Баткак жолдо бараткан унаа. Архивдик сүрөт

Кайрадан суук түшөбү? Мартка карата аба ырайы

(жаңыланган 19:20 01.03.2021)
Синоптиктер жаздын алгачкы айында күн өтө деле ысып кетпей турганын боолголошту. Тоолуу жерлерде суук болсо, түштүк аймактарда кээ күндөрү абанын температурасы 25 градуска чейин жетери айтылды.

БИШКЕК, 1-мар. — Sputnik. Кыргызгидромет агенттиги март айына карата аба ырайынын божомолу туурасында маалымат берди.

© Фото / Кыргызгидромет
2021-жылдын марттагы Кыргызстанда орточо айлык температурасы

Синоптиктер белгилегендей, жаздын алгачкы айында тоолуу жерлерде суук кармалса, түштүк аймактарда кээ күндөрү абанын температурасы 25 градуска чейин жетиши ыктымал.

© Фото / Кыргызгидромет
2021-жылдын марттагы Кыргызстанда орточо айлык жаан-чачыны

Чүй облусу

Абанын айлык орточо температурасы климаттык норманын чегинде болуп, 4…6 градус жылуу, тоо этектеринде жана Кемин өрөөнүндө 0…2 градус суук болушу күтүлөт.

Баткенде жазгы айдап себүү жумуштары
© Фото / пресс-служба полпредства правительства в Баткенской области
Ай ичинде абанын температурасы түнкүсүн 0…-5 градус сууктан 2…7 градуска чейин жылыйт. Күндүз абанын температурасы 5…10 градустан 17…22 градуска чейин жылуу болушу божомолдонууда. Кээ күндөрү -3 градуска чейин суук болот.

Кемин өрөөнүндө жана тоо этектериндеги райондордо абанын температурасы түнкүсүн -3…-8 градус суук, күндүз 3…8 градустан 12…17 градуска чейин жылуу болуп өзгөрүлүп турушу ыктымал.

Айрым күндөрү 0…-5 градуска чейин суук жүрөт.

Жаан-чачындын айлык көлөмү нормага жакын болушу айтылды.

Талас облусу

Абанын айлык орточо температурасы климаттык норманын чегинде болуп, 2…4 градус жылуу болушу ыктымал.

Ай ичинде абанын температурасы түнкүсүн -2…-7 градус сууктан 1…6 градуска чейин жылуу болсо, күндүз 5…10 — 17…22 градус болуп улам өзгөрүп турушу мүмкүн.

Кээ күндөрү -3 градус сууктан 2 градуска чейин жылышы ыктымал.

Жаан-чачындын айлык көлөмү нормага жакын болушу божомолдонууда.

Ош, Жалал-Абад, Баткен облустары

Ош менен Баткенде абанын айлык орточо температурасы климаттык норманын чегинде болуп, 6…8 жылуу, тоо этектериндеги райондордо 4…6 градус жылуу болушу күтүлөт. Жалал-Абадда 7...9 градус жылуу болору божомолдонду.

Ай ичинде абанын температурасы түнкүсүн -1 градус сууктан 10 градуска чейин жылуу болсо, күндүз абанын температурасы 9…14 градустан 25 градуска чейин жетип, күн ысышы ыктымал.

Тоо этектериндеги райондордо ай ичинде абанын температурасы түнкүсүн -3…-8 градус сууктан 15…20 градуска чейин жылып, абанын температурасы өзгөрүлүп турат. Жаан-чачындын айлык көлөмү нормадан арбын болушу күтүлөт.

Ысык-Көл облусу

Абанын айлык орточо температурасы климаттык норманын чегинде болуп, 1…3 градус жылуу болушу божомолдонууда.

Ай ичинде абанын температурасы түнкүсүн -1…-6 градус сууктан 1…6 градуска чейин жылып, өзгөрүп турат. Чыгышында айрым түндөрү -5…-10 градуска чейин муздашы ыктымал. Күндүз абанын температурасы 1…6 градустан 9…14 градуска чейин жылыйт.

Жаан-чачындын айлык көлөмү нормага жакын болушу ыктымал.

Нарын облусу

Абанын айлык орточо температурасы климаттык норманын чегинде болуп, 0…-2 градус суук, Кочкор районунда 0…2 градус жылуу болушу күтүлүүдө.

Ай ичинде абанын температурасы түнкүсүн -7…-12 градус сууктан 2 градуска чейин жылуу болот. Бирок кээ күндөрү абанын температурасы -13…-18 градуска чейин төмөндөшү мүмкүн. Күндүз абанын температурасы 0…5 градустан 9…14 градуска чейин жылыйт деп божомолдонууда. Ат-Башы районунда абанын температурасы түнкүсүн -3…-19 градуска чейин жетсе, күндүз 11 градуска чейин жылуу болуп өзгөрүлүп турат.

Жаан-чачындын айлык көлөмү нормага жакын болушу мүмкүн.

Белгилер:
жаз, божомол, март, аба ырайы, Кыргызгидромет
Тема боюнча
Баткен облусунда төрт жерде ири канал курулууда. Сүрөттөр
Бишкек мэриясы. Архив

УКМК Бишкек шаарынын казынасынан 43 миллион сом уурдалганын таап чыкты

(жаңыланган 13:32 16.04.2021)
Атайын кызмат белгилегендей, каражат 2020-жылы кабыл алынган токтомдор аркылуу эсептен чыгарылган. УКМК окуянын чоо-жайын ачыктады.

БИШКЕК, 16-апр. — Sputnik. УКМК Бишкек мэриясынын кызмат адамдары 43 миллион сомдон ашык бюджеттик каражатты өзүнө мыйзамсыз ыйгарып алганын аныктады. Бул тууралуу УКМКдан билдиришти.

Атайын кызмат Бишкек шаардык кеңешинин жана шаардык администрациясынын жооптуу кызматкерлерине Кылмыш-жаза кодексинин 205-беренесинин 3-бөлүмү ("Ишенип берилген мүлктү ыйгарып алуу же коротуу") боюнча кылмыш ишин козгогон. Бул факты Кылмыш жана жоруктардын бирдиктүү реестрине катталып, сотко чейинки өндүрүшкө алынган.

УКМКнын белгилешинче, бюджеттик каражатты парламенттик шайлоо алдында үгүт иштерине жана жеке кызыкчылыктарына пайдалануу максатында тийиштүү кызматкерлер тарабынан каражатты эсептен чыгаруу боюнча мыйзамсыз механизм түзүлгөн.

Бул максатта мэриянын 2020-жылдын 8-июнундагы №60 "Бишкек шаарында жарандык демилгелердин долбоорлорун ишке ашыруу тартиби тууралуу Убактылуу жобону бекитүү жөнүндө" токтому кабыл алынган.

"Ошол эле учурда, бул жарандык долбоорлор жалаң гана шаардык кеңештин жана Бишкек мэриясынын жооптуу кызматкерлеринин демилгеси менен ишке ашырылып, натыйжада 43 миллион сомдон ашык суммадагы бюджеттик каражатты мыйзамсыз ыйгарып алуу иштери жүргүзүлгөн", — деп айтылат билдирүүдө.

Ошондой эле долбоорлор Бишкек мэриясы эмес, түзүмдүк бөлүмдөр тарабынан ишке ашырылган. Учурда тиешелүү ыкчам-иликтөө иш-чаралары жүргүзүлүп жатат.

Белгилер:
кылмыш, шектүү, УКМК, коррупция, бюджет, Бишкек мэриясы, Бишкек
Тема боюнча
Депутат Кубанычбек Жумалиев бюджетке 1 млрд. сом төлөдү
Матраимовдун кылмыш иши кыскартылып, эркиндикке чыкты
Медициналык кызматкер Бишкектеги ооруканада COVID-19 менен оруган бейтаптар менен

Министр: былтыр ооругандар кайра вирус жуктуруп алууда, вакцина алгыла

(жаңыланган 13:33 16.04.2021)
Министр бардык аймактарда коронавируска кабылгандар жана андан көз жумгандар көбөйүп жатканын эске салды. Себеби антитело сегиз айдан бир жылга чейин жетерин айтты.

БИШКЕК, 16-апр. — Sputnik. Былтыр коронавирус менен ооругандар быйыл кайра ооруну жуктура баштады. Бул тууралуу саламаттык сактоо жана социалдык өнүктүрүү министри Алымкадыр Бейшеналиев маалымат жыйын учурунда билдирди.

"Бардык облустарда ооругандардын саны жогорулап жатат, каза болгондор да көбөйүүдө. Былтыр жайында жуктургандар кайра ооруп жатат. Себеби иммунитет жок болуп баратат. Окумуштуулар антитело сегиз айдан бир жылга чейин жетерин айтышат. Ошондуктан вакцина алуу керек, жамааттык иммунитетти пайда кылышыбыз керек. Президент жана өкмөт башчы менен сүйлөшкөндө экономикалык абалга байланыштуу карантин киргизе албайбыз дешкен. Карыздарыбыз көп, кыйналып калат экенбиз", — деди министр.

Министр элди санитардык жана гигиеналык эрежени сактоого чакырды. Ошондой эле өлкөгө вакциналарды алып келүү боюнча иштер жүрүп жатканын айтты.

Белгилер:
антитело, вакцина, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Барыктабасова: "Ысык-Көл тамыры" элдин саламаттыгын коркунучка кептейт
Министр уу коргошун боюнча: президент экөөбүз кайнатмасын даярдап жатабыз
230 кишиден вирус табылып, төрт адам каза болду. COVID боюнча статистика