѳмѳндѳтүү менен бошотулду. Андан ары Ички иштер органдарынын катарында калуу маселеси УКМКнын Ош шаары жана Ош облусу боюнча башкы башкармалыгы тарабынан тергелип жаткан сотко чейинки ѳндүрүш ишинин жыйынтыгы менен карала турган болду", — деп айтылган маалыматта.

Аны менен катар эле Криминалдык милиция кызматынын (КМК) начальнигинин орун басарынын милдетин аткарып жаткан учурда подполковник М.Ж.га "кызматка толук эмес ылайыктыгы жѳнүндѳ эскертүү" тартиптик жазасы жарыяланган. Ага ѳздүк курамынын ишмердүүлүгүн жеткиликтүү деңгээлде уюштурбастан, кол алдындагыларды тийиштүү деӊгээлде көзөмөлдөбөгөндүгү себепкер болгондугу айтылган.

Маркум кандай жагдайларда каза болгондугун аныктоо максатында соттук-медициналык экспертиза дайындалган. Маалыматка караганда, анын жакындары милицияга да, экспертизанын жыйынтыктарына да ишенбей, мыкаачылык менен өлтүрүлгөнүн айтышкан. Буга кошумча, тергөөдөн иштин калыс каралышын талап кылышууда. 

445
Белгилер:
жаза, милиция, өлүм, шектүү, Ош шаары, Кыргызстан
Тема боюнча
Ошто шектүү киши милициянын кыйноосунан каза таптыбы? ОИИББдин жообу
Кыз талашкан. Бир жигитти алтоолоп сабаган Оштогу окуянын чоо-жайы
Сейил бактагы комуналдык кызматкерлери. Архив

Шейшембиге карата аба ырайы

64
Шейшембиге караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 19-окт. — Sputnik. Шейшемби күнү, 20-октябрда, күндүз республика боюнча күн ачык болот. Бул тууралуу Кыргызгидромет билдирди.

Абанын температурасы Чүй, Талас өрөөндөрүндө +19...+24, Ош, Жалал-Абад, Баткен облустарында +21...+26, Ысык-Көл менен Нарын жергесинде +12...+17 градус болору айтылды.

Абанын температурасы борборубуз Бишкекте +22...+24 жана Ош шаарында +24...+26 градуска жетет.

64
Белгилер:
Кыргызстан, аба ырайы
Тема боюнча
Күн кайра жылыйбы? Бир жумага карата аба ырайы
Адаттагыдан суук болот. Ноябрга карата аба ырайы
Катуу суукта бараткан беткапчан аял. Архивдик сүрөт

Академик: COVID-19 катуу суук түшкөндө басаңдайт

0
Адистин айтымында, коронавирус аба аркылуу жуккан башка илдеттер сыяктуу эле жыл мезгилинен көз каранды. Жаан-чачын башталып, нымдуу учурда көбөйүп, күн катуу сууктаганда басаңдайт.

БИШКЕК, 20-окт. — Sputnik. COVID-19 кыш келип, күндүн суукташы менен басаңдайт. Бул тууралуу Россиянын Илимдер академиясынын академиги, профессор Михаил Пальцев "Известия" басылмасына билдирди.

"Коронавирус аба аркылуу жуккан башка илдеттер сыяктуу эле жыл мезгилинен көз каранды. Жаан-чачын башталып, нымдуу учурда көбөйүп, күн катуу сууктаганда басаңдайт. Келерки жазда дагы бир жайылып барып анан жоголот деп божомолдоп жатабыз. Бирок жазда азыркыдай күчтүү болбойт", — деди Пальцев.

Адис учурда коронавирус өтө күчөп турган чагы экенин эске салып, бет кап тагынуу, аралыкты сактоо, иммунитетти бекемдөө сыяктуу эрежелерди сактоого чакырат.

0
Белгилер:
адистер, прогноз, кыш, коронавирус
Тема:
Дүйнөгө жайылган коронавирус
Тема боюнча
Ооруган балдар көбөйүүдө. Бишкекте окуучулар I чейректи онлайн окуп бүтүрөт