Ысыкта фонтанда ойногон кыз. Архивдик сүрөт

Күн дагы ысыйбы? Бир жумага карата аба ырайы

186
Жума ичинде айрым аймактарда жамгыр жааса, кээ биринде күн ачык болот. Абанын температурасы өтүп бараткан аптага салыштырмалуу 2-3 градуска төмөндөшү ыктымал.

БИШКЕК, 11-июл. — Sputnik. Кыргызгидромет агенттиги алдыдагы аптага карата аба ырайы тууралуу маалымат берди.

Ага ылайык, айрым аймактарда жамгыр жааса, кээ биринде күн ачык болот. Абанын температурасы өтүп бараткан аптага салыштырмалуу 2-3 градуска төмөндөшү ыктымал.

Бишкек шаары

Ордо калаада 12-14-июлга чейин күн күркүрөп, өткүн өтүшү ыктымал. Калган күндөрү жамгыр жаабайт.

Чүй облусу

Чүй облусунда 15-июлга чейин өткүн өтүп, жаан жаашы мүмкүн. 16-июлдан тарта күн ачылып, абанын температурасы жогорулашы күтүлүүдө.

Талас облусу

Таласта 13-июлда күндүз жана 14-июлда кээ бир райондордо өткүн өтүп, күн күркүрөшү күтүлөт. Башка күндөрү жаан жаабайт, күн ачык болот деп божомолдонууда.

Ош, Баткен жана Жалал-Абад облустары

Бул аймактардын көпчүлүк жеринде 11-12-13-14-июлда өткүн өтүп, күн күркүрөшү ыктымал. Андан кийин 15-17-июлга чейин жамгыр жаабай, күн ачылып, абанын температурасы жогорулашы мүмкүн.

Ысык-Көл облусу

Ысык-Көлдө апта ичи жаанчыл болушу мүмкүн деп божомолдонду. Аптанын дээрлик бардык күнү аймакта күн күркүрөп, өткүн өтүшү ыктымал.

Нарын облусу

Нарында 11-14-июнга чейин жаан жааса, андан кийин күн ачылары божомолдонду.

Батыштан соккон шамалдын ылдамдыгы секундасына 4-9 метрден, 11-15-июлда 14 метрге жетиши мүмкүн.

186
Белгилер:
божомол, облус, аймак, аба ырайы, Кыргызгидромет
Тема боюнча
Ысыкта ден соолукка зыян деген үч кооптуу азык аталды
Президент Садыр Жапаров менен УКМКнын жетекчиси Камчыбек Ташиев. Архивдик сүрөт

Жапаров менен Ташиевдин жаратылыштагы сүрөтү: бири сүйлөп, экинчиси берилип угуп...

14
(жаңыланган 21:20 24.07.2021)
Эки саясатчынын достук мамилеси жөнүндө коомчулукта айтылып, бул туурасында алар өздөрү да бекемдеп келет.

БИШКЕК, 24-июл. — Sputnik. Интернет айдыңында президент Садыр Жапаров менен УКМКнын жетекчиси Камчыбек Ташиевдин жаратылыш койнунда отуруп, бири кеп салып, экинчиси өтө көңүл коюп угуп жаткан сүрөт тарады.

Аны президенттин коомдук башталыштагы жардамчысы Адинай Марипова өзүнүн Facebook тармагындагы баракчасына койду. 

Эки саясатчынын достук мамилеси жөнүндө коомчулукта айтылып, бул туурасында алар өздөрү да бекемдеп келет. Жапаровдун айтымында, алар 15 жыл мурда таанышып, бирге иштешкен. Жогорку Кеңештин эки жолку чакырылышына депутат болушкан.

Кумтөр маселеси боюнча митингди чогуу уюштурушкан, андан соң бийликти күч менен басып алуу аракети боюнча ишке шектелишкен. Жапаровго бийликтин жогорку тепкичине чыгууга Ташиев көмөктөшкөнү эч кимге жашыруун эмес. Саясатчы Өмүрбек Текебаевдин аны "дос-секретарь" деп атаганы бар. Эске салсак, мурда өлкөдө идеологияга жооп берчү – мамлекеттик катчы (госсекретарь) кызматы болгон. Ташиев Жапаров абактан чыгарылган күндөн тарта жанында коштоп жүргөндүктөн, ЖК төрагасы Текебаев ага ушундай ылакап ысым ыйгарган.

14
Белгилер:
Камчыбек Ташиев, Садыр Жапаров, Кыргызстан
Тема боюнча
Жапаров Мирзиёевди туулган күнү менен куттуктап, Кыргызстанга чакырды
Ала-Тоо аянтында сүрөткө түшкөн кыздар. Архивдик сүрөт

Жекшембиге карата аба ырайы

6
25-июлда өлкөдө ченемден тышкары ысык аба ырайы күтүлүп, абанын күндүзгү температурасы өрөөндөрдө 40 градуска чейин көтөрүлөт. Батыштан соккон шамалдын ылдамдыгы секундасына 4-9 метрге жетет.

БИШКЕК, 24-июл. — Sputnik. Жекшембиде республиканын дыйканчылык аймактарында жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй, Ош, Жалал-Абад, Баткен облустарында +35…+40, Талас өрөөнүндө +34…+39, Ысык-Көлдө +27…+32, Нарын аймагында +28…+33 градус болот.

Синоптиктер күндүн табы Бишкек, Ош шаарларында +38…+40, Чолпон-Атада +27…+29 градуска жетерин билдиришти.

6
Белгилер:
Кыргызстан, июль, аба ырайы
Тема боюнча
Аптаптуу ысык кайтып келет. ӨКМ шашылыш билдирүү таратты