Жолду муз каптаган жерде өтүп бараткан жүргүнчү. Архивдик сүрөт

Күн дагы сууктап, жолдорго муз тоңот. ӨКМ билдирүү таратты

470
(жаңыланган 10:52 15.03.2021)
Аба ырайынын кескин өзгөрүшүнөн улам жайыттарда мал кармоо, автоунаа, энергетика жана коммуналдык кызматтардын иши кыйындай турганы айтылат.

БИШКЕК, 15-мар. — Sputnik. Өзгөчө кырдаалдар министрлиги шашылыш билдирүү таратып, абанын температурасы дагы төмөндөй турганын эскертти.

Бүгүн, 15-мартта, көпчүлүк аймактарда мезгил-мезгили менен жамгыр, тоо этектеринде жана тоолуу райондордо кар жаайт. Кээ бир аймактарда туман түшөт. Жолдорго муз тоңуп, тайгак болот. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетиши ыктымал.

15-16-мартта абанын температурасы төмөндөп, Чүй өрөөнүндө түнкүсүн -5…-10, күндүз 0…-5 градус, Таласта түнкүсүн -6…-11, күндүз 0…-5 градус суук болот. Ош, Жалал-Абад, Баткен облустарынын өрөөндөрүндө түнкүсүн -1…-6, күндүз 0…5 градус жылуу болот.

15-17-март күндөрү Ысык-Көл облусунун дыйканчылык аймактарында түнкүсүн -3…-8, күндүз 0…5 градус, Нарындын дыйканчылык аймактарында түнкүсүн -6…-11, күндүз -3…+2 градус, тоолуу райондордо түнкүсүн -18…-23, күндүз -8…-13 градус суук болушу күтүлөт.

Мындай аба ырайы жайыттарда мал кармоону, автоунаа, энергетика жана коммуналдык кызматтардын ишин кыйындатат.

ӨКМ төмөнкү аймактарда кар көчкү түшөрүн жана жолдорго муз тоңорун эскертет:

  • Бишкек — Ош жолунун Төө-Ашуу, Ала-Бел ашуулары, Чычкан капчыгайы;
  • Суусамыр — Талас — Тараз жолундагы Өтмөк ашуусу;
  • Мырза-Аке — Кара-Кулжа — Алайкуу жолунун 74-115-чакырымдары;
  • Ала-Бука — Жаңыбазар — Кировка жолундагы Чапчыма ашуусу;
  • Красная Горка — Ак-Таш жолунун 1-4-чакырымдары;
  • Ош — Сары-Таш жолунун Талдык жана Катын-Арт ашуулары;
  • Сары-Таш — Дароот-Коргон — Карамык жолунун 98-136-чакырымдары;
  • Казарман — Актал-Чат жолундагы Ийри-Суу тилкеси, Кара-Гөө ашуусу.

Бул аймактарда унаалардын ортосундагы 500 метр аралыкты сактоо сунушталат.

470
Тема боюнча
Кар жаайт. Бир жумага карата аба ырайы
Кайрадан суук түшөбү? Мартка карата аба ырайы
Кыргызстандын желеги. Архив

Өкмөт эгемендүүлүк майрамында кыргыздардын дүйнөлүк курултайын өткөрүүнү сунуштады

9
(жаңыланган 20:26 15.05.2021)
Буга чейин президент Садыр Жапаров кыргызстандыктардын бүткүл дүйнөлүк курултайын өткөрүү демилгесин көтөргөн.

БИШКЕК, 15-май — Sputnik. Министрлер кабинети эгемендүүлүктүн 30 жылдыгына карата
кыргыз элинин бүткүл дүйнөлүк курултайын өткөрүүнү сунуштады. Бул тууралуу өкмөт башчы Улукбек Марипов аталган күндү майрамдоо боюнча уюштуруу комитетинин кеңешмесин өткөрүп жатканда сөз болду.

Өкмөттүн маалымат кызматынан билдиришкендей, республиканын түптөлүшүнүн 30 жылдыгын майрамдоо боюнча иш-чаралардын планына Бишкек шаарында жана аймактарда өткөрүлчү 100дөн ашуун иш-чара киргизилген.

“Кеңешменин жүрүшүндө өлкө президентинин кайрылуусуна ылайык, планга кыргыз элинин бүткүл дүйнөлүк курултайын өткөрүүнү киргизүү сунушталды. Министрлер кабинетинин башчысы 30 жылдыкты майрамдоо боюнча иш-чаралар планын толуктап иштеп чыгууну жана сын-пикирлерди эске алуу менен үч күндүн ичинде уюштуруу комитетинин талкуулоосуна сунуштоону тапшырды”, — деп айтылат билдирүүдө.

Маалыматка караганда, юбилейлик датага карата театрлаштырылган оюн-зооктор уюштурулуп, бир катар ири көргөзмөлөр жана ат оюндары өткөрүлөт. Ошондой эле улуу Кыргыз каганатынын түзүлүшүнөн баштап, азыркы мезгилге чейинки басып өткөн жолу тууралуу сүрөт китебин түзүү пландаштырылууда.

Марипов белгилегендей, бардык иш-чаралар республикадагы эпидемиологиялык кырдаалды эске алуу менен санитардык ченемдерге жана талаптарга ылайык жүргүзүлүшү керек.
Буга чейин президент Садыр Жапаров кыргызстандыктардын бүткүл дүйнөлүк курултайын өткөрүү демилгесин көтөргөн. Анткени жаңы Конституцияга Курултай институту тууралуу киргизилген.

9
Белгилер:
план, курултай, Кыргызстандын эгемендүүлүк күнү, майрам, Улукбек Марипов, Кыргызстан
Тема боюнча
Жапаров кыргызстандыктардын бүткүл дүйнөлүк курултайын өткөрүүнү сунуштады

Минутасына 25 миң сөз окуйт. Өзгөчө ыкма тапкан Элланын өнөрү видеодо

22
(жаңыланган 20:06 15.05.2021)
Элла Зарылбекова мүнөтүнө 25 миң сөз, жарым саатта бир китеп окуй алат. Ал Кыргызстанда биринчилерден болуп тез окуу курсун ачып, мындай ыкманы 3000дей адамга үйрөткөн. Анда 8 жаштан 49 жашка чейинки курактагылар окуп жатат.

Элла 21 жашта, учурда Ишеналы Арабаев атындагы Кыргыз мамлекеттик университетинин биология жана химия факультетинин 4-курсунун студенти.

Буга чейин Кыргызстанда орус тилинде гана тез окуу курстары бар болчу. Ал алгачкылардан болуп кыргызча ылдам окууну үйрөтүп жатат.

Анын курсунда окугандардын алды мүнөтүнө 42 миң сөз окуганга жетишкен.

"Көпчүлүгү "мүнөтүнө 25 миң сөздү кантип айтып жетишесиң?" деп сурашат. Мындай сырттан окулбайт, адам баласы ашып кетсе минутасына 300 эле сөздү сүйлөп же окуп жетише алат. Тез окуу бир катар көнүгүүлөрдүн натыйжасында көрүү талаасынын кеңейүүсү менен жүргөн процесс болуп саналат. Бир убакытта эле эки сөздөн, эки саптан, бир абзацтан, ошондой эле бир бетти бир карап эле окуу деңгээлине жетсе дагы болот", — деп түшүндүрдү Зарылбекова.

Каарман ушул кезге чейин 4000ге жакын китеп окуганын, үйүндө чакан китепканасы бар экенин айтат. Өзү бала кезинен эле көп окуп, ал эми тез окууну интернеттен карап эле үйрөнүп, ыкмаларын алты айда өздөштүргөн.

"Окуу методикасын үйрөнүп, иштеп чыкканга алты ай убакыт короду. Ошол ыкманы колдонгон бир окуучум 12 күндө эле менден озуп кетти. Ал мүнөтүнө 42 миң сөз окуп, анын маанисин 70-75 пайызга түшүнүп калды. Бул да жакшы деңгээл. Мен тез окуганда 80-85, жеңил китептер болсо 90 пайызга чейин түшүнөм", — деди Зарылбекова.

Ошондой эле ал тез окуу маалыматтарды бат кабыл алууга өбөлгө түзөрүн, айрыкча бүтүрүүчүлөргө Жалпы республикалык тестирлөөдө чоң пайдасы тиерин кошумчалады.

Элла Зарылбекова бир эле учурда университетте окуп, курста сабак өтүп жана борбор калаадагы китеп дүкөндөрүнүн биринде администратор болуп иштейт. Жаш экенине карабай өзүн-өзү каржылап, ата-энесине да каралашып турат.

22
Белгилер:
студент, окуучу, китеп, окуу
Тема боюнча
Короосуна кафелдин 70 түсү менен сүрөт тарткан Бегимгүл. Аксылык кыздын маеги
Шыктандырат! Балдар үйүнүн бүтүрүүчүлөрү чакан бизнес ачканда. Видео
Селсаяктар менен иштеген Ажар: блогерликтен айына 200 миң сом табам