БИШКЕК, 20-июл. — Sputnik. Шаршембиде өлкөнүн көпчүлүк аймагында мезгил-мезгили менен жамгыр себелеп, күн күркүрөйт. Ысык-Көл облусунун айрым райондорунда жаан-чачын катуу жаашы ыктымал. Бул тууралуу Кыргызгидромет билдирди.
Маалыматка ылайык, батыштан соккон шамалдын ылдамдыгы секундасына 4-9 метрге жетет.
Абанын температурасы Чүй өрөөнүндө +30...+35, Ош, Жалал-Абад, Баткен облустарында +31...+36, Талас жергесинде +27...+32, Ысык-Көлдө +20...+25, Нарын аймагында +19...+24 градус болору айтылды.
Термометрдин көрсөткүчү Бишкек, Ош шаарларында +32...+34, ал эми Чолпон-Ата калаасында +21…+23 градуска чейин жетет.
