Кар тазалап жаткан Тазалык кызматкери. Архив

Сууктун мындан аркы каары кандай болот? Бир жумага карата аба ырайы

17559
Алдыдагы аптада өлкө аймагында абанын температурасы дээрлик өзгөрүлбөйт. Синоптиктер өткөн жумадагыдай суук болбой турганын айтышты.

БИШКЕК, 20-дек. — Sputnik. Кыргызгидромет агенттиги алдыдагы аптага карата аба ырайынын божомолу туурасында маалымат берди.

Ага ылайык, борбор калаада дүйшөмбү күнү бир аз кар жаашы күтүлөт. Шейшембиден бейшембиге чейин күн ачык болот. Батыштан соккон шамалдын ылдамдыгы секундасына 4-9 метрге жетиши күтүлөт.

https://infogram.com/1pl6kl5m7wm96gsqm9y6ekj20mazmxnpjve?live

Чүй, Талас облустары

21-декабрда түнкүсүн көпчүлүк аймактарда, Талас облусунун кээ бир райондорунда кар жаашы күтүлөт. Күндүз Чүйдүн кээ бир жерлерине да кар түшөт. Талас облусунда күн ачык болот.

Ал эми 22-24-декабрда жаан-чачын болбойт.

Ош, Жалал-Абад, Баткен облустары

21-декабрда түнкүсүн Ош облусунун көпчүлүк аймактарында, Жалал-Абад облусунун кээ бир райондорунда кар жаайт. Баткен облусунда жаан-чачын күтүлбөйт. Күндүз Ош, Жалал-Абаддын тоолуу райондоруна кар түшсө, дыйканчылык аймактарда жана Баткен облусунда күн ачык болот.

22-24-декабрда жаан-чачын болбойт.

Ысык-Көл облусу

21-декабрда түнкүсүн тоолуу райондордо кар жаап, ал эми дыйканчылык аймактарда күндүн көзү бузулбайт.

Ал эми 21-декабрда күндүз жана 22-декабрда түнкүсүн кээ бир аймактарда кар жаашы ыктымал.

22-декабрда күндүз жана 23-24-декабрда күн ачык турат.

Нарын облусу

21-декабрда Теңир-Тоонун кээ бир райондоруна кар түшөт. Бирок 22-24-декабрь күндөрү жаан-чачын күтүлбөйт.

25-26-декабрь күндөрүнө карата Кыргызстандагы аба ырайына божомол

Апта аягы — жума күнү жана ишембиде түнкүсүн аба ырайы бузулбайт. Ал эми күндүз Талас, Жалал-Абад, Баткен облустарынын тоолуу райондорунда кар жаашы болжолдонууда. Калган аймактарда күн ачык болот. Абанын температурасы дээрлик өзгөрүлбөйт.

17559
Белгилер:
кар, аба ырайы, Кыргызстан
Тема боюнча
Кылычын кайраган кыштын керемети. Бишкектин 12 сүрөтү
Жаңы жылда катуу суук болобу? Январь айына карата аба ырайы
Спутник V вакцинасына чыгаруу. Архив

Россия Кыргызстандын аймагында "Спутник V" вакцинасын чыгарууга даяр

21
(жаңыланган 11:24 26.01.2021)
Россия Кыргызстандын аймагында "Спутник V" вакцинасын жасоого даяр экени Москвада өткөн ЕАЭКтин жыйынында Путин тарабынан айтылган. Муну Россиянын өнөр жай жана соода министри Денис Мантуров да ырастаган.

БИШКЕК, 26-янв. — Sputnik. Россия коронавируска каршы "Спутник V" вакцинасын Кыргызстандын аймагында чыгарууга даяр. Бул тууралуу Өнөр жай, энергетика жана жер казынасын пайдалануу боюнча мамлекеттик комитеттин төрагасы Жыргалбек Сагынбаев билдирди.

Анын айтымында, кыргыз делегациясы Жогорку евразиялык экономикалык кеңештин отурумуна катышуу үчүн Москва шаарына барып, Россиянын өкмөт мүчөлөрү жана инвесторлор менен жолуккан. Жыйын учурунда Владимир Путин Россия ЕАЭБдин бардык өлкөлөрүндө вакцина өндүрүшүн ачууга даяр экендигин айткан. Андан кийин муну Россиянын өнөр жай жана соода министри Денис Мантуров дагы ырастаган.

"Эгерде Кыргызстан техникалык мүмкүнчүлүктөрү, тиешелүү шаймандары бар компанияны аныктаса, анда Россия комиссия жиберип, чечим кабыл алууга даяр экенин билдирди", – деди Сагынбаев.

Вакцина өндүрүүчү компанияны Россиянын Өнөр жай жана соода министрлиги тандайт. Талапкерлерди Кыргызстандын Мамлекеттик өнөр жай комитети сунуштайт. Айрым талапкер болгон компаниялар буга чейин министрлик менен сүйлөшүүлөрдү өткөргөн. Каржы маселесин Россиянын Өнөр жай жана соода министрлиги жана компания чечет, ал эми кыргыз өкмөтү шарт түзүп бериши керек.

Сагынбаев вакцинаны өндүрүү препараттын жеткиликтүүлүгүн гана камсыз кылбастан, жумуш орундарын да түзөрүн, ошондой эле вакцина өндүрүү жаатындагы өлкөдө алгачкы тажрыйба болорун белгилеген.

21
Белгилер:
Кыргызстан, Россия, коронавирус, вакцина, өндүрүүчү, сунуш, жолугушуу
Тема:
"Спутник V" вакцинасы
Тема боюнча
"Спутник V" вакцинасын кайсы оорусу барлар этияттык менен алышы керек? Инструкция
ЖМК: Пакистан россиялык "Спутник V" вакцинасын аларын айтты
Ооруканадагы дарыгерлер. Архив

Бишкекте бир бейтап көз жумуп, 97 адам оору жуктурду. Кыргызстандагы коронавирус

26
(жаңыланган 11:03 26.01.2021)
Учурда стационарда алты жүздөн ашуун бейтап дарыланууда. Анын ичинен эки адамдын абалы канааттандырарлык,  ал эми жыйырма жетиси өтө оор абалда жатат.

БИШКЕК, 26-янв. — Sputnik. Кыргызстанда акыркы суткада 97 кишиден коронавирус аныкталды, ал эми 157 бейтап оорудан айыкты. Бул тууралуу Республикалык штаб кабарлады.

Бир сутка ичинде COVID-19 U07.1 жана U07.2 катталган жаңы учурлар:

  • Бишкек — 42;
  • Ош — 2;
  • Чүй облусу — 40;
  • Талас облусу — 2;
  • Нарын облусу — 2;
  • Ысык-Көл облусу — 6;
  • Жалал-Абад облусу — 2;
  • Баткен облусу — 1. 

Марттагы пандемиядан бери оору жуктургандардын саны 84 068ге жетти.

Өткөн суткада COVID-19 илдетинен сакайып чыккандар, пневмонияны эсепке алганда:

  • Бишкек — 61;
  • Чүй облусу — 55;
  • Ош облусу — 4;
  • Талас облусу — 1;
  • Нарын облусу — 2;
  • Ысык-Көл облусу — 25;
  • Жалал-Абад облусу — 5;
  • Баткен облусу — 4.

Жалпысынан оорудан айыккандардын саны 80 182ге жетти.

Тилекке каршы, COVID-19дан Бишкектен бир бейтап көз жумган. Ушуну менен коронавирус 1 402 адамдын өмүрүн алды.

Учурда стационарда 643 бейтап дарыланып жатса, алардын ичинен 219у оор, ал эми 27си өтө оор абалда. Амбулатордук дарыланууда 907 бейтап бар. 

Бир сутка ичинде өлкө боюнча медицина кызматкерлери арасында коронавирус жуктуруп алган учурлар катталган жок.

Жалпысынан республика боюнча COVID-19 диагнозу менен ак халатчандар  арасында 4 168 учур катталып, 4 077си сакайды.

26
Белгилер:
айыктыруу, жуктуруу, оору, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Далили жок! Пандемиянын кесепетин иликтеген комиссияга дарыгерлер жооп кайтарды
Кыргызстан Россиядан 500 миң доза "Спутник V" вакцинасын сурады
Бириккен Улуттар Уюмунун (БУУ) башкы катчысы Антониу Гутерреш. Архив

БУУ: COVID оңдурбай, дүйнө акыркы 100 жылдыкта эң оор каатчылыкка кептелди

0
(жаңыланган 11:13 26.01.2021)
Антониу Гутерреш 2021-жылы дүйнөнү калыбына келтирүүдө өкмөттөр, эл аралык уюмдар, жеке сектор жана жарандык коом биргелешип ынтымакта иштешүүсү керектигин билдирди.

БИШКЕК, 26-янв. — Sputnik. Бириккен Улуттар Уюмунун (БУУ) башкы катчысы Антониу Гутерреш коронавирус пандемиясынын кесепетинен дүйнө акыркы жүз жылдыктагы эң оор экономикалык каатчылыкка кептелгенин билдирди. Бул тууралуу уюмдун сайтында жарыяланды.

Катчынын айтымында, азыр "дүйнө абдан морт болуп турган кез".

"Пандемия эки миллиондон ашык адамдын өмүрүн алып кетти. Экономикалык абалыбыз акыркы 100 жыл ичиндеги эң төмөнкү көрсөтүчкө түштү. Коронавирус адамдар, өлкөлөр арасында теңсиздик бар экенин далилдеп койду. Кыскасы, жаратылышка биз кандай мамиле кылсак, ал бизге дал ошондой сокку уруп жатат. Дүйнө эли диалогго келип, кызматташуубуз керек", — деди Гутерреш.

Ошондой эле ал 2021-жылы дүйнөнү калыбына келтирүүдө өкмөттөр, эл аралык уюмдар, жеке сектор жана жарандык коом биргелешип ынтымакта иштешүүсү керектигин кошумчалады.

0
Белгилер:
кесепет, Дүйнө, пандемия, Антониу Гутерреш, БУУ
Тема:
Дүйнөгө жайылган коронавирус
Тема боюнча
ДССУ коронавирус менен күрөш көпкө созуларын айтты