Ала-Тоо аянты. Архив

Жаанчыл болот, күн кайра сууктайбы? Бир жумага карата аба ырайы

4852
Синоптиктер борбор калаада дүйшөмбүдөн бейшембиге чейин мезгил-мезгили менен жамгыр, кар жаай турганын айтууда.

БИШКЕК, 7-фев. — Sputnik. Кыргызгидромет агенттиги алдыдагы аптага карата аба ырайынын божомолу тууралуу маалымат берди.

Ага ылайык, борбор калаада дүйшөмбүдөн бейшембиге чейин мезгил-мезгили менен жамгыр, кар жаашы күтүлөт. Бирок абанын температурасы кескин төмөндөбөйт.

Батыштан соккон шамалдын ылдамдыгы секундасына 4-9 метрге жетет.

Чүй, Талас облустары

8-февралда түнкүсүн тоолуу райондордо жаан жаайт, ал эми күндүз жана 9-февралда көпчүлүк аймактарда мезгил-мезгили менен жамгыр, кар жаашы ыктымал.

10-11-февралда кээ бир райондордо жана тоо этектеринде жаан-чачын болот.

Ош, Жалал-Абад, Баткен облустары

8-февралда Жалал-Абад облусунун көпчүлүк аймактарында, Ош, Баткен облустарынын кээ бир райондорунда жамгыр, тоолорго кар жаашы күтүлөт. 9-февралда көпчүлүк аймактарда мезгил-мезгили менен жаан жаайт.

10-февралда Жалал-Абад менен Оштун бир катар аймактарында жамгыр аралаш кар жаайт. Баткен облусунда жаан-чачын күтүлбөйт.

11-февралда кээ бир райондордо жамгыр жаап, тоо этектерине жана тоолуу райондордо кар түшөт.

Ысык-Көл облусу

8-9-февралда көпчүлүк аймактарда мезгил-мезгили менен жамгыр, кар жаайт. 10-11-февралдарда кээ бир райондордо жамгыр, тоолуу райондордо кар жаашы болжолдонду.

Нарын облусу

Теңир-Тоонун аймагында 8-9-февралда көпчүлүк аймактарда мезгил-мезгили менен кар жаай турганы айтылды.

Ал эми 10-11-февраль күндөрү кээ бир райондордо гана кар жаайт.

Апта аягы жума, ишемби күндөргө карата өлкө аймагында күтүлгөн аба ырайынын жакындатылган болжолдоосу:

12-февралда жаан-чачын күтүлбөйт. 13-февралда түнкүсүн Талас, Жалал-Абад, Баткен облустарынын тоолуу райондорунда кар жаайт. Калган аймактарда күн ачык болот.

Ал эми күндүз Баткен облусунун кээ бир райондорунда жамгыр, кар жаайт. Чүй, Талас облустарынын тоолуу райондорунда кар жаашы ыктымал, калган аймактарда жаан-чачын болбойт. Абанын күндүзгү температурасы бир аз жогорулайт.

4852
Белгилер:
кар, Кыргызстан, аба ырайы
Тема боюнча
Дарыгер: аба ырайы өзгөргөндө өнөкөт оорулар козголуп, уйку басат
Кыргызстанда нефть менен газ чыккан жерлердин картасы
Токтогул Сатылганов атындагы Кыргыз улуттук филармония. Архив

Жаздын алгачкы айы мартта филармонияда кандай концерттер болот. Программа

40
(жаңыланган 09:09 26.02.2021)
Жаздын алгачкы айында борбор калаанын тургундары жана коноктору үчүн бир нече концерттик программалар уюштурулган.

БИШКЕК, 26-фев. — Sputnik. Токтогул Сатылганов атындагы Кыргыз улуттук филармония март айындагы репертуарын жарыялады.

Майрамдарга бай жаздын алгачкы айында борбор калаанын тургундары жана коноктору үчүн бир нече концерттик программалар уюштурула турганы маалым болду.

  • 1-март — Аялдар конгрессинин 8-мартка карата майрамдык концерти. Башталышы саат 18:00;
  • 2-март — Александр Островскийдин "Шальные деньги" комедиялык пьесасын Россиянын артисттери аткарат. Башталышы 18:30;
  • 3-март — "Билим берүүнүн инновациялык борбору" компаниясынын "Франшиз" форуму. Башталышы 10:00.
  • 3-март — Кыргыз улуттук филармониянын камералык оркестринин майрамдык концерти. Башталышы 17:00;
  • 5-6-март — Филармониянын чыгармачыл жамааты жана солисттеринин 8-март - Аялдардын эл аралык майрамына карата "Жаздын көркү сени менен башталат, жашоо жарык сен бар үчүн аялзат!" аттуу концерти. Башталышы 18:30;
  • 7-8-март — КРдин эмгек сиңирген артисти Аалы Туткучев жетектеген "Эл ырчысы Эстебес" фольклордук тобунун "Ааламдан кең, апа сенин бешигиң" аттуу концерти. Башталышы 18:00;
  • 9-март — Нурхат Догдурбек уулунун концерти. Башталышы 18:30;
  • 11-март — "Досум-Үсөн" эстрадалык ансамблинин концерти. Башталышы 18:30;
  • 13-март — "Улыбка" элдик үлгүлүү балдар хореографиялык ансамблинин концерти. Башталышы 18:00;
  • 14-март — "Жылдын мыкты чоң энеси" сынагы. Башталышы 18:00;
  • 15-март — балдардын сулуулук сынагы. Башталышы 18:00;
  • 16-17-март — КРдин эмгек сиңирген артисти Сыймык Бейшекеевдин концерти. Башталышы 18:30;
  • 18-март — "Сармерден" теледолбоору. Башталышы 18:00;
  • 19-март — Нооруз майрамына арналган майрамдык концерт. Башталышы 17:00;
  • 20-март — Нооруз майрамына арналган майрамдык концерт. Башталышы 18:00;
  • 21-март — куудул Борончу Кудайбергеновдун концерти. Башталышы 18:00;
  • 26-март — "Манас" камералык оркестринин концерти. Башталышы 18:30;
  • 27-март — "Феникс Мира" ишканасынын кызматкерлери үчүн концерт. Башталышы 13:00;
  • 28-март — айтыш, башталышы 18:00;
  • 30-31-март — эстрада ырчысы Мирлан Баековдун концерти. Башталышы 18:30;
40
Белгилер:
ырчы, программа, концерт, филармония
Тема боюнча
Интернет жылдызына айланган Байзак ырчы: аябай толкунданып жатам...
Алтынайдан Курманжан даткага чейинки жол. Жамал Сейдакматованын кинодо калган элеси
Кыргызстандагы музейлер Көчмөндөр оюндарына даярдана баштады
Президент Садыр Жапаров жана Россиянын президенти Владимир Путин Кремлдеги жолугушуу учурунда

Садыр Жапаровдун чет өлкөгө жасаган биринчи сапарынын жыйынтыгы. Сереп

229
(жаңыланган 00:30 26.02.2021)
Президент Садыр Жапаровдун чет өлкөгө жасаган биринчи иш сапары жыйынтыкталды. Материалдан жолугушуулардын урунттуу учурларын окуңуздар.

Садыр Жапаров Бишкектен Москвага 24-февралда учуп кеткен. Делегация дээрлик чоң эле болду. Курамына президенттин аппаратынын жетекчиси, эки вице-премьер, жети министр, эки ведомствонун жетекчилери жана Бишкек шаарынын мэринин милдетин аткаруучу дагы кирди.

Жапаров Россияга учуп кетер алдында Кыргызстан менен Россиянын өз ара мамилелери жана байланыштары жөнүндө "Союздук байланыштар" аттуу макаласын жарыялады. Анда мамлекет башчы тарыхта кыргыз-орус элинин алысташына өбөлгө түзгөн көйгөй жаралбагандыгын белгилеген.

Кийин Россиянын ири маалымат агенттиктеринин бири болгон РИА Новостиге орус-кыргыз мамилесинин абалын, кызматташууда биринчи басым эмнеге жасала тургандыгын айтып берген.

Пандемияга байланыштуу сапар расмий эмес, жумушчу болду. Мындан улам Москванын аэропортунда оркестр жана башка шаан-шөкөт уюштурулган жок.

Кремлден белгилешкендей, жумушчу сапардын программасы мазмундуу болду. Садыр Жапаров Москвага учуп келери менен Россиянын президенти, андан соң Татарстандын башчысы менен жолукту. Кийинки күнгө Россия парламентинин эки палатасынын төрагалары жана өкмөт башчысы менен жолугушуу пландалган.

Бул иш сапар Кыргызстандын жетекчилиги үчүн башкы өнөктөштүн ишенимине кирип, жакшы байланыш түзүүгө жол ачты. Ал эми Россияга алдыда ким менен иштешерин билүүгө мүмкүнчүлүк жаралды.

Владимир Путин

Россиянын лидери эки мамлекет достук гана эмес, союздук мамиле түзө алганын белгиледи. Ал ошондой эле Россия Кыргызстандагы ички саясий кырдаалын жөнгө саларына үмүт артарын айтты.

Пандемия боюнча дагы маселе козголду. Путин Россия Кыргызстанга буга чейин жардам берип келгенин, мындан ары дагы колдоо көрсөтүү үчүн болгон аракетин жасай турганын билдирди. РФ президенти КР өкмөтүнүн вирусту ооздуктоого күчү жетип жатканын канааттануу менен белгиледи. Путин эки өлкөнүн эриш-аркак жылына пандемия жолтоо болгонун эске салып, абал жакшырса орду толтуруларын айтты.

РФ лидери Кыргызстандын Конституциясына киргизилгени жаткан өзгөртүүлөр боюнча дагы кеп козгоду. Ал алдыга коюлган пландар республикадагы кырдаалды турукташтырып, КРдин өнүгүүсүнө шарт түзүп, Россия менен байланышты бекемдээрине үмүт кыларын билдирди. Мындан сырткары, ал Кыргызстан орус тилинин расмий статусун Конституцияда сактаганы Россия үчүн дагы, кыргызстандыктар үчүн дагы маанилүү экенин кошумчалаган.

Ал эми Садыр Жапаров өтө кыйын болуп турган мезгилде жана пандемия учурундагы көрсөткөн колдоого өзгөчө ыраазычылыгын билдирди. Ошондой эле ЕАЭБ, КМШ, ЖККУ жана ШКУнун алкагында кызматташуу ниетинде экенин айтты. Ал ошондой эле коронавируска каршы россиялык вакцинанын майнаптуулугун жана коопсуздугун дүйнө коомчулугу таанып жаткандыгын белгилеп, жакынкы арада Кыргызстан дагы эмдөө кампаниясын баштайт деген үмүттө экенин кошумчалады.

Рустам Минниханов

Андан кийин Жапаров Татарстандын президенти Рустам Минниханов менен жолукту. Жолугушуу таанышуу мүнөздө өттү. Президенттер эки элдин ортосундагы экономикалык жана маданий байланышты күчөтүү зарылдыгын айтышты.

Президент Кыргызстана Садыр Жапаров во время встречи с президентом Татарстана Рустамом Миннихановым в рамках визита в РФ
© Пресс-служба президента КР / Султан Досалиев
Андан кийин Жапаров Татарстандын президенти Рустам Минниханов менен жолукту

Парламенттик деңгээл

Кийинки күнү Жапаров Федералдык кеңештин (парламенттин жогорку палатасы) төрайымы Валентина Матвиенко менен көрүштү. Анда кыргыз-орус кызматташтыгы тууралуу пикир алышуу болду. Матвиенко Жапаровдун чет өлкөгө жасаган алгачкы эле сапарында Россияга келишин эки мамлекеттин мамилеси жогорку деңгээлде экенин айгинелегенин белгиледи. Путин сыяктуу ал дагы Кыргызстанда орус тилинин расмий макамынын сакталышынын маанилүүлүгүн айтты.

Ага чейин Кыргызстандын өлкө башчысы Россиянын Мамлекеттик Думасынын (парламенттин төмөнкү палатасы) төрагасы Вячеслав Володин менен жолуккан. Алар эки тараптуу кызматташуунун келечеги, анын ичинде Кыргызстан менен Россиянын ортосундагы мамилелерди тереңдетүүдөгү парламенттер аралык кызматташуунун ролу жөнүндө пикир алмашкан. Володин ошондой эле Кыргызстанда жакында эле өткөн президенттик шайлоо тууралуу кеп салып, АКШдагы шайлоого караганда бир кыйла ачык өткөнүн айтты.

Михаил Мишустин

Садыр Жапаров буга чейин Михаил Мишустин менен телефон аркылуу сүйлөшкөнү менен Россиянын башка жетекчилери сыяктуу аны менен да алгачкы ирет көрүштү. Россия өкмөтүнүн башчысы эки тараптуу мамилелерди мазмундуу жаңы деңгээлге чыгарып, жаңы долбоорлор менен толтурууга кызыкдар экендигин айтты.

Өз кезегинде Жапаров пандемия учурунда гуманитардык, каржылык жана техникалык жардам көрсөткөн колдоосу үчүн Россия өкмөтүнө ыраазычылыгын билдирди. Ошондой эле эки мамлекеттин ортосундагы бардык потенциалды толук ачып берүүгө умтулаарын кошумчалады.

Президент Кыргызстана Садыр Жапаров встретился с председателем правительства России Михаилом Мишустиным в рамках своего визита в Москву
© Пресс-служба президента КР / Султан Досалиев
Садыр Жапаров буга чейин Михаил Мишустин менен телефон аркылуу сүйлөшкөнү менен Россиянын башка жетекчилери сыяктуу аны менен да алгачкы ирет көрүштү

Мигранттар менен жолугушуу

Жапаров Путин менен жолугушкандан кийин эле Москвада иштеп, жашап жүргөн мекендештер менен кезикти. Ал мигранттардын Кыргызстандын экономикасына кошкон салымы чоң экенин белгилеп, аларды мекенге кайтаруу үчүн шарт түзүүгө убада берди.

Президент сүйлөп жатып, үй ээлери салык төлөөдөн качып мигранттарды каттоодон баш тартышаарын, мындан улам келип чыккан миграциялык каттоонун көйгөйү жөнүндө билерин айтты. Президент маселени чечүү жолдорун да атады.

Кыргызстанцы проживающие в России на встрече с президентом КР в рамках его рабочего визита в РФ
© Пресс-служба президента КР / Султан Досалиев
Жапаров Путин менен жолугушкандан кийин эле Москвада иштеп, жашап жүргөн мекендештер менен кезикти

Россиянын бизнес өкүлдөрү менен жолугушуу

Россиядан инвестиция алып келүү иш сапардын маанилүү милдеттеринин бири экенин Жапаров Москвага жөнөй электе айткан. Жолугушууга россиялык 40ка жакын ири компаниялардын башчылары катышты. Президент ишкерлерди тигүү, айыл чарба продукцияларын кайра иштетүү, логистикалык борборлорду куруу сыяктуу тармактарга каражат салууга чакырды.

 Президент Кыргызстана Садыр Жапаров встретился с представителями крупного российского бизнеса в Москве в рамках своего визита в РФ
© Пресс-служба президента КР / Султан Досалиев
Россиядан инвестиция алып келүү иш сапардын маанилүү млдеттеринин бири экенин Жапаров Москвага жөнөй электе айткан. Жолугушууга россиялык 40ка жакын ири компаниялардын башчылары катышты

Жыйында болгон сүйлөшүүлөр тууралуу конкреттүү маалыматтар айтылган жок. Деген менен президент жана өкмөт мүчөлөрү россиялык ишкерлердин суроолоруна жооп берди.

Эки күндүк иш сапардын соңунда кыргызстандык делегация Кремлдеги белгисиз жоокердин эстелигине гүлчамбар коюп, Улуу Ата Мекендик согуш жылдарында каза болгондорду эскерип бир мүнөттүк аза күтүштү.

Президент Кыргызской Республики Садыр Жапаров возложил венок к могиле неизвестного солдата у Кремлевской стены в городе Москва. 25 февраля 2021 года
© Пресс-служба президента КР / Султан Досалиев
Эки күндүк иш сапардын соңунда кыргызстадык делегация Кремлдеги белгисиз жоокердин эстелигине гүлчамбар коюп, Улуу Ата Мекендик согуш жылдарында каза болгондорду эскерип бир мүнөттүк аза күтүштү

Кандай документтерге кол коюлду?

Иш сапардын аякташы менен Кыргызстандын тышкы иштер министри Руслан Казакбаев кесиптеши Сергей Лавров менен жолукту. Алар төрт документке кол коюшту:

  • КР өкмөтү менен РФ өкмөтүнүн ортосундагы Кыргызстандагы идентификациялоо каражаттары менен товарларды маркировкалоо системасын түзүү максатында Россия тарабынан Кыргызстанга кайтарылгыс техникалык жардам көрсөтүү жөнүндө макулдашуу;
  • КР Коргоо министрлиги менен РФ Коргоо министрлигинин ортосундагы Кыргызстандын аймагында пилотсуз учуучу аппараттарды колдонуу жөнүндө протокол;
  • КР менен РФтин 2021-2025-жылдарга карата коргоо ведомстволорунун башчыларынын ортосундагы аскер жаатындагы стратегиялык өнөктөштүгүн өнүктүрүү программасы;
  • КР Айыл, суу чарба жана аймактарды өнүктүрүү министрлиги менен РФ Айыл чарба министрлигинин ортосундагы айыл чарба продукциясын жеткирүү жаатында кызматташуу жөнүндө өз ара түшүнүшүү меморандуму.
229
Белгилер:
Вячеслав Володин, Михаил Мишустин, Валентина Матвиенко, Владимир Путин, кызматташуу, документ, Москва, иш сапар, Садыр Жапаров, президент, Россия, Кыргызстан
Тема:
Садыр Жапаровдун Россияга сапары
Тема боюнча
Россия Кыргызстанга экономиканы көмүскөдөн чыгарууга 623 млн. сом берет
Путин: Россия Кыргызстанга мындан ары да колдоо көрсөтөт
Кызматташууну бекемдейбиз. Жапаров Путин менен жолукканда эмне деди
Тай бокс боюнча мелдеш. Архив

Тай бокс чебери атаандашын санга тээп нокаутка кетирди. Видео

0
Бул кармаш эки мушкер үчүн да дебюттук беттеш болгон. Алардын бири таймашта баштан-аяк кубаттуу тепки жасап, атаандашын бүк түшүргөн.

БИШКЕК, 26-фев. — Sputnik. Таиландда муай-тай мушкери атаандашын жоон санына катуу тээп нокаутка кетирди. Бангкоктогу мелдеште болгон окуянын видеосу интернетке чыкты.

"Президент" каймана аты бар тай бокс чебери Роберт Сор Танабавон беттеште баштан-аяк атаандашына кубаттуу соккуларды уруп, чабуул жасаган. Үчүнчү раунддун орто ченинде анын атаандашы Саклека Киатфетчедыга бир катар соккуларды уруп, жоон санына катуу тепкен. Ал кулап, ордунан тура албай калган. Калыс муну нокаут деп эсептеп, беттешти дароо токтоткон.

Жергиликтүү ЖМКлар бул беттеш эки мушкер үчүн да дебюттук экенин жазышты.

0
Белгилер:
нокаут, сокку, беттешүү, тай боксу
Тема боюнча
Жыга чапты. Мушкер Абдыкааровдун OPEN FC беттешинде уткан учурунун видеосу