Түшүм жыйноо. Архив

Кыргызстандын кайсы аймагында айыл чарба ишканалары көп

117
Жалпысынан алганда 2020-жылдын 1-январына карата Кыргызстанда аталган тармактарда 453 миңден ашык ишкана бар экени белгилүү болгон. Алар былтыркы жылдын аягында дүң баа менен эсептегенде жалпысынан 221 миллион сомдук товар өндүргөн.

БИШКЕК, 28-дек. — Sputnik. Кыргызстанда айыл чарбасы, токой чарбасы жана балык уулоочулук чөйрөсүндө иштеген ишканалардын эң көбү Ош, Жалал-Абад жана Чүй облустарында жайгашкан. Бул тууралуу Улуттук статистика комитетинин маалыматынан билүүгө болот.

Жалпысынан алганда 2020-жылдын 1-январына карата Кыргызстанда аталган тармактарда 453 миңден ашык ишкана бар экени белгилүү болгон. Алар былтыркы жылдын аягында дүң баа менен эсептегенде жалпысынан 221 миллион сомдук товар өндүргөн. Бул 2018-жылга салыштырмалуу 102 пайызды түзгөн.

"Ишканалардын көбү Ош облусунда (125,2 миң), Жалал-Абад (103,5 миң), Чүй облустарында (67,9 миң) жайгашкан", — деп айтылат билдирүүдө.

Негизинен өлкөдө иштеген бул компаниялар жер-жемиш (50,2 пайыз), мал (47,1 пайыз) жана балык (0,3) өндүрөт. Мындан тышкары, анча чоң эмес көлөмдө (2,4 пайыз) кызмат көрсөтүү менен алектенишет.

117
Белгилер:
статистика, айыл чарба, Кыргызстан
Тема боюнча
Министрлик: Баткен шаарында 28 ишкана менен өнөр жай зонасы курулат
Манас аэропортундагы жүргүнчүлөрдү текшерүү. Архивдик сүрөт

Коронавирустун жаңы штаммы. Кыргызстанга келчүлөр кандай тартип менен кирет?

4
(жаңыланган 10:48 19.01.2021)
Төрт министрлик жана "Манас" эл аралык аэропорту, Мамлекеттик чек ара кызматы тарабынан чыккан буйрукка 13-январда кол коюлган.

БИШКЕК, 18-янв. — Sputnik. Кыргызстандын бийлиги коронавирусту, анын ичинде жаңы штаммын өлкөгө киргизбөө жана жайылтпоо максатында алгоритм иштеп чыккан.

Саламаттык сактоо, Тышкы иштер, Жолдор жана транспорт, Маданият, маалымат жана туризм министрликтери "Манас" эл аралык аэропорту жана Мамлекеттик чек ара кызматы менен биргеликте буйрук чыгарып, ага 13-январда кол коюлган.

Алгоритм Бишкек, Ош, Ысык-Көлдөгү аэропортторго эл аралык каттамдар менен келген бардык адамдарга тиешелүү экени айтылды.

Аба каттамы менен келгендерге алгоритм:

  • Кыргызстанга эл аралык каттам менен келчүлөрдө акыркы 72 сааттын ичинде коронавируска тапшырган тесттин жыйынтыгын терс деп көрсөткөн маалымкаты болушу шарт;
  • Бул эреже чет өлкөлүк элчилик, консулдук, эл аралык уюмдардын кызматкерлерине, экипаж мүчөлөрүнө тиешелүү эмес. Ошондой эле ата-энелери менен келе жаткан 7 жашка чейинки балдарга да колдонулбайт. КРдеги шайлоо процесстерине көз сала турчу эл аралык байкоочулардан маалымкат суралбайт;
  • Кыргызстанга келе жаткан жүргүнчүлөргө учактын ичинде анкета таратылат;
  • Кыргызстандын аймагына кирерде жүргүнчүлөр санитардык-карантиндик пункттун кызматкерлерине маалымкаты менен толтурулган анкетаны беришет;
  • Жүргүнчүлөр сөзсүз түрдө бет капчан болушу керек жана антисептик колдонушу шарт;
  • Эгер борт кызматкерлери бир жүргүнчүдөн коронавирустун белгилери байкалгандыгы тууралуу маалымат берсе, анда аны менен байланышта болгондор аныкталат. Булар учакта алдыңкы, арткы орундуктагы эки адам жана капталында отурган бир адам. Байланышта болгондор жашаган жеринде медициналык кароодон өтүшү керек.
  • Эгер дарыгерлер байланышта болгондорду аныкташы керек болсо, анда аэропорттор жүргүнчүлөрдүн тизмеси менен алар тууралуу маалыматты бериши шарт;
  • Санитардык-карантиндик пункттун адистери келген жүргүнчүнүн дене табын атайын жабдуу менен текшеришет. Эгер клиникалык белгилер байкалбаса, анда жүргүнчү андан ары кете берет. Эгер байкалса, Тез жардам борборунун кызматкерлери Саламаттык сактоо министрлиги тарабынан көрсөтүлгөн ооруканага жаткырышат;
  • Эскертүү: эгер ПЦР-тест тууралуу маалымкаттын мөөнөтү каттамдар кармалгандан улам же башка бир маанилүү себептер менен өтүп кетсе, анда тестти жүргүнчү баргандан кийин тапшырат.

Мындай алгоритм ички каттамдар менен жүргөндөргө да тиешелүү.

КРге транспорт менен келчүлөр үчүн алгоритм:

Кыргызстандыктардын да, башка өлкөнүн жарандарынын дагы тест тапшырган маалымкаты болушу керек. Бул эреже чет өлкөлүк элчилик, консулдук, эл аралык уюмдардын кызматкерлерине, экипаж мүчөлөрүнө тиешелүү эмес. Ошондой эле ата-энелери менен келе жаткан 7 жашка чейинки балдарга колдонулбайт. Мындай документ эл аралык жүк ташуу менен алектенген айдоочулардан да суралбайт;

Чек арадан өтөрдө санитардык-карантиндик пункттун дарыгерлери келгендердин баарын текшерет. Эгер оорунун белгилери байкалса, анда ооруканага жаткырышат, эгер байкалбаса коё беришет;

Ал эми оору табылган адам менен байланышта болгондор милдеттендирилген анкета толтуруп, үйүндө өзүн-өзү изоляциялоодо болушу керек же чек арада алынган тесттин жыйынтыгы чыккыча обсервацияда жатып турушу шарт.

Бул буйрук Саламаттык сактоо министрлигинин сайтында да жайгаштырылган.

Декабрь айынын орто ченинде Улуу Британияда SARS-CoV-2 деп аталган коронавирустун жаңы мутациясы пайда болгону тастыкталган. Адистердин айтымында, вирустун жаңы түрү мурдагыга салыштырмалуу тез тарайт.

4
Белгилер:
буйрук, алгоритм, штамм, коронавирус
Тема:
Коронавируска байланыштуу Кыргызстандагы кырдаал
Тема боюнча
Штаб: коронавирустун жайылуу темпи боюнча Кыргызстан жашыл зона
Япония британиялык жаңы штаммдан улам өлкөгө кирип-чыгууга тыюу салды
КР калкынын канчасында коронавируска каршы антитело бар? Изилдөөнүн жыйынтыгы
Киши жолду өтүп жатат. Архив

Карап туруп эле сүзүп алды. Токмокто адамды автоунаа койдуруп кеткен видео

16
(жаңыланган 10:31 19.01.2021)
Окуя 18-январь күнү саат 8.00дөр чамасында Шамсинская жана Ключевая көчөлөрүнүн кесилишинде болгон. Audi 100 үлгүсүндөгү автоунаасынын айдоочу жол чийинден өтүп бара жаткан кишини кагып кетет.

БИШКЕК, 19-янв. — Sputnik. Токмок шаарында жөө адамдар өтчү жол чийинде өтүп бара жаткан кишини автоунаа койдуруп кеткен ирмемдер видеого түшүп калды. Бул тууралуу Чүй облустук милициясынын жол кыймылынын коопсуздун камсыздоо башкармалыгынан билдиришти. 

Окуя кечээ, 18-январь күнү, саат 8.00дөр чамасында Шамсинская жана Ключевая көчөлөрүнүн кесилишинде болгон. Audi 100 үлгүсүндөгү автокөлүктүн айдоочу жол чийинден өтүп бара жаткан кишини кагып кетет.

Бүгүн Facebook тармагына окуянын видеосу жүктөлдү. 

Маалыматка караганда, айдоочу токтобостон качып кеткен. Бирок милиция көп өтпөй ошол эле шаардын 62 жаштагы тургунун шектүү катары кармады. Тергөө иштери уланууда.

Бир нече жаракат алган жабырлануучу ооруканада.

16
Белгилер:
жол кырсык, автоунаа, Токмок
Тема:
2021-жылдын башынан бери Кыргызстанда болгон жол кырсыктар
Тема боюнча
Нарында Audi менен Toyota Estima сүзүшүп, бир адам каза болду