Ысык-Көлдө эс алып жүргөн адамдар. Архив

Мээ кайнаткан ысык болобу? Августка карата аба ырайы

14897
(жаңыланган 15:12 16.07.2021)
Абанын орточо температурасы көпчүлүк аймактарда нормадан 1 градуска жылуу, ал эми жаан-чачындын көлөмү нормага жакын болору күтүлөт.

БИШКЕК, 16-июл. — Sputnik. Кыргызгидромет агенттиги август айына карата аба ырайынын божомолу тууралуу маалымат берди.

Ага ылайык, абанын айлык орточо температурасы Чүй, Ош, Жалал-Абад, Баткен облустарынын өрөөндөрүндө нормадан 1 градуска жогору, Талас, Ысык-Көл, Нарын облустарында, тоо этектеринде жана тоолуу райондорунда норманын чегинде сакталат.

© Фото / Кыргызгидромет
2021-жылдын июнь айындагы Кыргызстан боюнча аба ырайынын орточо температурасы

Ал эми жаан-чачындын бир айлык көлөмү Кыргызстандын көпчүлүк аймактарында нормага жакын болору күтүлөт.

© Фото / Кыргызгидромет
2021-жылдын июнь айындагы Кыргызстан боюнча жаан-чачындын орточо көлөмү

Чүй облусу

Абанын айлык орточо температурасы 23…25, Кемин өрөөнүндө жана тоо этектериндеги райондордо норманын чегинде болуп, 15…17 градус жылыйт.

Ай ичинде абанын температурасы түнкүсүн 10…15тен 18…23 градуска, күндүзү 23…28ден 33…38 градуска чейин көтөрүлөт.

Кемин өрөөнүндө жана тоо этектериндеги райондордо түнкүсүн 10…15, күндүз 26…31 градуска чейин ысыйт.

Жаан-чачындын айлык көлөмү нормага жакын болот.

Талас облусу

Абанын орточо айлык температурасы 18…20 градус жылуу болот. Август ичинде абанын температурасы түнкүсүн 13…18, күндүз 30…35 градуска чейин жетет.

Жаан-чачындын бир айлык көлөмү нормага жакын болушу күтүлөт.

Ош облусу

Күндүн табы 24…26, ал эми тоо этектериндеги райондордо 20…22 градуска көтөрүлөт.

Ай ичинде түнкүсүн 12…17ден 18…23 градуска, күндүз 25…30дан 33…38 градуска чейинки температура сакталат.

Тоо этектериндеги аймактарда күн түнкүсүн 15…20, күндүз 30…35 градуска чейин ысыйт.

Жаан-чачындын айлык көлөмү нормага жакын болору айтылат.

Жалал-Абад облусу

Абанын орточо айлык температурасы 24…26, тоо этектеринде 20…22 градус жылуу болушу күтүлөт.

Ай ичинде түнкүсүн 12…17ден 18…23 градуска, күндүз 25…30дан 33…38 градуска чейин ысык болот.

Тоо этектеринде абанын температурасы түнкүсүн 15…20га, күндүз 30…35 градуска чейин көтөрүлөт.

Токтогул районунда күндүн табы 31…36 градуска жетет. Жаан-чачындын айлык көлөмү нормага жакын болот.

Баткен облусу

Августта абанын орточо температурасы 24…26, тоо этектеринде 20…22 градус жылуу болушу күтүлөт.

Түнкүсүн 12…17ден 18…23кө чейин, күндүз 25…30дан 33…38 градуска чейин өзгөрүлүп турат.

Тоо этектеринде күндүн табы түнкүсүн 15…20га, күндүз 30…35 градуска жетет.

Жаан-чачындын айлык көлөмү нормага жакын болот.

Ысык-Көл облусу

Ай ичинде орточо температура 17…19 градустун айланасында сакталат.

Түнкүсүн 6…11ден 13…18 градуска, күндүз 17…22ден 24…29 градуска чейин жылыйт.

Жаан-чачындын айлык көлөмү нормага жакын болот.

Нарын облусу

Ай ичиндеги орточо температура 16…18 градус болору айтылат. Түнкүсүн 5…10дон 13…18 градуска, күндүз 18…23төн 27…32 градуска чейин ысыйт. Жаан-чачындын айлык көлөмү нормага жакын болот.

Жайыттар зонасы

Алай өрөөнүндө абанын температурасы түнкүсүн 3…8, күндүз 19…24 градуска чейин жылыйт.

Ал эми Чаткал өрөөнүндө ай ичинде күндүн табы түнкүсүн 4…9, күндүз 23…28 градустун тегерегинде кармалат.

Суусамырда түнкүсүн 3…8, күндүз 23…28 градуска чейин жылуу болот.

14897
Белгилер:
тоо, күн, температура, жаан-чачын, аба ырайы, Кыргызстан
Тема боюнча
70 градус ысык! Кувейтте болуп көрбөгөндөй ысык болууда
Жол кырсыгынан талкаланган унаа. Архив

Унаанын таш-талканы чыккан. Боомдогу үрөй учурган жол кырсыктын видеосу

483
(жаңыланган 00:40 31.07.2021)
Жол кырсыгы кечке жуук катталган. Окуяда жапа чеккендер тууралуу маалыматтар айтыла элек. Милициянын Кайгуул кызматы толук маалыматты кийинчерээк берүүнү убадалады.

БИШКЕК, 31-июл. — Sputnik. Боом капчыгайында үрөй учурган жол кырсыгы катталды. Жеринен тартылган видеону “Короче” телеграмм-каналы чыгарды. 

Окуя кечке жуук болгон. Кызыл-кочкул түстөгү Daewoo Nexia үлгүсүндөгү унаа каршы тилкени бөлүп турган бетон тосмого урунган. Жапа чеккендер тууралуу маалыматтар айтыла элек.

Видеодо көрүнүп тургандай, жеңил унаанын таш-талканы чыгып, жараксыз болуп калган.

Кырсык Боом капчыгайынын Ысык-Көл облусунун аймагында болгонун ИИМдин Жол кыймылы коопсуздугун камсыздоо башкы башкармалыгы тастыктап, толугураак маалымат кийинчерээк берилерин билдирди.

483
Белгилер:
жол кырсык, Боом капчыгайы, милиция
Тема:
2021-жылдын башынан бери Кыргызстанда болгон жол кырсыктар
Тема боюнча
Ысык-Көлдө минивен аласалып кетти. Жеринен тартылган видео
Көчөдө бараткан кыз. Архив

Милиция Бишкекте эки апта мурда жоголгон өспүрүм кызды тапты

27
(жаңыланган 23:56 30.07.2021)
16 жаштагы кыздын жоголуп кеткендиги боюнча милицияга анын апасы билдирген. Ал 17-июлда түнү жумуштан чыккан бойдон үйүнө келген эмес.

БИШКЕК, 30-июл. — Sputnik. Бишкекте эки апта мурда жоголгон Каролина Бааль аттуу өспүрүм кыз табылды. Бул тууралуу баш калаанын Ленин райондук милициясынын маалымат кызматы кабарлады.

Эске салсак, 27-июлда К.Н. аттуу бишкектик айым 16 жашар кызынын жоголгонун билдирип, аны табууга жардам сурап кайрылган.

Анын айтымында, кызы 17-июлда Сыдыгалиев көчөсүндөгү даректен жумушунан түнкү саат 00:00дө чыккан бойдон үйгө кайтып келген эмес.

Бул факты Ленин райондук милициясындагы Кылмыш жана жоруктардын бирдиктүү реестрине катталып, издөө иши башталган.

"Бүгүн, 30-июлда, 19:00дөр чамасында Ленин райондук милициясынын жашы жете электер менен иш алып баруу инспекциясынын жана криминалдык милиция кызматынын ыкчам кызматкерлери Д. Сяопин жана Фучик көчөлөрүнүн кесилишинде ал кызды тапкан", — деп айтылат билдирүүдө.

Тартип сакчылары жашы жете элек балдардын коопсуздугу үчүн алардын ата-энелерине түшүндүрүү иштерин жүргүзүштү.

27
Белгилер:
Бишкек, өспүрүм, кыз, издөө, милиция
Тема боюнча
Баткен: милиция издеп жаткан өспүрүм бир туугандар табылды