Жамгыр учурунда көчөдө бараткан адамдар. Архив

Жаанчыл болобу? Бир жумага карата аба ырайы

Бүгүн Бишкекте күн ачык болуп, абанын температурасы 23 градуска жетиши ыктымал. Бирок кечке маал күндүн көзү бузулуп, жаан жаашы мүмкүн.

БИШКЕК, 4-апр. — Sputnik. Кыргызгидромет агенттиги келе жаткан аптага карата аба ырайы тууралуу маалымат берди.

Ага ылайык, 4-апрель күнү Бишкекте күн ачык болуп, абанын температурасы 23 градуска жетиши ыктымал. Бирок кечке маал күндүн көзү бузулуп, жаан жаашы мүмкүн. Аптанын экинчи жарымы жылуу болот.

5-апрель күндүз жана 6-апрель түнкүсүн өлкөнүн дээрлик бардык аймактарында жаан жаап, тоолуу аймактарга кар түшүшү мүмкүн. Тоолуу райондордо жолдор тоңголок, тайгак болот. Батыштан соккон шамалдын ылдамдыгы секундасына 4-9 метрден 4-апрелде күндүз жана 5-апрелде кээ бир райондордо 15-20 метрге жетиши күтүлөт.

6-апрель күндүз жана 7-8-апрелде күн кайра жылып, жаан жаабай турганы айтылды.

9-апрелде жана 10-апрелде түнкүсүн жаан-чачын күтүлбөйт. 10-апрелде күндүз Чүй, Талас, Ош, Жалал-Абад облустарынын кээ бир райондорунда жаан жаашы ыктымал. Калган аймактарда күн ачык болуп, абанын температурасы дээрлик өзгөрүлбөйт.

Белгилер:
жаан-чачын, божомол, Кыргызгидромет, аба ырайы, апта
Тема боюнча
Ошто жалпы шаардык ишембилик өтүп, 700 тонна таштанды чыгарылды. Сүрөт
Дүкөндөгү кумшкекер. Архив

ЕЭК Кыргызстанга шекерди бажы алымысыз алып келип турууга уруксат берди

(жаңыланган 23:58 22.04.2021)
Тарифтик жеңилдик 15-майдан 30-сентябрга чейин болот. Натыйжада Кыргызстанга 40 миң тоннадан ашык кумшекер бажы алымы жок келет.

БИШКЕК, 22-апр. — Sputnik. Евразия экономикалык комиссиясынын кеңеши ЕАЭБ аймагына шекерди импорттоодо бажы алымды убактылуу алып турууну чечти. Бул тууралуу ЕЭКтин маалымат кызматы кабарлады.

Мындай чечим комиссиянын кеңешинин жыйынында кабыл алынган.

Тарифтик жеңилдик 2021-жылдын 15-майынан 30-сентябрына чейин болот. Арменияга 22,4 миң тонна, Казакстанга 134,4 миң тонна, Кыргызстанга 40 миң тонна, Россияга 350 тоннадан ашык эмес өлчөмдө ташылып келген кумшекер бажы алымынан бошотулат.

ЕЭК белгилегендей, комиссиянын кеңешинин чечими расмий жарыялангандан тартып 10 календардык күндө күчүнө кирет.

Эске сала кетсек, азыр ЕАЭБге кирбеген өлкөлөргө шекер ташуунун  бажы алымы тоннасына 340 долларды түзөт.

Белгилер:
импорт, Кумшекер, бажы, чечим, комиссия, ЕЭК, Евразиялык экономикалык биримдик
Тема:
ЕАЭБдеги Кыргызстан
Тема боюнча
Бишкекте азык-түлүк жарманкеси өтөт. Даректери
Кумшекер бир айда 7,2 пайызга кымбаттады. Жер-жерлердеги баалар
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр