Былтыр кайсы оорулардан кыргызстандыктар көп каза тапкан. Статистика

© AFP / Mahmoud ZAYYATДарыгерлер операция учурунда. Архив
Дарыгерлер операция учурунда. Архив - Sputnik Кыргызстан
Жазылуу
Өлүмгө себеп оорулардын ичинен биринчи орунда жүрөк кан-тамыр, экинчиде онкологиялык илдеттер турат. Ошондой эле кырсыктан каза болгондор дагы аз эмес.

БИШКЕК, 21-ноя. — Sputnik. Улуттук статистика комитети өткөн жылы кыргызстандыктар көбүнесе кайсы илдеттерден көз жумгандыгы тууралуу маалымат жарыялады.

Ага ылайык, адам өмүрүн эң көп алган илдеттердин сап башында жүрөк кан-тамыр оорулары турат. Жыл ичинде жалпы өлгөндөрдүн 51 пайызы анын курмандыгы болгон.

Киши көкүрөгүн кармап турат. Архив - Sputnik Кыргызстан
Инсульттун көпчүлүк биле бербеген алгачкы белгилери айтылды
Экинчи орунда 12,4 пайыз менен онкологиялык илдеттер турса, үчүнчүдө капилет кырсыктар (7,6 пайызы) турат. Бул топко жол кырсыгы, уулануу сыяктуу себептер кирет.

Андан кийинки орундарда тамак сиңирүү, дем алуу системаларынын оорулары жана жугуштуу илдеттер турат.

Мындан тышкары, Кыргызстанда жаш энелердин өлүмү азайбай жатканы айтылат. Тагыраагы, былтыр кош бойлуу кезинде, төрөт учурунда же төрөттөн кийинки мезгилдерде күчөп кеткен оорулардан 43 келин каза тапкан.

Жаңылыктар түрмөгү
0