Аба ырайы. Архивдик сүрөт

Ишембиге карата аба ырайы

192
Синоптиктер 2-январда түнкүсүн Ысык-Көл облусунун кээ бир райондорунда каар жаап, кайра күндүз басыларын болжоду.

БИШКЕК, 1-янв. — Sputnik. Ишемби күнү Кыргызстанда абанын температурасы дээрлик өзгөрбөйт. Бул тууралуу Кыргызгидромет агенттиги билдирди.

Синоптиктер 2-январда түнкүсүн Ысык-Көл облусунун кээ бир райондорунда бир аз кар жаай турганын айтышты. Башка аймактарда күн ачык болот.

Абанын температурасы Чүй облусунда 0...-5 градус, Таласта -2…+3, Ош, Жалал-Абад, Баткен облустарында -1...+4 градус жылуу болот. Ал эми Ысык-Көл аймагында күндүн табы 0…5 градуска көтөрүлөт. Тоолуу Нарын жергесинде -5...-10 градус суук болору болжолдонду.

Бишкек жана Ош калааларында кар жаабайт. Борбор калаада -3…-5 градус суук болсо, Ошто 1…3 градус жылуу болору айтылды.

192
Белгилер:
кар, аба ырайы, синоптик, Кыргызстан
Тема боюнча
Адис: бул кышта жарык өчпөйт, бирок кийинки жыл катаал болушу мүмкүн
Ооруканада COVID-19 кабылган бейтапка жардам көрсөтүү. Архивдик сүрөт

Соңку бир суткада 93 адам коронавирус жугузуп, экөө каза болду

9
(жаңыланган 11:07 23.01.2021)
Бүгүнкү күндө ооруканаларда 689 бейтап дарыланууда. Алардын 437си орто оордукта, 220сы оор абалда, 28и өтө оор абалда жатат.

БИШКЕК, 23-янв. — Sputnik. Кыргызстанда соңку бир сутканын ичинде 93 адам коронавирус жугузуп алса, 108 бейтап ооруну жеңип чыкты. Бул тууралуу Республикалык штаб кабарлады.

Илдеттен эки адам каза болуп, алар Чүй жана Ысык-Көл облусунун тургундары болгону айтылды. Ушуну менен өпкөнү сезгенткен оорудан 1 398 кыргызстандык каза болду.

Бир сутка ичинде катталган жаңы учурлар:

  • Бишкек – 27;
  • Ош – 2;
  • Чүй облусу – 29;
  • Ош облусу – 4;
  • Талас облусу – 2;
  • Нарын облусу – 1;
  • Ысык-Көл облусу – 21;
  • Жалал-Абад облусу – 5;
  • Баткен облусу – 2.

Бүгүнкү статистиканы кошкондо өлкөдө COVID-19 жугузуп алган адамдардын жалпы саны 83 796га жетти.

Айыгып чыккандар:

  • Бишкек – 38;
  • Ош шаары – 2;
  • Чүй облусу – 35;
  • Ош облусу – 3;
  • Нарын облусу – 3;
  • Ысык-Көл облусу – 23;
  • Жалал-Абад облусу – 1;
  • Баткен облусу – 3.

Ушуну менен коронавирустан сакайгандардын саны 79 772 кишини түздү.

Бүгүнкү күндө ооруканаларда 689 бейтап дарыланууда. Алардын төртөө канааттандырарлык абалда, 437си орто оордукта, 220сы оор абалда, 28и өтө оор абалда жатат.

Мындан сырткары, 1006 бейтап үй шартында дарыланууда.

9
Белгилер:
айыгуу, жуктуруу, оору, статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Кыргызстанда коронавируска каршы эмдөө үч этап менен жүрөт
Коронавирустун пайдасы: Баткенде башка жугуштуу оорулар азайды
Автоунаа айдаган киши. Архив

Бишкекте электрондук айдоочулук күбөлүктүн пилоттук долбоору ишке кирет

21
Аталган долбоор пилоттук негизде адегенде Бишкек шаарында башталат. Электрондук документтер мобилдик тиркемелер аркылуу сунушталат.

БИШКЕК, 23-янв. — Sputnik. Быйыл санариптештирүүнүн алкагында айдоочулук күбөлүктөрдү жана автоунаалардын паспортторун электрондук түргө өткөрүү пландаштырылууда. Бул тууралуу Мамлекеттик каттоо кызматы билдирди.

Маалыматта айтылгандай, аталган долбоор пилоттук негизде адегенде Бишкек шаарында башталат.

"Пилоттук түрдө сыналуучу долбоордо унаа башкарган адамдар бет түзүлүшү аркылуу идентификацияланып, келечекте айдоочунун күбөлүгүн жана унаанын документин каттоо электрондук түргө өтүүгө мүмкүндүк берет. Электрондук документтер мобилдик тиркемелер аркылуу сунушталат", — деп айтылат маалыматта.

Өткөн жылы "Унаа" ишканасы тарабынан автонуааларга 413 миң 218 мамлекеттик номер белгилери, 250 миң 038 транспорт каражатын каттоо тууралуу күбөлүктөр берилген.

Ал эми эл аралык үлгүдөгү айдоочулук күбөлүк алгандардын саны 189 миң 526 адамга берилген.

21
Тема боюнча
Автоунаа номерлерин сатуудан өлкө бюджети 70 млн. сомго толукталды
"Унаа" ишканасынын кызматтары 1-январдан тарта арзандайт. Жаңы тариф