Бишкек шаарына асмандан көрүнүш. Архивдик сүрөт

Ишембиге карата аба ырайы

110
Ишембиге караган түнү өлкөнүн көпчүлүк аймактарында мезгил-мезгили менен жамгыр, кар жаап, тоо этектерине жана тоолуу райондоруна кар түшөт.

БИШКЕК, 23-окт. — Sputnik. Ишемби күнү, 24-октябрда, күндүз республиканын өрөөндөрүндө жамгыр, тоо этектеринде жана тоолуу райондорунда кар жаайт. Кээ бир райондордо туман түшөт. Талас облусунда жаан-чачын жаабай турганы айтылды. Ал эми Нарын облусунун дыйканчылык аймактарында жамгыр карга айланат. Бул тууралуу Кыргызгидрометтен билдиришти.

Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

Айдоочуларга эскертүү! Төө-Ашууда түндөн бери кар жаап жатат. Видео

Абанын температурасы Чүйдө +6...+11, Талас аймагында +5...+10, Ош, Жалал-Абад жана Баткен облустарында +12...+17, Ысык-Көл менен Нарын жергесинде +1...+6 градус болот.

Абанын температурасы борборубуз Бишкекте +9...+11 жана Ош шаарында +15...+17 градуска жетет.

110
Белгилер:
Кыргызстан, октябрь, аба ырайы
Тема боюнча
Адаттагыдан суук болот. Ноябрга карата аба ырайы
Рейхстагдын байкоо жеринде кишилер. Архив

Германия Кыргызстандын карызын кечет, бирок бир шарты бар 

115
(жаңыланган 00:11 27.01.2021)
Өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия макулдугун берди.

БИШКЕК, 26-янв. — Sputnik. Германия Кыргызстанга 14,9 миллион евро өлчөмүндөгү карызын кечүүгө даяр. Болгону Кыргызстан ал каражатты ипотекалык кредитке жумшашы керек. Бул тууралуу журналисттерге Финансы министрлигинин Мамлекеттик карыздар башкармалыгынын жетекчиси Руслан Татиков билдирди.

Анын айтымында, өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия буга макул болду.

Руководитель Управления государственным долгом при Министерстве финансов Руслан Татиков во время беседы на радио
© Sputnik / Асель Сыдыкова
Финансы министрлигинин Мамлекеттик карыздар башкармалыгынын жетекчиси Руслан Татиков
"Жалгыз Германия карызды жоюу боюнча макулдугун берди. Документке кол коюла элек, бирок сүйлөшүүлөр болду”, — деди Татиков.

Ал кошумчалагандай, бул каражат эми Мамлекеттик ипотекалык компанияга жумшалат деп күтүлүп жатат.

115
Белгилер:
Руслан Татиков, Тышкы карыз, Германия, Кыргызстан
Тема боюнча
Кыргызстан карыз төлөөнүн эң жогорку чегине качан жетет? Расмий жооп
Экс-премьер-министр Мухаммедкалый Абылгазиев. Архив

Экс-премьер-министр Мухаммедкалый Абылгазиев кармалды

255
(жаңыланган 23:31 26.01.2021)
Маалыматка караганда, ал мыйзамсыз жол менен байыган деп шектелип жатат. УКМК Абылгазиевди баш коргоо чарасы каралганга чейин эки суткага СИЗОго камакка алганы айтылууда.

БИШКЕК, 26-янв. — Sputnik. УКМК экс-премьер-министр Мухаммедкалый Абылгазиевди кармады. Бул тууралуу күч органдарынан өздүк булактар билдирди.

Маалыматка караганда, ал мыйзамсыз жол менен байыган деп шектелип жатат. УКМК Абылгазиевди баш коргоо чарасы каралганга чейин эки суткага СИЗОго камакка алганы айтылууда.

255
Белгилер:
айып, кармоо, УКМК, Мухаммедкалый Абылгазиев
Тема боюнча
ИИМдин жетекчисинин мурдагы орун басары Курсан Асанов кармалды
Финполго Алтынай Өмүрбекова менен Аида Исмаилова чакырылганы айтылды