Кар учурунда көчөдө бараткан кыз. Архив

Адаттагыдан суук болот. Ноябрга карата аба ырайы

13981
(жаңыланган 16:07 16.10.2020)
Синоптиктердин божомолу боюнча, ноябрда абанын температурасы төмөндөп, суук түшөт. Айрым жерлерде түнкүсүн абанын температурасы -20 градуска чейин жетиши ыктымал.

БИШКЕК, 16-окт. — Sputnik. Кыргызгидромет агенттиги күздүн акыркы айы, ноябрга карата аба ырайынын божомолу тууралуу маалымат таратты.

Чүй облусу

Абанын айлык орточо температурасы климаттык нормадан 1 градустан төмөн болуп, Кемин өрөөнүндө 0…-2 градус суук болушу күтүлөт.

Бир айдын ичинде абанын температурасы түнкүсүн 4 градус сууктан 7ге чейин жетет. Күндүз 5…10 градустан 13…18 градуска чейин жылуу болушу божомолдонууда. Айрым күндөрү абанын температурасы түнкүсүн -3…-8 градуска чейин төмөндөп, суук жүрүшү ыктымал.

Кемин өрөөнүндө жана тоо этектериндеги райондордо абанын температурасы түнкүсүн 0…-5 градуска, кээ бир түндөрү -7…-12 градус суукка чейин жетип, күндүз -3 градус суук болот.

Жаан-чачындын айлык көлөмү нормага жакын болушу айтылды.

Талас облусу

Абанын айлык орточо температурасы климаттык нормадан 1…1,5 градус төмөн болуп, 0…2 градус жылуу болушу күтүлөт.

Ноябрь айы бою абанын температурасы түнкүсүн -1…-6 градус, күндүз 4…9 градустан 12…17 градуска чейин жылышы ыктымал.

Жаан-чачындын айлык көлөмү нормага жакын болот.

Ош облусу

Абанын айлык орточо температурасы климаттык нормага жакын болуп, 5…7 градус жылуу болушу күтүлүүдө. Тоо этектеринде температура төмөндөп, 2…4 градуска чейин жылыйт.

Бир айдын ичинде абанын температурасы түнкүсүн -3 градуска чейин суук болсо, күндүз 5…10 градустан 14…19 градуска чейин жылыйт.

Тоо этектериндеги райондордо ноябрда абанын температурасы түнкүсүн 0…-5 градус сууктан 1…6 градуска чейин өзгөрүп турушу ыктымал. Түнкүсүн кээде абанын температурасы -3…-8 градуска төмөндөп, суук жүрүшү божомолдонду.

Жаан-чачындын айлык көлөмү нормадан арбын болушу мүмкүн.

Жалал-Абад облусу

Абанын айлык орточо температурасы климаттык нормага жакын болуп, 5…7 градус жылуу болушу ыктымал. Тоо этектериндеги райондордо нормадан 1…1,5 градус төмөн болсо, Токтогул районунда 3…5 градус жылуу болот.

Ноябрда абанын температурасы түнкүсүн -3... 2 градуска жетет.

Күндүз болсо 5…10 градустан 14…19 градусту көрсөтүп, аба ырайы өзгөрүп турат.

Тоо этектериндеги райондордо айрым учурларда түнкүсүн -3…-8 градуска чейин суук болушу божомолдонду. Токтогулда түнкүсүн -4...1 градус болсо, күндүз 13 градуска чейин жылышы мүмкүн.

Жаан-чачындын айлык көлөмү өрөөндөрдө нормага жакын, тоо этектериндеги райондордо жана Токтогул районунда нормадан аз болушу ыктымал.

Баткен облусу

Абанын айлык орточо температурасы климаттык нормага жакын болот. Күндүз 5…7 градус, тоо этектеринде 4…6 градус жылуу болушу күтүлүүдө.

Ноябрь айында абанын температурасы түнкүсүн -3 градус сууктан 2 градуска чейин жылуу болсо, күндүз 14…19 градуска чейин жетет.

Жаан-чачындын айлык көлөмү нормадан арбын болушу күтүлүүдө.

Ысык-Көл облусу

Абанын айлык орточо температурасы климаттык нормадан 1…1,5 градустан төмөн болуп, чыгышында 0…-2 градуска чейин суук болушу ыктымал.

Бир айда абанын температурасы өзгөрүлүп турат. Кээ бир күндөрү түнкүсүн -6…-11 градус суук, күндүз -3 градус сууктан 2 градуска чейин жылышы ыктымал.

Жаан-чачындын айлык көлөмү нормадан көп болушу ыктымал.

Нарын облусу

Абанын айлык орточо температурасы климаттык норманын чегинде болуп, -1…-3 градус суук болот.

Бир ай ичинде абанын температурасы түнкүсүн -5…-10 градус сууктан кээ бир түндөрү -10…-15 градус суукка чейин төмөндөшү мүмкүн. Күндүз -2 градустан 4…9 градуска чейин көтөрүлүп турушу ыктымал.

Жаан-чачындын айлык көлөмү нормага жакын болот деп божомолдонууда.

Саясаттан чарчадык. Бишкектин четиндеги ак кайыңдуу токойдо эс алыңыз. Видео

Алай өрөөнү

Абанын айлык орточо температурасы климаттык норманын чегинде болуп, -6…-8 градус суук болушу күтүлөт.

Ноябрда абанын температурасы түнкүсүн -6…-11 градустан -12…-17 градуска чейин төмөндөсө, кээ бир түндөрү -20…-25 градуска чейин муздак болот. Күндүз -3...3 градуска чейин өзгөрүлүп турушу мүмкүн.

Жаан-чачындын айлык көлөмү нормадан көп болот деп айтылды.

Суусамыр өрөөнү

Бул жакта абанын айлык орточо температурасы климаттык норманын чегинде болуп, -6…-8 градус суук болушу күтүлөт.

Ай ичинде абанын температурасы түнкүсүн -2…-7 градус сууктан -10…-15 градуска чейин суук болушу ыктымал. Кээ бир түндөрү -17…-22 градуска чейин төмөндөйт.

Жаан-чачындын айлык көлөмү нормадан арбын болушу мүмкүн.

13981
Белгилер:
жаан-чачын, божомол, аба ырайы, Кыргызгидромет
Тема боюнча
Жомоктогудай токой. Бишкектин жанынан тартылган ажайып 10 сүрөт
Киши автоунааны айдап бара жатат. Архив

Бишкекте айдоочу милицияга ойдон чыгарылган комитеттин документин көрсөткөн. Сүрөт

11
(жаңыланган 17:18 25.10.2020)
Кайгуул кызматынын милиционерлери Toyota Camry үлгүсүндөгү автоунааны токтотушкан. Документтерди текшерүү учурунда 27 жаштагы киши өзүн кылмыштуулук жана коррупцияга каршы күрөшүү комитетинде иштей турганын айтып, күбөлүгүн көрсөткөн.

БИШКЕК, 25-окт. — Sputnik. Өзүн кылмыштуулук жана коррупцияга каршы күрөшүү комитетинде иштейм деп тааныштырган айдоочу жасалма документ менен кармалды. Бул тууралуу Милициянын кайгуул кызматынан кабарлашты.

  • Поддельное удостоверение, которое водитель предъявил сотрудникам милиции. 25 октября 2020 года
    Өзүн "кылмыштуулук жана коррупцияга каршы күрөшүү комитетинде иштейм" деп тааныштырган айдоочу жасалма документ менен кармалды
    © Фото / пресс-служба УПСМ Бишкека
  • Водитель предъявивший патрульным милиционерам поддельное удостоверение при остановке его машины в Бишкеке. 25 октября 2020 года
    Билдирмеге ылайык, окуя 25-октябрга караган түнү болжол менен саат 01:40тар чамасында Чүй жана Манас проспектилеринин кесилишинде болгон
    © Фото / пресс-служба УПСМ Бишкека
1 / 2
© Фото / пресс-служба УПСМ Бишкека
Өзүн "кылмыштуулук жана коррупцияга каршы күрөшүү комитетинде иштейм" деп тааныштырган айдоочу жасалма документ менен кармалды

Билдирмеге ылайык, окуя 25-октябрга караган түнү болжол менен саат 01:40тар чамасында Чүй жана Манас проспектилеринин кесилишинде болгон.

"Кайгуул кызматынын милиционерлери Toyota Camry үлгүсүндөгү автоунааны токтотушкан. Айдоочунун документтерин текшерүү учурунда 27 жаштагы киши кылмыштуулук жана коррупцияга каршы күрөшүү комитетинде иштей турганын айтып, күбөлүгүн көрсөткөн. Анын автоунааны мас абалында башкарып бара жатканы да аныкталган", — деп айтылат маалыматта.

Териштире келгенде КРде андай комитет жок экени маалым болгон.

Аталган факты Биринчи май райондук ички иштер башкармалыгы тарабынан Кылмыштардын жана жоруктардын бирдиктүү реестрине катталып, Жазык кодексинин 359-беренеси ("Жасалма документ") боюнча иш козголуп, сотко чейинки өндүрүш иши башталды.

Иши жеңилдеди. Патрулдук милиция айдоочуларды эми планшет менен текшерет

Ал эми автоунаа убактылуу токтотуучу жайга киргизилген. Айдоочунун жасалма документ боюнча иши Биринчи май райондук ички иштер башкармалыгынын тергөө кызматына өткөрүп берилди.

11
Белгилер:
Жол кайгуул кызматы, милиция, айдоочу, документ, жасалма
Тема боюнча
Портер талкаланып, айдоочусу жабыркаган. Оштогу үрөй учурган кырсыктын видеосу
Кара-Суу: унаадан чыккан өрт эки кичинекей баланын өмүрүн алды
Ак үй. Архив

Садыр Жапаров: Ак үйдү оңдоого 450 млн. эмес, 10 эле млн. сом кетет

347
(жаңыланган 16:45 25.10.2020)
Буга чейин депутат Акылбек Жапаров Жогорку Кеңештин имаратын калыбына келтирүү үчүн 450 миллион сомго жакын каражат керектеле турганын айткан.

БИШКЕК, 25-окт. — Sputnik. Ак үйдү оңдоо иштерине 450 миллион сом кетет экен деген маалымат туура эмес. Бул тууралуу Садыр Жапаров Telegram каналы аркылуу билдирди.

Анын айтымында, 450 миллион сом — бул парламенттик шайлоого жумшалган каражат.

"450 миллион сом Ак үйдү оңдоого кетчү чыгым экен деп адашып айтып жатышат. Имаратты ремонттоого көп каражат кетпейт. Кыдырып баарын көрүп чыктым. 10 миллион сомго жетпеген каражат керектелет. Тапшырмаларды бердим. Жакын арада оңдоо иштери бүтөт", — деп жазды Жапаров.

Эске салсак, буга чейин парламенттин бюджет жана финансы комитетинин мүчөсү, премьер-министрдин коомдук башталыштагы кеңешчиси Акылбек Жапаров Жогорку Кеңештин имаратын калыбына келтирүү үчүн 450 миллион сомго жакын каражат керектеле турганын айткан.

347
Белгилер:
ремонт, Акылбек Жапаров, Ак үй, Садыр Жапаров
Тема:
Парламенттик шайлоодон кийинки окуялар
Тема боюнча
Депутат: Ак үйдү калыбына келтирүүгө 450 млн. сом керек