Ала-Тоо аянтындагы шаар тургундары. Архив

Жайдагыдай ысыйт! Май айына карата аба ырайы

1213
(жаңыланган 17:37 16.04.2021)
Синоптиктердин маалыматына караганда, абанын температурасы нормадан жогору болуп, өлкөнүн көпчүлүк аймактарында жайындагыдай ысыйт.

БИШКЕК, 16-апр. — Sputnik. Кыргызгидромет май айына карата аба ырайы тууралуу маалымат берди.

Среднемесячная температура по Кыргызстану в мае 2021 года
© Фото / Кыргызгидромет
2021-жылдын май айындагы Кыргызстанда орточо айлык температурасы

Бул айда өлкө боюнча абанын температурасы климаттык нормадан бир градус жогору болору айтылды. Ал эми жаан-чачындын нормасы Ысык-Көл облусунан (адаттагыдан көбүрөөк) башка аймактарда норманын чегинде болмокчу.

Среднемесячное количество осадков по Кыргызстану в мае 2021 года
© Фото / Кыргызгидромет
2021-жылдын май айындагы Кыргызстанда орточо айлык жаан-чачыны

Чүй облусу

Абанын айлык орточо температурасы климаттык нормада болуп, +16…+18 градус жылуу болору күтүлүп жатат.

Ай ичинде абанын температурасы түнкүсүн +2...+7 градустан 10…15 градус жылуулукка чейин, күндүз 15…20дан 25…30га чейин жылуу болот.

Кемин өрөөнүндө жана тоолуу райондордо түнкүсүн +3...+8, күндүз +12…+17ден +21…+26га чейин жетет.

Талас облусу

Абанын айлык орточо температурасы +15…+17 градус болот.

Ай ичинде абанын температурасы түнкүсүн +2...+7 градустан 8…13 градуска чейин, күндүз 14…19дан 24…29га чейин жылуу болот.

Ош облусу

Абанын айлык орточо температурасы +18…+20 градус, тоо этектеринде +14…+16 градус болору күтүлүп жатат.

Ай ичинде абанын температурасы түнкүсүн +6...11 градустан 12…17 градус жылуулукка чейин, күндүз 17…22ден 27…32ге чейин жылуу болот.

Тоо этектерине жакын аймактарда түнкүсүн +3…+8ден +10…+15ке чейин, күндүз +15…+20дан +25…+30га чейин.

Жалал-Абад облусу

Абанын айлык орточо температурасы +18…+20, тоо этектеринде +14…+16 градус болмокчу.

Ай ичинде абанын температурасы түнкүсүн +6…+11ден +12…+17 градуска чейин, күндүз 14…19дан 24…29га чейин жылуу болот.

Токтогул районунда абанын табы түнкүсүн +5…+10дон +11…+16га чейин, күндүз +17…+22ден +24…+29 грудска чейин көтөрүлөт.

Баткен облусу

Абанын айлык орточо температурасы +18…+20, тоо электеринде +14…+16 градус болмокчу.

Ай ичинде абанын температурасы түнкүсүн +6…+11ден +12…+17 градуска чейин, күндүз 17…22ден 27…32ге чейин жылуу болору божомолдонууда.

Ысык-Көл облусу

Абанын айлык орточо температурасы +11…+13 градус болмокчу.

Ай ичинде абанын температурасы түнкүсүн +1…+6дан +7…+12 градуска чейин, күндүз 11…16дан 19…24кө чейин жылуу болот.

Айрым күндөрү Көл өрөөнүндө түнкүсүн үшүк жүрүшү күтүлүүдө. Абанын табы -1...-3 градуска чейин түшөт.

Нарын облусу

Абанын айлык орточо температурасы +12…+14 градус жылуу болору күтүлүп жатат.

Ай ичинде абанын температурасы түнкүсүн +3…+8 градуска чейин, күндүз +12…+17ден +20…+25 градуска чейин жылуу болот.

1213
Белгилер:
аба ырайы, жаз, май, Кыргызстан
Тема боюнча
Кайра суук болбойбу? Бир жумага карата аба ырайы
Кумтөр алтын кени. Архив

Сот "Кумтөр" компаниясын мамлекетке 262 млрд. сом төлөөгө милдеттендирди

84
(жаңыланган 00:20 08.05.2021)
Жергиликтүү тургундар чет өлкөлүк компания экологияга зыян келтирди деген доомат менен сотко кайрылган.

БИШКЕК, 8-май — Sputnik. Бишкектин Октябрь райондук соту "Кумтөр Голд Компани" компаниясын мамлекетке 261 миллиард 719 миллион 674 сом төлөөгө милдеттендирди. Бул тууралуу Жогорку соттун маалымат кызматы кабарлады.

Сот "Кумтөр Голд Компани" ишканасынын Кумтөр кенин иштетүүдөн чыккан калдыктарды Давыдов жана Лысый мөңгүлөрүнө жыйып келгенин мыйзамсыз деп тапкан. Дээрлик 262 миллиард сомго жеткен негизги суммадан тышкары сот компаниядан 1 миллиард 308 миллион 653 миң 370 сом мамлекеттик алым өндүрүүнү чечкен.

Маалыматта ишкананын үстүнөн сотко Ысык-Көлдүн тургундары арызданганы айтылат. Жергиликтүү жашоочулар "Кумтөр Голд Компани" Кыргызстандын экологиялык мыйзамдарын бузду деп даттанган. Мөңгүлөргө чыгарылган 1 миллиард 200 миллион тонна калдыктан 183 миллион куб муз талкаланганы белгиленди.

Доого жыгылган тарап 30 күндүн ичинде Бишкек шаардык сотуна кайрылса болот.

84
Белгилер:
токтом, чечим, сот, айып, компания, Кумтөр
Тема боюнча
"Кумтөрдү" Акылбек Жапаров жетектеген мамлекеттик комиссия текшермей болду
Үч милдет бар. Президент Жапаров экономика кандай реформаланарын айтты
Кыргызстан менен Тажикстандын чек арасындагы кыргыз аскер кызматкери

Лейлекте чек арада жүргөн тажик аскерлери боюнча милиция түшүндүрмө берди

427
(жаңыланган 00:11 08.05.2021)
Милициянын айтымында, бул маалыматтар тиешелүү кызматтар тарабынан ыкчам текшерилген. Кырдаал туруктуу. Күч түзүмдөрү күчөтүлгөн тартипте иш алып барууда.

БИШКЕК, 8-май — Sputnik. Лейлек районунун Арка айылына тажик чек ара аскерлери келди деген маалымат боюнча облустук милиция билдирүү таратты.

Бүгүн түштөн кийин социалдык тармактарда “Арка айылына тажик аскерлери кайра келе баштады...” деген видеолор тараган. Анда чек арага жакын жерде автомат асынган эки аскер турганын көрүүгө болот.

Милициянын айтымында, бул маалыматтар тиешелүү кызматтар тарабынан ыкчам текшерилген.

“Бүгүн мамлекеттик чек ара аймагынын Баткен облусунун Лейлек районуна караштуу Арка-1 аймагында тажик тарап чек ара кезметин коюуга аракет кылган. Кыргызстандын чек арачылары тез арада буга чара көрүп, мамлекеттик чек аранын такталбаган аймагында чек ара кезметин алуу талабын койгон. Тажик тарап ошол эле замат бул талапты аткарган”, — деп айтылат билдирүүдө.

Саат 23.15ке карата берилген маалымат боюнча, Лейлек районунун Арка, Достук, Борбордук, Жаштык, Максат, Интернационал, Саада, Кулунду, Эски-Оочу айылдарында коомдук жана ыкчам кырдаал туруктуу. Коомдук коопсуздук ички иштер органдарынын кызматкерлери тарабынан көзөмөлдөнүүдө. Кыргыз-тажик мамлекеттик чек ара аймагындагы кырдаал туруктуу.

Милиция тараткан маалыматта, азыркы учурда кыргыз-тажик мамлекеттик чек ара аймагында ар бир мамлекеттик органдар өз милдеттеринин алкагында коомдук коопсуздукту камсыз кылуу боюнча тийиштүү иш-чараларды жүргүзүп жатканы айтылды.

427
Белгилер:
Дамира Юсупова, кыргыз-тажик чек арасы, Баткен
Тема:
Баткендеги кыргыз-тажик жаңжалы
Тема боюнча
Лейлектеги бир катар жолдорду оңдоо жана куруу иштери башталды
Ташиев: бир дагы метр жерибизди бербейбиз, Ворухка коридор ачылбайт