Дарыя. Архив

Айыл чарба министрлиги: кийинки муун суу жетпей кыйналат

100
(жаңыланган 10:31 28.04.2021)
Министрликтин маалыматына ылайык, жакшы жагына болжолдогон учурда деле апаат 50 жылдан кийин болуп кетиши мүмкүн.

БИШКЕК, 28-апр. — Sputnik. Акыркы ондогон жылдарда Кыргызстандагы мөңгүлөрдүн аянты 27 пайызга кыскарды. Бул тууралуу Айыл, суу чарба жана аймактарды өнүктүрүү министрлигинин Айыл чарбасын жана региондорду өнүктүрүү боюнча концепциясында айтылат.

Анда мөңгү 70 жылдан соң таптакыр калбай калышы мүмкүн экени белгиленген.

"70 жылдан кийин өлкөдө мөңгү такыр калбай, биздин кийинки муун суу тартыштыгы көйгөйүнө кабылышы мүмкүн. Бул оптимисттик көз караш менен алгандагы божомол. Экинчи жагынан караганда, антропогендик факторлордун көбөйүшү, түтүн жана температуранын жогорулап кетиши эске алынат. Бул мөңгүлөрдүн эришин тездетет, ал эми алардын аянтынын азайышы жылуулуктун тездешин шарттайт, мындай учурда апаатка 50 жылдан кийин кабылышыбыз мүмкүн", — деп белгиленет маалыматта.

БУУнун маалыматы боюнча, 2018-жылы эле 148 өлкөдөн 17,2 миллион жаран климаттык ыңгайлуу жерди "башпаанектеген". Абанын табы 2 градуска көтөрүлгөн глобалдуу жылуулуктан улам 280 миллион адам аргасыздан жер которору болжолдонгон.

"Эгер биз азыртан баштап кардиналдуу чараларды көрө баштабасак, бүтүндөй Борбор Азия чөлкөмүнүн эли жер которгондордун катарын толукташы мүмкүн. Бул бир гана Кыргызстандын эле эмес, бүтүндөй аймактын көйгөйү", — деп жазылат маалыматта.

Министрлик көйгөйдү чечүүнүн төмөнкүдөй жолдорун сунуш кылат:

  • түшүмсүз жайыттарды багбанчылык жана токой чарбасы үчүн трансформациялоо жөнүндө мыйзам зарыл. Бул бакчалардын аянтын 50 миң гектардан 500 миң гектарга чейин көбөйтүүгө шарт түзөт;
  • токойлорду жана бак көчөттөрүн отургузуу менен жашыл аянттарды көбөйтүү;
  • сууну үнөмдүү пайдалануу — сугат системасын модернизациялоо (учурдагы сугат тармагы эскилиги жеткен, ошондуктан суу коромжуга учурап жатат).

Министрлик мындай чараларды ишке ашыруу үчүн эбегейсиз каражат талап кылынарын белгиледи.

100
Белгилер:
Кыргызстан, айыл чарба, суу, Мөңгү
Тема боюнча
Окумуштуулар: глобалдуу жылуулук 500 миллион адамдын өмүрүн алышы мүмкүн
Кумтөр алтын кени. Архив

ЖК “Кумтөрдү” башкарууга мүмкүндүк берген мыйзам долбоорун кабыл алды. Шарттары

60
(жаңыланган 00:02 07.05.2021)
Мыйзам долбооруна ылайык, концессионер ишкана өз ишмердүүлүгүндө элдин саламаттыгына жана экологияга кооптуулук жаратса, аны сырттан башкаруу боюнча өкмөт чечим кабыл алуусуна шарт түзөт.

БИШКЕК, 6-май — Sputnik. Жогорку Кеңеш 6-майдагы жыйыныда корпоративдик башкаруу чөйрөсүндөгү айрым мыйзам актыларына ("Акционердик коомдор жөнүндө" мыйзам) өзгөртүүлөрдү киргизүү боюнча мыйзам долбоорун үч окууда кабыл алды.

Демилгечилер эл өкүлдөрү Акылбек Жапаров менен Бактыбек Турусбеков болду.

Мыйзам долбооруна ылайык, концессионер ишкана өз ишмердүүлүгүндө элдин саламаттыгына жана экологияга кооптуулук жаратса, аны сырттан башкаруу боюнча өкмөт чечим кабыл алуусуна шарт түзөт.

Депутат Дастан Бекешевдин “кеп “Кумтөр” ишканасы тууралуу болуп жатабы?” деген суроосуна баяндамачы Акылбек Жапаров “атын атайын атабай жатканын, бирок концессионер катары бир гана “Кумтөр” иштээрин билдирди.

Жапаровдун айтымында, министрлер кабинетинде мыйзамга ылайык өз укугун ишке ашыруу мүмкүнчүлүгү пайда болот. Ал ушул тапта экологияга келтирген зыян боюнча 3,2 миллион долларлык доо арыз каралып жатканын жана 19 адамдын каза болгонун белгиледи.

Жыйынга катышып жаткан 100 депутаттын ичинен 98и мыйзам долбооруна макулдугун берди.

60
Белгилер:
Кумтөр, Жогорку Кеңеш, мыйзам долбоору
Тема боюнча
"Кумтөрдү" Акылбек Жапаров жетектеген мамлекеттик комиссия текшермей болду
Головной суу бөлүштүрүүсү

Жапаров “Головной” суу бөлүштүрүү жайын модернизациялоо тапшырмасын берди

165
(жаңыланган 22:59 06.05.2021)
Садыр Жапаров Баткен облусуна барып, чек арадагы жаңжалда жабыркаган эл менен жолукту. Ошондой эле зыянга учураган объектилерди көрдү.

БИШКЕК, 6-май — Sputnik. Президент Садыр Жапаров "Головной" суу бөлүштүрүү жайын модернизациялоону тапшырды. Бул тууралуу өлкө башчынын маалымат кызматынан билдиришти.

  • Президент КР Садыр Жапаров во время выступления на военном полигоне Бужум в Баткенской области. 06 мая 2021 года
    Президент Садыр Жапаров "Головной" суу бөлүштүрүү жайын модернизациялоону тапшырды
    © Пресс-служба президента КР / Султан Досалиев
  • Военный полигон Бужум в Баткенской области во время визита президента КР. 06 мая 2021 года
    Баткен облусуна болгон сапарында президент Садыр Жапаров бүгүн, 6-майда, “Бужум” аскердик полигону менен Баткен облусунун кыргыз-тажик чек арасына жакын жердеги Ак-Суу дарыясында жайгашкан “Головной” суу бөлүштүрүүчү жайга барды
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президент Садыр Жапаров "Головной" суу бөлүштүрүү жайын модернизациялоону тапшырды

Баткен облусуна болгон сапарында президент Садыр Жапаров “Бужум” аскердик полигону менен Баткен облусунун кыргыз-тажик чек арасына жакын жердеги Ак-Суу дарыясында жайгашкан “Головной” суу бөлүштүрүүчү жайга барды.

“Мамлекет башчы суу бөлүштүрүүчү жайды жана объектти кайтарган аскердик бөлүк турган аймакты көрүп чыгып, тийиштүү мамлекеттик органдарга суу бөлүштүрүүчү жайды модернизациялоону тапшырды”, — деп айтылат билдирүүдө.

Ошондой эле Жапаров “Бужум” полигонундагы аскер кызматкерлеринин алдында сүйлөп жатып, мамлекет Куралдуу Күчтөрдүн алдындагы социалдык милдеттенмелеринин бардыгын аткара турганын жана күч түзүмдөрүнүн көйгөйлөрүн чечүүгө өлкө жетекчилиги тарабынан өзгөчө көңүл буруларын белгиледи.

165
Белгилер:
модернизациялоо, Садыр Жапаров, "Головной" суу бөлүштүрүүчү, Баткен
Тема:
Баткендеги кыргыз-тажик жаңжалы
Тема боюнча
Чек арадагы жаңжалдын кесепети. Баткендин жүрөктү тилген сүрөттөрү
Бир айыл 5 уулун жоготту. Турдубайдын чек арада окко учканын 4 баласы биле элек
Рио-де-Жанейро шаарында метродо атышуу

Бразилияда метродо атышуу болуп, 25 киши көз жумду. Видео

0
(жаңыланган 00:31 07.05.2021)
Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

БИШКЕК, 7-май — Sputnik. Бразилиянын Рио-де-Жанейро шаарында метродо полиция менен баңгизат сатуучулардын арасында атышуу болуп, 25 киши каза болду. Бул тууралуу РИА Новости агенттиги жазды.

Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

Маалыматка караганда, шаар полициясы баңгизат сатуучуларды кармоо үчүн атайын операция жүргүзгөн. Жыйынтыгында 24 шектүү жана полициянын бир офицери каза болгону айтылат. Алардан тышкары төрт адам жаракат алган. Экөө жай тургун экени кошумчаланды.

0
Белгилер:
өлүм, видео, атышуу, полиция, Бразилия
Тема боюнча
Баткендеги үйдөн Ми-24 тик учагынан атылган авиаракета табылды. Видео