Эмен багында сейилдеп жүргөн адамдар. Архив

Күн кайра жылыйбы? Бир жумага карата аба ырайы

1117
Жуманын аягында өлкөдө абанын температурасы төмөндөп, мезгил-мезгили менен жамгыр жаап, тоолорго кар түшөт.

БИШКЕК, 18-окт. — Sputnik. Кыргызгидромет агенттиги алдыдагы аптага карата аба ырайынын божомолу тууралуу маалымат берди.

Ага ылайык, бул жумада борбор калаада күн ачык болуп, жаан-чачын күтүлбөйт. Түштүк-чыгыштан соккон шамалдын ылдамдыгы секундасына 5-10 метрге жетет. 22-октябрда күндүз шамалдын багыты батыш тарапка өзгөрүлүп, ылдамдыгы секундасына 4-9 метрге жетип турат.

Чүй, Талас облустары

Дүйшөмбүдөн шаршембиге чейин эки дубанда тең күн ачык болот. Ал эми бейшемби күнү кээ бир райондордо жаан, тоолорго кар жаашы ыктымал.

Ош, Жалал-Абад, Баткен облустары

19-21-октябрь күндөрү өлкөнүн түштүк региондорунда аба ырайы өзгөрүүсүз сакталып турат. Бирок 22-октябрда Жалал-Абаддын кээ бир райондорунда жамгыр жаап, тоолорго кар түшөт. Калган аймактарда күндүн көзү бузулбайт.

Ысык-Көл облусу

Дүйшөмбүдөн бейшембиге чейин жаан-чачын күтүлбөйт. Бейшембиде күндүз батыштан соккон шамалдын ылдамдыгы секундасына кээ бир жерлерде 15-20 метрге жетет.

Нарын облусу

Теңир-Тоодо апта ичинде абанын температурасы өзгөрүлбөйт жана жаан-чачын күтүлбөйт.

23-24-октябрь күндөрү өлкө аймагында аба ырайы өзгөрүлүп, мезгил-мезгили менен жамгыр жаап, тоолорго кар түшөт. Абанын температурасы төмөндөйт.

1117
Белгилер:
жамгыр, Кыргызстан, аба ырайы
Тема боюнча
Жомоктогудай токой. Бишкектин жанынан тартылган ажайып 10 сүрөт
Адаттагыдан суук болот. Ноябрга карата аба ырайы
Эндокринолог Айпери Биримкулова

Биримкулова: организмде йод ашыкча болсо оору алып келет

5
(жаңыланган 18:42 25.10.2020)
Эндокринолог Айпери Биримкулова калкан безинин салмагы 15-20 грамм болгону менен адам организми үчүн өтө маанилүү функцияны аткарарын айтты.
Биримкулова: организмде йод ашыкча болсо оору алып келет

Йод жетишсиз болгондо богок оорусу пайда болот, бирок анын ашыкчасы да дартты чакырат. Бул тууралуу Айпери Биримкулова Sputnik Кыргызстан радиосунун эфиринде маек куруп жатып билдирди.

Анын айтымында, деңиз азыктарында жана балык этинин курамында йод көп.

"Кыргызстан тоолуу өлкө болгондуктан климатыбызга жараша йод жетишсиздиги көп байкалат. Андыктан тамак-ашка йоддолгон тузду колдонуу керек. Бирок йод ашыкча болгон учурда да адам ар түрдүү ооруларга чалдыгат. Мындай учурда кишинин чачы түшүп, ачуусу бат келип, депрессияга кабылып, өзүн чарчаңкы сезип, ал тургай колдору титиреп, жүрөгү катуу согуп, көзү чанагынан чыгып кетейин деп чоңоюп кетиши мүмкүн. Бул учурда, өкүнүчтүүсү, көпчүлүк бейтаптар башка органдарын текшертип же психологдун жардамын күтүп жүрө беришет", — деди Биримкулова.

Ал оорунун жогорудагыдай белгилери байкалган учурда алгач эндокринологдорго кайрылып, гормондорун текшертип алышы зарылдыгын кошумчалады.

5
Белгилер:
Айпери Биримкулова, йод, ден соолук
Тема боюнча
Турсункулова: Кыргызстанда 617 000 адам кант диабети менен жабыркайт
Ветеринар Ашырбай Жусупов

Жусупов: мал кармаган короону жылына эки жолу дезинфекциялаш керек

5
(жаңыланган 18:21 25.10.2020)
Ветеринар Ашырбай Жусупов малды убак-сааты менен бастырып, тиешелүү гигиеналык талаптарды сактоо зарылдыгын айтты.
Жусупов: мал кармаган короону жылына эки жолу дезинфекциялаш керек

Мал чарбалары кышка карата комплекстүү даярданышы керек. Бул тууралуу Ашырбай Жусупов Sputnik Кыргызстан радиосуна маек куруп жатып билдирди.

Анын айтымында, оорулардын жайылып кетүү коркунучун алдын алуу максатында малдын түрүнө жараша бөлөк-бөлөк багылуусу керек.

Дене ууланат. Малдан адамга жуккан күйдүргүдөн кантип сактануу керек

"Мал күзүндө жайлоодон эттүү келет. Ушул кезде дайымкы профилактикалык иш-чараларды жүргүзүү зарыл. Башкача айтканда, семиз малга эмдөө жасалса эффективдүүлүгү жогорураак. Учурда ветеринария кызматы тарабынан тогуз ылаңга каршы акысыз вакцина сайылат. Андан тышкары, малдын тоюту салына турган акырды, суу иче турган ноосун, деги эле короону жазда жана күздө дезинфекциялоо шарт. Себеби илдеттер көбүнчө малдын жаткан жеринен жугат. Анан албетте комплекстүү тоют даярдалат. Тоют ар түрдүү жана витаминдүү болсо, семиз мал ооруга көп чалдыкпайт", — деди Жусупов.

Адис фермер түзүүдө алгач аталган багытта тиешелүү адабияттарды окуп, керектүү маалыматтарга ээ болуу менен мал багууну сапаттуу деңгээлге чыгарса болорун кошумчалады.

5
Белгилер:
тоют, ветеринария, мал, Ашырбай Жусупов
Тема боюнча
Саткынов: мал күзгү эмдөөдөн өтүп жатат